Ma̱rkut 2:9 - A̠lyiat A̠gwaza na di̠n Tyap: A̠li̠ka̠uli A̠fai

⁹ Zang huhwa yet a̱hyohyoot a̱ swak, á̱ tak kpa̱sai nyia̱, ‘Á̱ chi a̱ka̱tuk nyia̱ ang wu;’ kee á̱ nyia̱ ma̱ng a̱tyu a̱ta̱luk nkap wu, ‘Doot yong, kyiak a̱gbaat ang wu, a nkat?’

Ma̱rkut 2:9 Iomraidhean Croise

Matyu 4:24

Nkhang Yesu na si̱ ba̱ng a̱ nat ma̱ gbang, a̱ si̱ tat fam a̱byin Suriya! Á̱ si̱ labeang bah, á̱ si̱ bai ma̱ng a̱nggu a̱mgba̱m á̱niet ba̱ nyia̱ ma̱ng nzwan a̱ni. A̱wot kuzang tangka̱i nzwan ku nyia̱ mba a̱ni, ku ba̱ byia̱ a̱ka̱tuk ntswa, ku á̱niet kwi long chen, ku á̱niet ta̱luk nkap; a̱mgba̱m ba, Yesu si̱ choot baa.

Matyu 9:2

Á̱ si̱ kin di á̱ghyang á̱niet ba̱ neet ma̱ng a̱yin, nkap nggu na ta̱luk, nang gu myian da̱ a̱kpang wa. Nang Yesu ndi nwuak fwuo mba hu a̱ni, a̱ si̱ nyia̱ ma̱ng a̱tyu nang nkap na ta̱luk a̱ni, “Nggwon nung, gbang a̱lyia̱! Á̱ chi a̱ka̱tuk nyia̱ ang wu.”

Matyu 9:5

Zang huhwa yet a̱hyohyoot a̱ swak; á̱ tak kpa̱sai nyia̱, ‘Á̱ chi a̱ka̱tuk nyia̱ ang wu,’ ke á̱ nyia̱ ma̱ng a̱tyu a̱ta̱luk nkap wu, ‘Doot yong a nkat?’

Ma̱rkut 2:10

“A̱wot ma̱ninika n na tak nyin kpa̱sai nyi ka lyen nang nung, Nggwon A̱tyubishyi, n byia̱ tyok ku maai chi a̱ka̱tuk nyia̱ mi̱ swanta hu a̱ni.” Huhwa Yesu si̱ nyia̱ ma̱ng a̱tyu nang a̱ti̱tak ba ta̱luk a̱ni,

Ma̱rkut 2:8

Mi̱ di̱ yong a̱hwa, nang Yesu ndyen mi̱ fwuo nggu hu nkyang nang ba̱ nyia̱ a̱di̱dam mi̱ nfwuo mba na a̱ni, a̱ si̱ lyip ba, “Yihwa mbyia̱ nyi ndam a̱nia mami nfwuo nyin na?

Luka 7:48

A̱jawa Yesu si̱ nyia̱ ma̱ng a̱byii̱k a̱wa, “Á̱ chi a̱ka̱tuk nyia̱ ang wu.”