Ma̱rkut 2:8 - A̠lyiat A̠gwaza na di̠n Tyap: A̠li̠ka̠uli A̠fai

⁸ Mi̱ di̱ yong a̱hwa, nang Yesu ndyen mi̱ fwuo nggu hu nkyang nang ba̱ nyia̱ a̱di̱dam mi̱ nfwuo mba na a̱ni, a̱ si̱ lyip ba, “Yihwa mbyia̱ nyi ndam a̱nia mami nfwuo nyin na?

Ma̱rkut 2:8 Iomraidhean Croise

Matyu 12:15

Nang Yesu nfi̱k kyang ba̱ vwuoi a̱ni, a̱ si̱ doot a̱ja. Á̱kpa á̱niet ma̱ a̱di̱di̱t si̱ khwi ngguu. A̱ si̱ choot a̱mgba̱m á̱niet nzwán ma̱ mba.

Matyu 16:7

Ba̱ si̱ ta̱bat ya fwuang tsi̱tsak mba nyia̱, “A̱ hyia̱ a̱nia mat zi̱ bwung zi̱ kyiak burodi wu, zi̱ ba̱ng.”

Matyu 9:4

A̱wot nang Yesu wa ka̱n dyen a̱di̱dam mba wu, a̱ si̱ lyip ba nyia̱, “Yihwa mbyia̱ nang nyi nyia̱ a̱ka̱tuk a̱di̱dam mi̱ fwuo nyin na?

Ma̱rkut 2:7

“Kwot! Yihwa a̱tyu wuni ndyiat a̱nia? A̱ nyia̱ A̱gwaza lihyat hwa! A̱nyan wa maai a̱ chi a̱ka̱tuk nyia̱, kang ma̱ng A̱gwaza ma̱nyin nggu?!”

Ma̱rkut 2:9

Zang huhwa yet a̱hyohyoot a̱ swak, á̱ tak kpa̱sai nyia̱, ‘Á̱ chi a̱ka̱tuk nyia̱ ang wu;’ kee á̱ nyia̱ ma̱ng a̱tyu a̱ta̱luk nkap wu, ‘Doot yong, kyiak a̱gbaat ang wu, a nkat?’

Ma̱rkut 7:21

Mat neet mi̱ fwuo a̱tyubishyi hwa, nang nkyang na̱ yet a̱ka̱tuk a̱ni nghwut; nang á̱ka̱tuk a̱di̱dam, a̱shi̱shi̱k nyia̱, tsang, hyaai á̱niet, katnaan,

Luka 24:38

Yesu si̱ lyip ba nyia̱, “Yihwa mbyia̱ nang nyi nta̱dyuut a̱nia? Yihwa mbyia̱ nang nyi mbut mi̱ fwuo ba̱t?

Luka 5:22

Yesu ku lyen a̱di̱dam mba wu, a̱ si̱ lyip ba nyia̱, “Yihwa mbyia̱ nyi nyia̱ tangka̱i a̱di̱dam huni mi̱ nfwuo nyin na?

Luka 6:8

A̱wot nang Yesu wa ka̱n dyen a̱di̱dam mba wu a̱ni, a̱ si̱ nyia̱ ma̱ng a̱tyok nang bwak yak nggu hu khwu a̱ni, “Doot, a bai a̱zaghyi konyan.” A̱tyok a̱wa si̱ nat, a̱ si̱ yong a̱zaghyi mba.

Yoona 21:17

Yesu si̱ bu lyip gu da̱ a̱ka̱tat ka, nyia̱, “Siman, a̱fai Yoona, a chat nung a?” Bitut si̱ fa̱k a̱lyia̱ ya di̱ si̱sak nang Yesu bu ndyip gu da̱ a̱ka̱tat ka, nyia̱, “A chat nung a?” A̱ si̱ nyia̱ “A̱tyoli, a lyen kuzang kyang, a lyen nang n chat ang!” Yesu si̱ nyia̱ ma̱ng a̱nggu, “Ka̱u zón seap nung ji kyayak.

Yoona 6:64

“A̱mgba̱m ma̱ng a̱nia, á̱ghyang ma̱ nyin nwuak a̱chuchuk bah.” Mat Yesu ku mi̱ ndyen á̱niet ba̱ na lak nwuak a̱chuchuk wu a̱ni, ma̱ng a̱tyu a̱ na yet gu a̱bang a̱byin wu a̱ni.

Nta̱m A̱yaata̱m 5:3

A̱jawa Bitut si̱ nyia̱ ma̱ng a̱nggu, “Ananiya, yihwa mbyia̱ nang a ghwon A̱ta̱nyeang ka si̱ swuo chet fwuo ang hu? A bwuo A̱za̱za̱rak Ntswa wu la! A si̱ bu niat á̱kum kurum nang a ndyap a̱byin ka a̱ni da̱nian a̱pyia̱ ang.

Nta̱m A̱yaata̱m 8:22

Shyak a̱chyet, a ghwon a̱ka̱tuk nyia̱ ang wu. A̱wot a naai A̱gwaza! Shimba a̱ na chi a̱ka̱tuk a̱di̱dam ang wu.

Ibriniyawa 4:13

Mami a̱mgba̱m nkyang nang A̱gwaza mat a̱ni, á̱ mbyia̱ kyang nyiung ku shya̱ di̱ niat da̱ a̱vwuo nggu a̱ni bah. Kuzang kyang shya̱ ka̱gbang, a̱wot ku si̱ shya̱ kpa̱sai a̱zaghyi nggu. A̱wot nggu wa yet a̱tyu nang konyan na nfang kuzang kyang gu nyia̱ a̱ni a̱zaghyi nggu.

Tyai Á̱zanson 2:23

N na hyaai á̱niet ba̱ khwi tyiet gu hu a̱ni. A̱wot a̱mgba̱m á̱niet khwi ba na lyen, nang nung gwa ngyet a̱tyu a̱ zop fwuo ma̱ng a̱di̱dam konyan a̱ni! Mat a̱nia, n na ntan konyan zang ma̱ cha̱chaat ma̱ng ta̱m hu nang gu nyia̱ a̱ni.