Ma̱rkut 14:3 - A̠lyiat A̠gwaza na di̠n Tyap: A̠li̠ka̠uli A̠fai

³ Nang Yesu nshya̱ ma̱ a̱keang Ba̱ta̱ni a̱ fwung a̱mali Siman, a̱tyu a̱ ku mi̱ mbyia̱ gbap a̱ni; a̱byii̱k a̱ghyang si̱ kin neet a̱ bai ma̱ng a̱za̱za̱rak a̱myia̱, nang á̱ ngyei “nar” na̱ byia̱ kurum ba̱t a̱ni, mami sha̱p a̱myia̱ nang á̱ nok ma̱ng nfang a̱la̱basta a̱ni. A̱byii̱k wu si̱ fwuoi a̱nu sha̱p a̱myia̱ ka. A̱ si̱ bwak a̱myia̱ na a̱ koot Yesu ndyo a̱pyia̱.

Ma̱rkut 14:3 Iomraidhean Croise

Matyu 21:17

Nang Yesu nghwon a̱cha̱chet a̱yaapris ma̱ng á̱niet tyiet doka ba a̱ni, a̱ si̱ bwuok a̱ nat a̱keang Ba̱ta̱ni, a̱ si̱si̱ kwai a̱ja.

Matyu 25:17

Ma a̱nia wa a̱khwo a̱ ku san gumaat kurum sweang ji a̱ni. A̱ si̱ ma nshya̱ kpangti̱n gumaat kurum sweang jhyáng tazwa.

Ma̱rkut 14:2

Huhwa ba̱ si̱ nyia̱, “Zi̱ si̱ mi̱n ta̱bat gu di̱n jen song A̱yet ji bah, kalak á̱kpa á̱niet ka ba̱ doot jhya̱.”

Ma̱rkut 14:4

Á̱ghyang á̱niet ba̱ shya̱ a̱ja a̱ni si̱ fa̱k a̱lyia̱ ya. Ba̱ si̱ nyia̱ ma̱ng á̱ghyang mba a̱ni, “Yihwa mbyia̱ nang a mbyian a̱sham a̱myia̱ kani a̱nia?

Yoona 11:2

Laaza̱rut, a̱ ku nyia̱ ma̱ng zwan ji a̱ni, a̱ ku yet a̱na̱nyiuk Ma̱ryamu wa. (Ma̱ryamu wuni wa, na kwon Yesu a̱sham a̱myia̱ ka, ka̱ nyui turare a̱ni; a̱wot a̱ lyang a̱ti̱tak Yesu ba ma̱ng pyia̱ nggu hu.)