Ma̱rkut 2:1 - A̠lyiat A̠gwaza na di̠n Tyap: A̠li̠ka̠uli A̠fai

¹ Á̱ si̱ bwuo mam ma̱ chunchwiit, Yesu si̱ bu bwuok a̱ nat a̱keang Ka̱fanahum. Á̱niet ba si̱ fa̱k nkhang nang gu mbwuok a̱ bai da̱ a̱vwuo khwat nggu ka a̱ni.

Ma̱rkut 2:1 Iomraidhean Croise

Matyu 4:13

Yesu ku ya nnat a̱keang Na̱za̱ra̱t. Nang gu nghwon Na̱za̱ra̱t hu a̱ni, a̱ si̱ bwuok ma̱ng swat hu a̱ nat ndyo ma̱ a̱keang Ka̱fanahum, ka̱ hyia̱k gak a̱gba̱ndang jok Ga̱lili wu a̱ni, mi̱ nfam bibyin nkwaí Za̱bulun ma̱ng Na̱fi̱ta̱li.

Matyu 9:1

Mat a̱nia, Yesu si̱ bu nwuo kukwon a̱wak hu. A̱ si̱ wak a̱ byia̱k a̱gba̱ndang jok Ga̱lili wu. A̱ si̱ bwuok a̱ nat a̱keang nggu ka, Ka̱fanahum.

Ma̱rkut 1:45

A̱mgba̱m ma̱ng a̱nia, a̱tyu gbap wu si̱ ghwut a̱ si̱ ta̱bat shei nkhang ma̱ sa̱t, a̱ kwok si̱sak nang á̱ nchoot gu a̱ni. Nkhang na si̱ kai kuzang a̱vwuo, ku si̱ tyia̱ Yesu si̱ bu maai a̱ nwuo ma̱ a̱keang kpa̱sai bah. A̱ si̱ ghwut, a̱ si̱ swuat nta da̱ a̱vwuo da̱nang á̱niet nshya̱ a̱ni bah. Ma̱ng a̱nia, á̱niet ba si̱ ka ghwut da̱ a̱ka̱vwuo ma̱ a̱di̱di̱t á̱ chong á̱ ba̱ shyat guu.

Ma̱rkut 2:2

Mat a̱nia, á̱niet ma̱ a̱di̱di̱t si̱ tung á̱ hyat a̱li ka ma̱ng a̱zanunwuai ka. Da̱ mba, á̱ mbwat a̱wat bah. A̱wot Yesu si̱ shei mba A̱lyiat A̱gwaza na.

Ma̱rkut 3:20

Á̱ si̱ labeang bah, Yesu si̱ nwuo a̱mali a̱ghyang, a̱wot á̱kpa á̱niet si̱ bu tung a̱ja. Ku si̱ vwuong Yesu ma̱ng mman ta̱m nggu na ya kyayak.

Ma̱rkut 7:17

Nang Yesu nghwon á̱kpa á̱niet ka a̱ si̱ nwuo a̱mali a̱ni, mman ta̱m nggu na si̱ lyip gu kyang gu fa ma̱ng kidee jini a̱ni.

Ma̱rkut 7:24

Yesu si̱ ghwon fam a̱byin Ga̱lili, a̱ si̱ nat di̱ fam bibyin Taya ma̱ng Sidon. A̱ si̱ nwuo a̱mali a̱ghyang, a̱ si̱ chat a̱yin gu lyen nang gu nshya̱ a̱ja bah. Ma̱ng a̱nia, da̱ nggu a̱ maai a̱ niat a̱pyia̱ nggu bah.

Ma̱rkut 9:28

Nang Yesu ndoot a̱ nwuo a̱mali a̱ni, mman ta̱m nggu na si̱ lyip gu da̱ bang nyia̱, “Yihwa mbyia̱ nang zi̱ nwai kam a̱ka̱tuk ntswa a̱ si̱ ghwut ma̱ a̱nggu?”

Luka 4:23

A̱wot Yesu si̱ nyia̱ ma̱ng a̱mba, “A̱tsak a̱lyiat, nyi na hyia̱ ma̱ng a̱nung kidee nyia̱, ‘A̱tyu kan, choot a̱pyia̱ ang!’ Á̱ fa, ‘Nyia̱ nkyang a̱ri̱bi̱di a̱ji ma̱ a̱keang ang ka, nang zi̱ ku nfa̱k a nyia̱ mi̱ Ka̱fanahum a̱ni.’

Luka 5:18

Á̱ghyang á̱niet si̱ bai ma̱ng a̱tyu nang nkap nggu na ta̱luk, nang gu myian da̱ a̱gbaat a̱ni. Ba̱ si̱ kwan ba̱ li nang ba̱ nwuo ma̱ng a̱nggu da̱ a̱vwuo Yesu.

Yoona 4:47

Nang a̱tyia̱ nggwon wu nfa̱k nyia̱ Yesu neet mi̱ fam a̱byin Yahudiya a̱ bai Ga̱lili a̱ni; a̱ si̱ nat da̱ a̱vwuo nggu. A̱ si̱si̱ naai nggu gu nat Ka̱fanahum, a̱ si̱ choot nggu nggwon ka nang zwan ji nyia̱ nang ka̱ chak a̱ kwi a̱ni.

Nta̱m A̱yaata̱m 2:6

Jen nang ba̱ nfa̱k a̱khwom gwun a̱nia a̱ni, á̱niet ma̱ a̱di̱di̱t si̱ tung. Hu si̱ yet konyan kyang a̱ga̱de, mat konyan ma̱ mba ku fa̱k nang á̱niet khwi ba lyiat di̱ lilyem nang á̱ ntyei mba a̱ni!