Ma̱rkut 15:1 - A̠lyiat A̠gwaza na di̠n Tyap: A̠li̠ka̠uli A̠fai

¹ A̱wot ma̱ a̱tsotson a̱tson, a̱cha̱chet a̱yaapris, á̱niet khwop á̱niet, á̱niet tyiet doka, ma̱ng a̱mgba̱m á̱kum sot a̱cha̱chet A̱yahudawa ji si̱ nyia̱ a̱gba̱ndang a̱tung, da̱nian ba̱ ka la̱p kyang ba̱ na nyia̱ a̱ni. A̱jawa ba̱ si̱ la̱p Yesu, ba̱ si̱ nat ma̱ng a̱nggu, ba̱ si̱ tyia̱ nggu mbwak Bilatut a̱ yet Gwomna A̱romawa wu a̱ni.

Ma̱rkut 15:1 Iomraidhean Croise

Matyu 5:22

A̱wot n bu mbeang shei nyin hu. Ku nang a̱yin mwai lyen ma̱ng a̱ghyang nggu, á̱ na nyia̱ gu shi̱ri̱ya. A̱wot konyan wa yorong a̱yin ‘A̱pa̱mpang a̱yin,’ á̱ na tyia̱ gu mbwak a̱cha̱chet á̱niet shi̱ri̱ya! A̱wot konyan wa shyi a̱yin, nyia̱, ‘A yet a̱bwuon!’, a̱ shya̱ kpa̱mkpaan mi̱ swuo a̱bung ma̱ a̱nga̱ngak ndong sang sangba̱p.

Luka 22:66

Da̱ a̱tsotson tat ka, sot a̱cha̱chet á̱niet khwop á̱niet ba, ma̱ng a̱cha̱chet a̱yaapris ba, mbeang a̱yaagwak tyiet doka A̱gwaza ba; ba̱ si̱ nyia̱ a̱gba̱ndang a̱tung sot a̱cha̱chet A̱yahudawa. Ba̱ si̱ tyia̱ á̱ si̱ bai ma̱ng Yesu a̱zaghyi mba.

Nta̱m A̱yaata̱m 3:13

A̱gwaza Ibrahim, ma̱ng Ishaku, ma̱ng Yakubu, a̱ yet A̱gwaza a̱mgba̱m a̱yaatyia̱ a̱khwop nzi̱t ba a̱ni; nggu wa nwuak a̱khwo nggu wu Yesu shi gu choot a̱tyu wuni! Nggu wa yet Yesu wu nang nyi ku lak, nyi si̱ tyia̱ nggu mbwak gwomna Bilatut; ku nang gwomna Bilatut ku nchat a̱ kai nggu a̱ ghwon a̱ni.