Ma̱rkut 3:16 - A̠lyiat A̠gwaza na di̠n Tyap: A̠li̠ka̠uli A̠fai

¹⁶ Lyulyoot a̱yaata̱m swak ma̱ a̱feang nang gu ku khai a̱ni, huhwa hu: Siman (nggu wa nang gu ku tyia̱ a̱lyoot “Bitut” ka),

Ma̱rkut 3:16 Iomraidhean Croise

Ma̱rkut 1:16

Nang Yesu nchong a̱ sweap di̱n khwong a̱gba̱ndang jok Ga̱lili wu a̱ni, a̱ si̱ li Siman ma̱ng a̱na̱nyiuk gu Anda̱rawut nang ba̱ khwot á̱ka̱li ma̱ a̱gba̱ndang jok wu á̱ bwoi fa̱n. Mat ba̱ yet á̱niet bwoi fa̱n bya.

Ma̱rkut 3:15

a̱wot gu bu nang mba tyok vwuong á̱ka̱tuk ntswá ghwut ndyo ma̱ á̱nietbishyi.

Ma̱rkut 3:17

Yakubu a̱fai Za̱ba̱di ma̱ng a̱na̱nyiuk nggu wu Yoona. (Bibya Yesu ku tyia̱ mba a̱lyoot nggan “Buwanaji̱t,” ku fa “Mman A̱gbai nza.”)

Luka 6:13

Da̱ a̱tsotson tat ka, a̱ si̱ yorong a̱mgba̱m mman ta̱m nggu na. A̱ si̱ khai á̱niet swak ma̱ a̱feang, ba̱ yet a̱yaata̱m guu. Lyulyoot a̱yaata̱m huhwa hu:

Yoona 1:42

A̱ si̱ nat ma̱ng Bitut da̱ a̱vwuo Yesu ka. Nang Yesu ndi Bitut a̱ni, a̱ si̱ nyia̱ ma̱ng a̱nggu, “Nwan wa yet Siman nggwon Yoona kaa? Á̱ na ngyei ang ‘Kefat.’ ” (A̱lyoot ka nat cha̱chaat ma̱ng a̱lyoot Bitut ka, ka̱ fa “A̱fang”).

Nta̱m A̱yaata̱m 1:13

Nang ba̱ ku si̱ nnwuo a̱keang Urusha̱lima ka a̱ni, ba̱ si̱ nyeak á̱ nat ma̱ a̱gba̱ndang nyuo a̱mali tazwa ka nang ba̱ ku nswan a̱ni. A̱yaata̱m bani bya ku yet: Bitut, Yoona, Yakubu ma̱ng Anda̱rawut, Filibut ma̱ng Toma, Ba̱tolomi ma̱ng Matyu, Yakubu a̱fai A̱lfayat ma̱ng Siman (nang á̱ ngyei Za̱loti a̱ni,) mbeang Yahuda a̱fai Yakubu wu.

1 A̱korontiyawa 1:12

Á̱ghyang á̱niet ma̱ nyin ghai á̱pyia̱ mba di̱ susot nyia̱, “N khwi Bulut wa.” Á̱ghyang á̱niet si̱ nyia̱, “N khwi A̱folot wa,” ku “N khwi Bitut wa,” ku “N khwi Kristi wa ma̱nyin gu.”

1 A̱korontiyawa 3:22

ku nung Bulut, ku A̱folot, ku Bitut, ku swanta, ku swuan ma̱ng a̱khwu, ku swat ma̱nini ma̱ng á̱zanson. Kuzang kyang yet si̱ nyin hwa.

1 A̱korontiyawa 9:5

Zi̱ byia̱ sa̱t zi̱ nyia̱ nyeang zi̱ chong ma̱ng á̱nyiuk nzi̱t ba, ba̱ yet á̱niet khwi ma̱nang a̱yaata̱m á̱ghyang ma̱ng á̱na̱nyiuk A̱tyoli nzi̱t ba, a̱wot ma̱nang Bitut nnyia̱ a̱ni baa?

2 Bitut 1:1

Nung, Siman Bitut, a̱khwo ma̱ng a̱ta̱m Yesu Kristi, n dyuut nyin wusika jini, nyin á̱niet ba nyi san a̱tsatsak nwuak a̱chuchuk cha̱chaat ma̱ng a̱nzi̱t a̱ni. Á̱ ku nang nyin nwuak a̱chuchuk huni, mat a̱chuchuk ma̱ng tsotswat Yesu Kristi a̱ yet A̱gwaza ma̱ng A̱tyusan nzi̱t wu a̱ni.