Ma̱rkut 2:5 - A̠lyiat A̠gwaza na di̠n Tyap: A̠li̠ka̠uli A̠fai

⁵ Nang Yesu ndi si̱sak ji ba̱ nnwuak nfwuo mba na da̱ a̱nggu a̱ni, a̱ si̱ nyia̱ ma̱ng a̱tyu nzwan wu, “Nggwon nung, á̱ chi a̱ka̱tuk nyia̱ ang wu.”

Ma̱rkut 2:5 Iomraidhean Croise

Matyu 9:2

Á̱ si̱ kin di á̱ghyang á̱niet ba̱ neet ma̱ng a̱yin, nkap nggu na ta̱luk, nang gu myian da̱ a̱kpang wa. Nang Yesu ndi nwuak fwuo mba hu a̱ni, a̱ si̱ nyia̱ ma̱ng a̱tyu nang nkap na ta̱luk a̱ni, “Nggwon nung, gbang a̱lyia̱! Á̱ chi a̱ka̱tuk nyia̱ ang wu.”

Matyu 9:22

Yesu si̱ bwuak, a̱ si̱ nwuan guu, a̱ si̱ nyia̱, “Nggwon nung, gbang a̱lyia̱! Nwuak fwuo ang hu choot ang.” Mi̱ di̱ yong a̱hwa, a̱byii̱k wu si̱ kin choot kiki.

Matyu 9:5

Zang huhwa yet a̱hyohyoot a̱ swak; á̱ tak kpa̱sai nyia̱, ‘Á̱ chi a̱ka̱tuk nyia̱ ang wu,’ ke á̱ nyia̱ ma̱ng a̱tyu a̱ta̱luk nkap wu, ‘Doot yong a nkat?’

Ma̱rkut 2:6

Á̱ghyang á̱niet mami a̱yaagwak tyiet doka Musa ba ba̱ swan a̱ja a̱ni, si̱ ta̱bat a̱di̱dam mi̱ nfwuo mba na nyia̱,

Ma̱rkut 5:34

Yesu si̱ nyia̱ ma̱ng nggu, “Nggwon nung, nwuak fwuo ang hu choot ang. Nat ma̱ng a̱lyia̱ sai, a fwung di̱ swuo a̱bung ang hu!”

Luka 5:20

Nang Yesu ndi si̱sak ji nang ba̱ nnwuak nfwuo mba na da̱ a̱nggu a̱ni, a̱ si̱ nyia̱ ma̱ng a̱tyu nzwan wu, “Nggwon seam, á̱ chi a̱ka̱tuk nyia̱ ang wu.”

Luka 8:48

Yesu si̱ nyia̱ ma̱ng nggu, “A̱yang a̱li, nwuak fwuo ang hu da̱ nung choot ang. Nat a swan swat nyinyang.”

Yoona 2:25

Da̱ mba, ba̱ byia̱ a̱yin a̱ na hyia̱ ma̱ng a̱nggu kyang tazwa a̱tyubishyi a̱ni bah. Mat, a̱ ku lyen kyang hu ku shya̱ mi̱ nfwuo mba na a̱ni.

Yoona 5:14

Á̱ si̱ labeang bah, Yesu si̱ myim ma̱ng a̱tyu nang gu ku choot mami didyaat A̱li Nwuat Za̱nang A̱gwaza hu. A̱ si̱ nyia̱ ma̱ng a̱nggu a̱ni, “Di, a choot ma̱ninika! Mat a̱nia, ghwon a̱ka̱tuk nyia̱ ang wu. Kalak a̱bombwuon kyang a̱ swak zwan jini ma̱ng shi a̱ni, na shya̱ ang!”

Nta̱m A̱yaata̱m 11:23

Jen nang Ba̱nabat si̱ nnwuo, a̱ si̱ li si̱sak nang A̱gwaza nnyia̱ mba shok a̱ni. A̱ si̱ fa̱k fwuo sai ba̱t! A̱wot a̱ si̱ tyia̱ mba gba̱gbak, ba̱ ka yong da̱ a̱chuchuk ba̱ khwi A̱tyoli Yesu ma̱ng fwuo nyiung.

Nta̱m A̱yaata̱m 14:9

A̱ si̱ myiai a̱fufwuo a̱ fwuong á̱lyiat A̱gwaza na nang Bulut shei a̱ni. Bulut si̱ sak á̱ghyi da̱ nggu. A̱ si̱ fi̱k nang gu mbyia̱ nwuak a̱chuchuk ku na choot nggu a̱ni.

Nta̱m A̱yaata̱m 5:31

A̱wot A̱gwaza si̱ sak gu da̱ a̱vwuo shi a̱zayak nggu ka, gu ka yet A̱gwam ma̱ng A̱tyusan! A̱gwaza ku nyia̱ si̱ huni, gu ka nwuak á̱niet Isi̱rela ba a̱wat ba̱ ghwon a̱ka̱tuk nyia̱ mba wu, a̱wot A̱gwaza a̱ ka chi mba a̱ka̱tuk nyia̱ wu.

1 A̱korontiyawa 11:30

Huhwa mbyia̱ nang á̱ghyang á̱niet ma̱ a̱di̱di̱t ma̱ nyin nsang chet na, ba̱ si̱ yet á̱niet nzwán, a̱wot á̱ghyang á̱niet ka̱n kwi.

2 A̱korontiyawa 2:10

Ka̱ a̱mgba̱m nyin chi a̱tyu a̱wa a̱bun nggu wu, nung meang, n chi nggu ndyo. A̱wot ki̱ n chi a̱bun a̱ myim n chi a̱ni, n nyia̱ a̱nia ma̱ng tyok Yesu Kristi hwa da̱nian kpangti̱n nyin ja.

A̱fisawa 2:8

A̱gwaza ku san nyin mat shok nggu ji, di̱n jen nang nyi nnwuak fwuo di̱ Yesu a̱ni. A̱wot si̱ huni yet kwan ma̱ á̱pyia̱ nyin di̱ nyia̱ a̱tan nta̱m hwa bah. Ku yet za̱nang A̱gwaza ja.

A̱kolosiyawa 3:13

Nyi ni̱ nnyap nfwuo ma̱ng á̱ghyang nyin ba̱ vwuon za̱kwa mba ji a̱ni. A̱wot nyi chi kuzang a̱yin a̱ bwuo nyin a̱bun a̱ni. Nyi yok bwung bah: Ma̱nang A̱gwaza nchi a̱ka̱tuk nyia̱ nyin wu a̱ni; ma a̱nia wa, ku yet ta hwa nyi ma ni̱ nchi a̱bun á̱ghyang nyin wu.

Yakubu 5:15

Tangka̱i naai á̱niet ba̱ nwuak fwuo da̱ A̱gwaza a̱ni, byia̱ chet ku tyia̱ á̱ choot a̱tyu zwan wu. A̱wot ka̱ a̱ nyia̱ a̱ka̱tuk nyia̱, A̱gwaza na chi nggu ndyo.