Ma̱rkut 16:1 - A̠lyiat A̠gwaza na di̠n Tyap: A̠li̠ka̠uli A̠fai

¹ Nang a̱tuk Mam Fwung A̱yahudawa ka nswak a̱ni, Ma̱ryamu Ma̱ga̱daliya, ma̱ng Ma̱ryamu a̱yang Yakubu, ma̱ng Sa̱lomi, si̱ nat ba̱ si̱si̱ san turare niat nkwom, da̱nian ba̱ nat ba̱ ka nkwon di̱ kwom Yesu hu.

Ma̱rkut 16:1 Iomraidhean Croise

Ma̱rkut 14:3

Nang Yesu nshya̱ ma̱ a̱keang Ba̱ta̱ni a̱ fwung a̱mali Siman, a̱tyu a̱ ku mi̱ mbyia̱ gbap a̱ni; a̱byii̱k a̱ghyang si̱ kin neet a̱ bai ma̱ng a̱za̱za̱rak a̱myia̱, nang á̱ ngyei “nar” na̱ byia̱ kurum ba̱t a̱ni, mami sha̱p a̱myia̱ nang á̱ nok ma̱ng nfang a̱la̱basta a̱ni. A̱byii̱k wu si̱ fwuoi a̱nu sha̱p a̱myia̱ ka. A̱ si̱ bwak a̱myia̱ na a̱ koot Yesu ndyo a̱pyia̱.

Ma̱rkut 14:8

A̱byii̱k wuni nyia̱ ta̱m gu si̱ mi̱n nyia̱ a̱ni. A̱ koot nung a̱myia̱ na mi̱ vam hu a̱ nchok jen nang á̱ na nniat nung a̱ni.

Ma̱rkut 15:40

Á̱nyiuk á̱ghyang ku shya̱ a̱ja, á̱ yong gbang á̱ nwuan; mami mba Sa̱lomi, ma̱ng Ma̱ryamu Ma̱ga̱daliya ma̱ng Ma̱ryamu (a̱yang Isuu ma̱ng Yakubu a̱ yet a̱shushyuo a̱ni).

Ma̱rkut 15:42

A̱tuk a̱kya yet Juma, nang á̱ ni̱ njhyi kuzang kyang á̱ fwuong a̱tuk Mam Fwung ka a̱ni. Nang jenshyung nnyia̱ a̱ni,

Ma̱rkut 15:47

Ma̱ryamu Ma̱ga̱daliya ma̱ng Ma̱ryamu a̱yang Isuu ku yong á̱ cham ba̱ li a̱vwuo lyak ka nang á̱ myiai kwom Yesu hu a̱ni.

Ma̱rkut 16:2

Ma̱ a̱tsotson a̱tson a̱tuk Ladi ka, cha̱chaat nang a̱nu mam ka ghwut; ba̱ si̱ nat da̱ a̱vwuo a̱bi ka nang á̱ lung da̱ a̱fang a̱ni.

Ma̱rkut 16:8

Á̱nyiuk a̱bya si̱ ghwut mi̱ lyak hu di̱n chung, mat ba̱ ku tyi̱ri̱m vam ba̱ si̱ tyia̱ tai. Ba̱ si̱ kaat kyang ma̱ng a̱yin bah, mat ba̱ ku fa̱k a̱wun ba̱t.

Luka 23:54

Á̱ ku niat Yesu a̱tuk Juma kya, nang mam hu ka̱n dwi a̱ hyian; mam hu nang A̱yahudawa ba nvwuoi á̱ saai á̱ fwuong a̱tuk Mam Fwung ka ka̱ tsa jenshyung a̱ni.

Luka 23:56

Nang á̱nyiuk a̱bya ndi a̱cha̱chaat tyan lyak ji a̱ni, ba̱ si̱ bwuok á̱ nat a̱mali. Ba̱ si̱si̱ jhyi nkyuo turare ma̱ng a̱myia̱ na̱ byia̱ swam nyinyang a̱ni; ba̱ ka si̱ kwon di̱n kwom Yesu hu. A̱wot jen nang ba̱ na ntyak jhyi hu a̱ni, á̱ si̱ nwuo A̱tuk Mam Fwung ka jenshyung. Mat a̱nia, ba̱ si̱ fwung ma̱nang á̱ ndyuut mi̱ doka ji a̱ni.

Luka 24:1

A̱wot mi̱ shong a̱tson a̱tuk Ladi, á̱nyiuk ba si̱ kyiak nkyuo turare na ma̱ng a̱myia̱ na̱ byia̱ swam nyinyang nang ba̱ wai a̱ni. Ba̱ si̱ nat ma̱ a̱bi Yesu ka.

Yoona 19:25

Á̱niet ba̱ ku yong kpa̱mkpaan ma̱ng a̱team a̱khwu Yesu wu a̱ni, bibya yet; a̱yang byin nggu wu, ma̱ng a̱yang a̱feang nggu, ma̱ng Ma̱ryamu a̱byii̱k Kilobat, ma̱ng Ma̱ryamu Ma̱ga̱daliya.

Yoona 19:31

Huhwa a̱yaakwak a̱son A̱yahudawa ba si̱ naai gwomna Bilatut; gu ghwon á̱ luk a̱ti̱tak á̱niet ba nang á̱ a̱kpang da̱ a̱team a̱khwu wu a̱ni, a̱wot a̱ bu chyok ma̱ng nkwom na tazwa a̱yaateam a̱khwu ba. Kyang hu ku mbyia̱, ba̱ si̱ nnaai gwomna Bilatut a̱ni huhwa yet; da̱ a̱tsotson ntat a̱tuk Mam Fwung kya. Ba̱ ku chat nkwom á̱niet na na̱ swan a̱nia tazwa a̱team a̱khwu wu a̱tuk Mam Fwung ka bah. Mat hu na yet a̱gba̱ndang Mam Fwung wa.