Ma̱rkut 3:10 - A̠lyiat A̠gwaza na di̠n Tyap: A̠li̠ka̠uli A̠fai

¹⁰ Mat nang gu ka̱n choot á̱niet ma̱ a̱di̱di̱t a̱ni, huhwa á̱niet nzwán si̱ bai á̱ ghyun á̱ghyang da̱nian ba̱ ka bai kpa̱mkpaan ma̱ng a̱nggu, ba̱ ka byam gu, ba̱ choot.

Ma̱rkut 3:10 Iomraidhean Croise

Matyu 12:15

Nang Yesu nfi̱k kyang ba̱ vwuoi a̱ni, a̱ si̱ doot a̱ja. Á̱kpa á̱niet ma̱ a̱di̱di̱t si̱ khwi ngguu. A̱ si̱ choot a̱mgba̱m á̱niet nzwán ma̱ mba.

Matyu 14:14

Nang Yesu nshya̱ di̱ ghwut mi̱ kukwon a̱wak hu a̱ni, a̱ si̱ li á̱kpa á̱niet ka. A̱wot a̱ si̱ fa̱k kunak ba, a̱ si̱ choot á̱niet nzwán ba ma̱ mba.

Matyu 14:36

Ba̱ si̱ naai ngguu gu yok á̱niet nzwán ba ba̱ byiam guu, ku di̱ ma̱ a̱ta̱m a̱toot gu kikya. A̱wot a̱mgba̱m a̱tyu a̱ byiam gu a̱ni, a̱ si̱ choot.

Matyu 4:23

Yesu si̱ nwuai a̱ kat a̱mgba̱m fam a̱byin Ga̱lili hu. A̱ si̱ tyiet ma̱ á̱tutu a̱tung A̱yahudawa, a̱ bu shei á̱niet ba A̱sham Nkhang Tyok A̱gwaza ka. A̱ si̱ tsa a̱ nchoot á̱niet ba̱ nyia̱ ma̱ng kuzang tangka̱i nzwan a̱ni.

Ma̱rkut 5:34

Yesu si̱ nyia̱ ma̱ng nggu, “Nggwon nung, nwuak fwuo ang hu choot ang. Nat ma̱ng a̱lyia̱ sai, a fwung di̱ swuo a̱bung ang hu!”

Ma̱rkut 6:56

A̱wot kuzang a̱vwuo nang Yesu nnwuo a̱ni; a̱cha̱chet a̱ka̱keang, a̱chyuang, ma̱ng kuzang a̱vwuo, á̱niet ba ni̱ kwok á̱niet nzwán ba mi̱ a̱yaagbaat myian mba ba, á̱ chong dyo a̱zanu tungga. A̱wot ba̱ ni̱ naai ngguu, gu ghwon ba̱ byiam ku ma̱ a̱ta̱m a̱toot nggu ka. A̱wot a̱mgba̱m á̱niet ba̱ byiam gu a̱ni, si̱ choot!

Ma̱rkut 8:22

Nang ba̱ ntat a̱keang Ba̱tsaida a̱ni, á̱ghyang á̱niet si̱ bai ma̱ng a̱tyu a̱fi̱fan da̱ a̱vwuo Yesu. Ba̱ si̱ naai nggu gu byiam a̱tyu a̱wa a̱ choot gu.

Luka 5:3

Yesu si̱ kan nwuo a̱ swan mi̱ kukwon a̱wak nyiung, ku yet si̱ Siman a̱ni. A̱ si̱ nyia̱ ma̱ng Siman, “Yuut kukwon hu ma̱ a̱da̱dei ku nwuo mami a̱sa̱khwot na.” Mi̱ kukwon a̱wak huhwa nang Yesu ku nswan, a̱ si̱ ntyiet á̱kpa á̱niet ka.

Luka 6:19

Konyan si̱ kwan a̱ byiam Yesu, mat chet choot á̱niet nzwán ku ghwut ma̱ a̱nggu a̱ni. A̱wot a̱ si̱ choot konyan wa a̱ byiam gu a̱ni.

Luka 7:2

Di̱n jen a̱ja a̱kwak a̱son á̱niet nzwang A̱romawa a̱ghyang ku nshya̱. A̱ si̱ byia̱ a̱khwo nang gu chat ba̱t a̱ni. A̱khwo wu si̱ nyia̱ ma̱ng zwan, a̱ si̱ shim a̱khwu.

Luka 7:21

Da̱ a̱cha̱chaat njen a̱wa, Yesu ku shya̱ di̱ choot á̱niet ma̱ a̱di̱di̱t ba̱ ku nyia̱ ma̱ng kuzang tangka̱i nzwan a̱ni. A̱ si̱ kam á̱ka̱tuk ntswá, ba̱ si̱ ghwut. A̱wot a̱ si̱ teak á̱ghyi á̱niet a̱fi̱fan ma̱ a̱di̱di̱t, ba̱ si̱ shya̱ nwuan á̱vwuo.

Nta̱m A̱yaata̱m 5:15

Mat nkyang a̱ga̱de ma̱ng nkyang a̱ri̱bi̱di nang a̱yaata̱m Yesu ba ku nyia̱ a̱ni, á̱niet ma̱ a̱di̱di̱t si̱ bai ma̱ng á̱niet nzwán da̱ a̱yaagbaat ma̱ng a̱yaakpang á̱ ba̱ myiai di̱ nvak. Da̱nian ghwughwu Bitut hu ku ka choot mbaa di̱n jen nang gu nchong a̱ sweap mba a̱ni.

Ibriniyawa 12:6

Mat A̱gwaza ni̱ nyep á̱niet nang gu chat wa a̱ni. A̱wot a̱ ni̱ tyiet kuzang nggwon nang gu kyiak ka, ka̱ yet nggwon nggu a̱ni.”