Ma̱rkut 13:3 - A̠lyiat A̠gwaza na di̠n Tyap: A̠li̠ka̠uli A̠fai

³ Nang Yesu nshya̱ di̱ swan tazwa Tsok Za̱itun ji̱ shya̱ a̱ma̱nyi kukwaat A̱li Nwuat Za̱nang A̱gwaza ka a̱ni; huhwa Bitut, Yakubu, Yoona, mbeang Anda̱rawut, si̱ bai ba̱ si̱ nwuo lyi̱ri̱m gu da̱ a̱beam nyia̱,

Ma̱rkut 13:3 Iomraidhean Croise

Matyu 13:10

Mman ta̱m na si̱ bai da̱ a̱vwuo Yesu, ba̱ si̱ lyip gu nyia̱, “Yihwa mbyia̱ a ni̱ ndyiat ma̱ng á̱niet ba di̱ kidee ji?”

Matyu 13:36

Nang Yesu nghwon á̱kpa á̱niet ka a̱ta̱usa a̱ni, a̱ si̱ nwuo mali ka nang gu nkhwat a̱ni. Mman ta̱m nggu na si̱ neet á̱ ba̱ shya̱ nggu. Ba̱ si̱ nyia̱, “A̱tyoli, ma̱sa̱kut, wa̱i nzi̱t a̱lyiat na tazwa kidee ja̱m ji mi̱ bibyin hu.”

Matyu 17:1

Nang mam a̱taa nswak a̱ni, Yesu si̱ doot ma̱ng Bitut ma̱ng mman Za̱ba̱di na a̱feang, Yakubu ma̱ng Yoona. Ba̱ si̱ nyeak á̱ nat tazwa a̱ga̱nga̱ng a̱fan, mba ma̱nyin mba a̱ja.

Matyu 21:1

Nang Yesu ma̱ng mman ta̱m nggu na ntat kpa̱mkpaan ma̱ng Urusha̱lima a̱ni, ba̱ si̱ nwuo ma̱ a̱keang Ba̱ti̱faji da̱ a̱beam Tsok Za̱itun. Yesu si̱ ta̱m mman ta̱m nggu a̱feang, ba̱ shya̱ a̱son gu.

Matyu 24:3

Nang si̱ a̱hwa nswak a̱ni, Yesu shya̱ di̱ swan di̱ Tsok Za̱itun ma̱nyin gu. Mman ta̱m nggu na si̱ bai á̱ ba̱ shya̱ nggu. Ba̱ si̱ lyip gu da̱ a̱beam nyia̱, “A̱tyoli, tak ma̱ng a̱nzi̱t, zang jen ja á̱ na mbi̱ri̱m nkyang nani? A̱wot yihwa á̱ na li ku na tak jen bwuok ang ji ma̱ng ngaan jen swanta wu?”

Ma̱rkut 10:35

A̱wot Yakubu ma̱ng Yoona, ba̱ yet mman Za̱ba̱di a̱ni, si̱ bai da̱ a̱vwuo Yesu. Ba̱ si̱ nyia̱, “A̱tyu tyiet, zi̱ chat a nyia̱ nzi̱t kyang zi̱ na lyip ang a̱ni.”

Ma̱rkut 13:4

“Zi̱ chat a tak ma̱ng a̱nzi̱t; zang jen ja nang nkyang nani na mbai? A̱wot yihwa bu na yet kyang a̱ga̱de ku yet a̱lama ku na tak jen nang na̱ shim bai a̱ni?”

Ma̱rkut 14:33

Yesu si̱ doot a̱ si̱ kyiak Bitut, Yakubu, ma̱ng Yoona. A̱ si̱ nwuo swuo a̱bung ma̱ng byian fwuo ba̱t.

Ma̱rkut 4:34

Kang mi̱ kidee ji, a̱ ku lyiat ma̱ng a̱mba bah. A̱wot jen ji gu nshya̱ ma̱nyin gu ma̱ng mman ta̱m nggu na a̱ni, a̱ ni̱ wa̱i mba kidee ji kpa̱sai.

Ma̱rkut 5:37

Yesu si̱ shim a̱yin a̱ khwi gu bah, mi̱ Bitut ma̱ng Yakubu mbeang Yoona a̱na̱nyiuk Yakubu wu; bibya si̱ khwi nggu.

Ma̱rkut 9:2

Nang mam a̱taa nswak a̱ni, Yesu si̱ kyiak Bitut, Yakubu ma̱ng Yoona dundung ma̱ng a̱nggu, a̱ si̱ nat ma̱ng a̱mba tazwa a̱ga̱nga̱ng a̱fan. Nang ba̱ nshya̱ a̱ja ma̱nyin ba a̱ni, á̱ si̱ shyak li Yesu hu a̱zaghyi mba!