Ma̱rkut 2:2 - A̠lyiat A̠gwaza na di̠n Tyap: A̠li̠ka̠uli A̠fai

² Mat a̱nia, á̱niet ma̱ a̱di̱di̱t si̱ tung á̱ hyat a̱li ka ma̱ng a̱zanunwuai ka. Da̱ mba, á̱ mbwat a̱wat bah. A̱wot Yesu si̱ shei mba A̱lyiat A̱gwaza na.

Ma̱rkut 2:2 Iomraidhean Croise

Matyu 5:2

A̱wot a̱ si̱ nwuo tyiet baa nyia̱,

Ma̱rkut 1:14

Di̱n jen a̱ja, nang á̱ ka̱n nyim Yoona a̱tyu nyia̱ Ba̱ptisman mi̱ jaru, Yesu si̱ nat fam a̱byin Ga̱lili a̱ shei A̱sham Nkhang A̱gwaza ka.

Ma̱rkut 1:33

Á̱niet ma̱ a̱di̱di̱t a̱di̱t ma̱ a̱keang ka si̱ tung a̱zanunwuai a̱li ka.

Ma̱rkut 1:37

Nang ba̱ nshya̱ nggu a̱ni, ba̱ si̱ nyia̱ ma̱ng a̱nggu, “Á̱niet ma̱ a̱di̱di̱t shya̱ di̱ chat ang!”

Ma̱rkut 1:45

A̱mgba̱m ma̱ng a̱nia, a̱tyu gbap wu si̱ ghwut a̱ si̱ ta̱bat shei nkhang ma̱ sa̱t, a̱ kwok si̱sak nang á̱ nchoot gu a̱ni. Nkhang na si̱ kai kuzang a̱vwuo, ku si̱ tyia̱ Yesu si̱ bu maai a̱ nwuo ma̱ a̱keang kpa̱sai bah. A̱ si̱ ghwut, a̱ si̱ swuat nta da̱ a̱vwuo da̱nang á̱niet nshya̱ a̱ni bah. Ma̱ng a̱nia, á̱niet ba si̱ ka ghwut da̱ a̱ka̱vwuo ma̱ a̱di̱di̱t á̱ chong á̱ ba̱ shyat guu.

Ma̱rkut 2:1

Á̱ si̱ bwuo mam ma̱ chunchwiit, Yesu si̱ bu bwuok a̱ nat a̱keang Ka̱fanahum. Á̱niet ba si̱ fa̱k nkhang nang gu mbwuok a̱ bai da̱ a̱vwuo khwat nggu ka a̱ni.

Ma̱rkut 2:13

Yesu si̱ ghwon Ka̱fanahum a̱ si̱ bu bwuok a̱ nat di̱n khwong a̱gba̱ndang jok Ga̱lili hu. Á̱kpa á̱niet ma̱ a̱di̱di̱t si̱ nat, á̱ si̱ shya̱ Yesu. A̱ si̱ yong mi̱ di̱ tyiet mbaa.

Ma̱rkut 6:34

Nang Yesu mbyia̱k a̱ si̱ chyok mi̱ kukwon a̱wak hu a̱ni, a̱ si̱ li á̱kpa á̱niet. A̱ si̱ fa̱k kunak ba ba̱t, mat ba̱ li nang zón seap ji̱ sang a̱tyu chok a̱ni. Huhwa gu si̱ nwuo tyiet mba nkyang ma̱ a̱di̱di̱t.

Luka 12:1

Di̱n jen a̱ja, á̱kpa á̱niet ma̱ a̱di̱di̱t si̱ tung, ba̱ si̱ tyong Yesu á̱ keang ba̱ si̱ nwuo shai á̱ghyang. Yesu si̱ bwuak a̱ si̱ ya ngyorong mman ta̱m nggu na. A̱ si̱ gba mba nyia̱, “Nyi ta̱bam ma̱ng yit A̱fa̱risawa wu a̱ yet a̱bubuk nyia̱ mba wu a̱ni.

Luka 5:17

Á̱ghyang á̱tuk nang Yesu shya̱ di̱ tyiet á̱niet ba, nang A̱fa̱risawa á̱ghyang ma̱ng a̱yaagwak tyiet doka A̱gwaza swan kpa̱mkpaan a̱ja. (Shimba á̱niet bani ku neet mi̱ kuzang a̱keang mi̱ nfam bibyin Ga̱lili ma̱ng Yahudiya. Á̱ghyang si̱ bu neet mi̱ Urusha̱lima). A̱wot A̱gwaza ku nwuat Yesu chet choot á̱niet nzwán hu ba̱t.

Luka 8:1

Á̱ si̱ labeang bah, Yesu si̱ nwuo chong a̱ nwuai a̱cha̱chet ma̱ng a̱chyuang a̱ka̱keang na̱ shya̱ kpa̱mkpaan a̱ja a̱ni. A̱ si̱ shei A̱sham Nkhang ka tazwa Tyok A̱gwaza hu. Mman ta̱m swak ma̱ a̱feang nggu na si̱ shya̱ ndung ma̱ng a̱nggu;

Luka 8:11

“Kyang hu nang kidee jini fa a̱ni, huhwa yet; zwá yak jija yet a̱lyiat A̱gwaza na.

Nta̱m A̱yaata̱m 11:19

Di̱n jen a̱ja, á̱niet khwi ba ba̱ ku seang di̱n jen ya̱shuk nang á̱ ku nhyat Itifanut a̱ni. Ba̱ ku tyong á̱ nat Fi̱ni̱siya, Kuburut, ma̱ng Antakiya mi̱ fam a̱byin Suriya. Ba̱ si̱ chong á̱ shei A̱sham Nkhang Yesu ka, mi̱ da̱ a̱vwuo A̱yahudawa kya ma̱nyin ba.

Nta̱m A̱yaata̱m 14:25

Nang ba̱ ntyak shei A̱sham Nkhang Yesu ka ma̱ a̱keang Pa̱rga ka a̱ni, ba̱ si̱ swak á̱ nat a̱keang ka̱ hyia̱k kyai a̱sa̱khwot hu nang á̱ ngyei A̱taliya a̱ni.

Nta̱m A̱yaata̱m 16:6

Bulut ma̱ng á̱niet a̱chyet nggu ba si̱ chong mi̱ nfam bibyin Fi̱ri̱jiya ma̱ng Ga̱la̱tiya. Mat A̱za̱za̱rak Ntswa wu ku shim ba̱ shei A̱sham Nkhang Yesu ka mi̱ fam a̱byin A̱siya hu di̱n jen a̱ja bah.

Nta̱m A̱yaata̱m 8:25

Nang Bitut ma̱ng Yoona ku nshei A̱sham Nkhang ka Sa̱mariya ma̱ng kyang nang ba̱ lyen tazwa A̱tyoli Yesu a̱ni; ba̱ si̱ bwuok á̱ nat Urusha̱lima. Nang ba̱ nshya̱ da̱ a̱chyet ka á̱ naat á̱ mbwuot a̱ni, ba̱ si̱ yong ma̱ a̱bachyuang a̱ka̱keang Sa̱mariya ma̱ a̱di̱di̱t, ba̱ si̱ shei A̱sham Nkhang Yesu ka.

A̱romawa 10:8

A̱tsak a̱lyiat, ka̱ doot tangka̱i a̱tyu a̱ khwi vak nwuak fwuo da̱ A̱gwaza a̱ nyia̱, “A̱lyiat A̱gwaza na shya̱ kpa̱mkpaan ma̱ng a̱nwan, na̱ shya̱ a̱bwonu ang ka, ma̱ng mami fwuo ang ka.” A̱wot a̱lyiat a̱nia, ni̱nia yet a̱lyiat nwuak fwuo da̱ A̱gwaza nang zi̱ shei a̱ni nyia̱:

2 Timoti 4:2

Ya a̱son di̱ shei a̱lyiat A̱gwaza na. A shya̱ di̱ la̱p vam shei na mi̱ jen ji̱ myim a̱ni, ku mi̱ jen ji̱ nwai myim a̱ni. A jhyi swat mba hu kpa̱sai. A khwat nfwuo á̱niet na. A bu tyia̱ mba gba̱gbak. A nyap fwuo ba̱t. A tyiet mbaa ma̱ng a̱tan tyiet.