Ma̱rkut 2:12 - A̠lyiat A̠gwaza na di̠n Tyap: A̠li̠ka̠uli A̠fai

¹² A̱tyu nzwan wu si̱ tat a̱ doot. A̱ si̱ kyiak a̱gbaat nggu wu, a̱ si̱ ghwut a̱ bai nta a̱zaghyi konyan. A̱mgba̱m mba konyan si̱ fa̱k a̱ga̱de. Ba̱ si̱ ta̱bat dyep A̱gwaza nyia̱, “Zi̱ ka̱n di tangka̱i kyang a̱ri̱bi̱di nang si̱ huni a̱ni bah!”

Ma̱rkut 2:12 Iomraidhean Croise

Matyu 12:23

Á̱kpa á̱niet ka si̱ fa̱k a̱ga̱de, ba̱ si̱ lyip nyia̱, “Yesu wuni wa yet A̱ka̱mbwon Da̱wuda ka! A̱ si̱ yet Kristi wu baa?”

Matyu 15:31

Mat a̱nia, nang á̱kpa á̱niet ka ndi á̱niet ba̱ yet a̱yaama̱ma̱m nnwuo a̱lyiat a̱ni, á̱ si̱ choot á̱niet ba nang a̱ti̱tak ba ta̱luk a̱ni, á̱niet ba̱ kyiat a̱ni si̱ nwuo a̱chyet, á̱niet a̱fi̱fan si̱ nwuo nwuan a̱vwuo; ba̱ si̱ fa̱k a̱ga̱de! A̱wot ba̱ si̱ dyep A̱gwaza Isi̱rela wu.

Matyu 9:33

Huhwa Yesu si̱ vwuong a̱ka̱tuk ntswa wu, a̱wot ma̱ma̱m wu si̱ nwuo lyiat. Á̱kpa á̱niet ka si̱ fa̱k a̱ga̱de. Ba̱ si̱ nyia̱, “Á̱ ka̱n nyia̱ tangka̱i a̱ri̱bi̱di huni mi̱ Isi̱rela bah!”

Matyu 9:8

Nang á̱kpa á̱niet ka ndi a̱nia a̱ni, ba̱ si̱ fa̱k a̱wun. A̱wot ba̱ si̱ dyep A̱gwaza mat si̱sak nang gu nta̱m ma̱ng a̱yin a̱ byia̱ tangka̱i a̱gba̱ndang tyok huni a̱ni.

Ma̱rkut 1:27

A̱mgba̱m á̱niet ba si̱ fa̱k a̱ga̱de, ba̱ si̱ nwuo lyi̱ri̱m á̱ghyang mba nyia̱, “Kwot! Yihwa lili huni? Kyang fai hwa nang gu tyiet ma̱ng tyok! A̱ mun a̱ tyei á̱ka̱tuk ntswá ba̱ fwuong guu, a̱ bu nwuat gu shi!”

Ma̱rkut 2:11

“Fa̱k la, ta̱ngam! Doot yong a kyiak a̱gbaat ang wu a nkat a̱mali!”

Luka 13:13

A̱jawa Yesu si̱ byiam guu. A̱wot mi̱ di̱ yong a̱hwa a̱byii̱k wu si̱ kin choot, a̱ si̱ doot a̱ yong ka̱tsak! A̱byii̱k wu si̱ ta̱bat dyep A̱gwaza ba̱t.

Luka 17:15

Nang a̱tyo a̱nyiung mami á̱niet gbap swak a̱bya ndi nang á̱ nchoot gu a̱ni; a̱ si̱ bwuok a̱ nat da̱ a̱vwuo Yesu, a̱ si̱ nyia̱, “N dyep A̱gwaza!”

Luka 5:26

Konyan ma̱ á̱kpa á̱niet ba̱ shya̱ a̱ja a̱ni, si̱ fa̱k a̱ga̱de ma̱ng a̱wun! A̱wot ba̱ si̱ dyep A̱gwaza nyia̱, “Kwot! Zi̱ li nkyang a̱ga̱de a̱fwun!”

Luka 7:16

Á̱kpa á̱niet ka si̱ fa̱k a̱wun ba̱t! Ba̱ si̱ dyep A̱gwaza nyia̱, “A̱gba̱ndang a̱ta̱m a̱kwonu A̱gwaza bai da̱ a̱vwuo nzi̱t! A̱wot A̱gwaza bai a̱ san á̱niet nggu ba a̱fwun!”

Yoona 7:31

Ma̱ng a̱nia, á̱niet ma̱ a̱di̱di̱t mami á̱kpa á̱niet ka si̱ nwuak fwuo da̱ nggu. Ba̱ si̱ nyia̱, “Jen ji nang Kristi bye mbai a̱ni, a̱ si̱ ba̱ nyia̱ a̱cha̱chet nkyang a̱ga̱de na̱ lan si̱ nang a̱tyu wuni ka̱n nyia̱ a̱ni a?”

Yoona 9:32

“Neet nang á̱ nnyia̱ swanta huni, á̱ ka̱n fa̱k nang a̱yin khwuk á̱ghyi a̱tyu nang á̱ byin ma̱ng a̱fi̱fan a̱ni bah.

Nta̱m A̱yaata̱m 4:21

A̱jawa sot a̱cha̱chet a̱gba̱ndang a̱tung A̱yahudawa ji si̱ bu mbeang khwat a̱yaata̱m ba a̱fufwuo mi̱ chet! Di̱ ngaan hu, ba̱ si̱ kai mba á̱ ghwon, ba̱ si̱ nkat. Mat a̱cha̱chet a̱gba̱ndang a̱tung ba ku lyin si̱sak nang ba̱ na ntyia̱ mba swuo a̱bung a̱ni; mat ka̱ ba̱ nyia̱ a̱nia, á̱niet ba na doot jhya̱. Mat konyan ku dyep A̱gwaza,