Ma̱rkut 2:16 - A̠lyiat A̠gwaza na di̠n Tyap: A̠li̠ka̠uli A̠fai

¹⁶ A̱wot nang a̱yaagwak tyiet doka Musa nang á̱ ngyei A̱fa̱risawa a̱ni, ndi Yesu gu ya kyayak ma̱ng á̱niet a̱ka̱tuk nyia̱ mbeang á̱niet saai kurum ga̱ndu a̱ni; ba̱ si̱ ta̱bat lyi̱ri̱m mman ta̱m nggu na, “Yihwa mbyia̱ a̱tyoli nyin wu ngya a̱ tsa a̱ nswuo ma̱ng á̱niet saai kurum ga̱ndu, mbeang á̱kum á̱niet a̱ka̱tuk nyia̱ á̱ghyang?!”

Ma̱rkut 2:16 Iomraidhean Croise

Matyu 18:17

Ka̱ a̱tyu a̱wa ma ndak fa̱k á̱niet a̱bya, nat ma̱ng a̱lyiat na a̱zaghyi á̱niet khwi. Ka̱ a̱ bu lak fa̱k á̱niet khwi ba, nyi kyiak gu nang a̱tyu nwap a̱ chyi A̱gwaza a̱ni, ku a̱tyu saai kurum ga̱ndu nang á̱ vwuong gu ma̱ á̱niet mat shyuo á̱niet a̱ni.”

Matyu 5:46

Ka̱ nyi chat ma̱ á̱niet ba ba̱ chat nyin wa a̱ni ma̱nyin ba, yihwa yet zang nyin ji? Mee á̱niet saai kurum ga̱ndu bya nang á̱ kyiak ba̱ yet á̱ka̱tuk á̱niet a̱ni, mun á̱ nyia̱ a̱nia a?

Matyu 9:11

Nang A̱fa̱risawa ba ndi a̱nia a̱ni, ba̱ si̱ lyip mman ta̱m Yesu na nyia̱, “Yihwa mbyia̱ nang a̱tyu tyiet nyin wu ngya kyayak ma̱ng á̱niet saai kurum ga̱ndu mbeang á̱niet a̱ka̱tuk nyia̱?”

Ma̱rkut 2:15

Á̱ghyang á̱tuk La̱wi si̱ yei Yesu ya kyayak a̱gbang nggu. Á̱niet saai kurum ga̱ndu mbeang á̱ghyang á̱niet ma̱ a̱di̱di̱t nang á̱ ku mun á̱ kyiak ba̱ yet á̱niet a̱ka̱tuk nyia̱ a̱ni, si̱ nshya̱ di̱ ya kyayak hu ma̱ng Yesu, mbeang mman ta̱m nggu na.

Ma̱rkut 2:7

“Kwot! Yihwa a̱tyu wuni ndyiat a̱nia? A̱ nyia̱ A̱gwaza lihyat hwa! A̱nyan wa maai a̱ chi a̱ka̱tuk nyia̱, kang ma̱ng A̱gwaza ma̱nyin nggu?!”

Luka 18:11

A̱tyu A̱fa̱risawa wu si̱ khap a̱ yong zan. A̱ si̱ naai A̱gwaza nyia̱, ‘A̱gwaza, n gwai ang nang n gyet a̱tyu a̱ka̱tuk nyia̱ nang á̱kum á̱niet ka a̱ni bah. Mat n gyet a̱tyu shyuo á̱niet bah; n nyia̱ a̱ka̱tuk nyia̱ bah; a̱wot n katnaan bah. A̱tsak a̱lyiat, n di nang a̱tyu saai kurum ga̱ndu wuni a̱ni bah!

Luka 19:10

Mat Nggwon A̱tyubishyi bai ka̱ kup á̱ghyi di̱ chat, a̱wot ka̱ san á̱niet ba̱ bwuk mat a̱ka̱tuk nyia̱ a̱ni.”

Luka 19:7

A̱wot á̱niet ba si̱ fa̱k a̱lyia̱ ya. Ba̱ si̱ kwop a̱dyii̱ng nyia̱, “Yesu nat a̱ yet a̱nietchen a̱mali a̱tyu nang á̱ lyen gu yet a̱tyu a̱ka̱tuk nyia̱ ba̱t a̱ni!”

Luka 5:30

A̱wot A̱fa̱risawa ba ma̱ng a̱yaagwak tyiet doka A̱gwaza ba si̱ kwop a̱dyii̱ng ma̱ng byian fwuo da̱ a̱vwuo mman ta̱m Yesu na nyia̱, “Yihwa mbyia̱ nyi ngya tsa nswuo ma̱ng á̱niet saai kurum ga̱ndu, mbeang á̱niet a̱ka̱tuk nyia̱ á̱ghyang?”

Nta̱m A̱yaata̱m 23:9

Mat a̱nia, á̱kpa á̱niet ka si̱ mbeang khwot a̱gugwong hu mi̱ chet! A̱wot a̱yaagwak tyiet doká, ba̱ ku yet A̱fa̱risawa a̱ni, si̱ doot á̱ yong ba̱ si̱ ya fwuang mi̱ chet nyia̱, “Zi̱ shya̱ a̱tyu wuni ma̱ng a̱bun bah! Shimba tswa ja, ku a̱ta̱m tswa wa lyiat ma̱ng a̱nggu!”

1 A̱korontiyawa 2:15

Á̱niet ba ba̱ byia̱ A̱za̱za̱rak Ntswa wu a̱ni, ba̱ ni̱ byia̱ mumwang nang ba̱ ni̱ nfi̱k ba̱ mak a̱mgba̱m nkyang nang A̱za̱za̱rak Ntswa wu fa a̱ni. A̱wot mba ma̱ á̱pyia̱ mba, á̱ mbyia̱ a̱yin ma̱ á̱niet swanta ba, a̱ si̱ mi̱n fi̱k ku a̱ mak á̱niet ba̱ byia̱ A̱za̱za̱rak Ntswa wu a̱ni bah.

Ibriniyawa 12:3

Nyi dam, nyi tyan si̱sak nang Yesu nswuo a̱bung, a̱ si̱ gbang a̱lyia̱ mbwak á̱niet a̱ka̱tuk nyia̱ a̱ni. Da̱nian nyi ka yok but mi̱ fwuo, nyi ghwon nwuak fwuo nyin hu da̱ A̱gwaza wu bah.