Ma̱rkut 12:1 - A̠lyiat A̠gwaza na di̠n Tyap: A̠li̠ka̠uli A̠fai

¹ Yesu si̱ kin nwuo tyiet a̱cha̱chet a̱yaakwak a̱son ba di̱ kidee nyia̱, “A̱tyok a̱ghyang wa kap a̱byin a̱na̱p. A̱ si̱ nok bat a̱ nkeang kaa. A̱ si̱ lung jhyat da̱ a̱fang nang gu na nshyui a̱sa̱khwot a̱na̱p na a̱ni. A̱wot a̱ si̱ nok a̱ga̱nga̱ng a̱dak nang á̱ na nswan á̱ cham a̱byin ka a̱ni. A̱ si̱ khwap á̱niet khap á̱ghyang a̱byin ka. A̱wot a̱ si̱ nkat a̱keang a̱ghyang.

Ma̱rkut 12:1 Iomraidhean Croise

Matyu 13:3

Yesu si̱ shei mba nkhang ma̱ a̱di̱di̱t di̱ kidee, nang si̱ nani a̱ni, “Nyi myiai a̱fufwuo nyi fa̱a̱k! A̱tyu khap a̱ghyang wa ghwut a̱ nat nai zwá yak.

Matyu 21:28

“A̱wot nyin, yihwa nang nyi dam? Á̱ ku byia̱ a̱tyok a̱ghyang, a̱ si̱ byia̱ mman á̱sam a̱feang. A̱ si̱ nyia̱ ma̱ng á̱niet khwop nggwon a̱sam wu, ‘Nggwon nung, nat a nyia̱ ta̱m ma̱ a̱byin a̱na̱p nung ka a̱fwun.’

Matyu 21:33

“Nyi myiai a̱fufwuo nyi fa̱k kidee jhyang! A̱tyoli a̱ghyang wa ku kap a̱byin a̱na̱p. A̱ si̱ nok bat a̱ nkeang a̱byin ka. A̱ si̱ lung jhyat da̱ a̱fang nang gu na nshyui a̱sa̱khwot a̱na̱p na a̱ni. A̱ si̱ nok a̱ga̱nga̱ng a̱dak nang á̱ na nswan á̱ cham a̱byin ka a̱ni. A̱wot a̱ si̱ khwap á̱niet khap á̱ghyang a̱byin ka, a̱ si̱ nkat a̱keang a̱ghyang.

Matyu 21:34

“Nang jen kpa̱i sum a̱na̱p ji nnyia̱ a̱ni, a̱ si̱ ta̱m ma̱ng á̱khwo nggu ba da̱ a̱vwuo á̱niet khap nang gu khwap ba a̱byin ka a̱ni, ba̱ ka̱u sum a̱na̱p hu, ba̱ nwuak nggu a̱kwonu nggu ka.

Matyu 25:14

“Á̱ bu na tyan Tyok Ma A̱gwaza tswazwa hu ma̱ng kidee a̱tyu a̱ naat chyet, a̱ si̱ labeang a̱ni. A̱ si̱ yei á̱khwo nggu ba dundung. A̱ si̱ tyia̱ mba kurum nggu hu mbwak, ba̱ ka mbwuang nggu ndyo. A̱ si̱ nkat.

Ma̱rkut 11:33

Huhwa ba̱ si̱ nwuak Yesu shim nyia̱, “Zi̱ lyen bah.” Yesu si̱ ma nyia̱, “Nung meang, n ma na ntak ma̱ng a̱nyin tyok hu nang nnyia̱ nkyang nani a̱ni bah.”

Ma̱rkut 13:34

“Bwuok Nggwon A̱tyubishyi hu na li nang a̱tyu a̱ naat chyet ma̱ gbang a̱ni. A̱ si̱ ghwon a̱li nggu ka. A̱ si̱ tyia̱ nta̱m bwak a̱khwo nggu ba, konyan ma̱ng ta̱m nang gu na nyia̱ a̱ni. A̱wot a̱ si̱ tak ma̱ng a̱tyu a̱ chok a̱na̱nwuai ka a̱ni, nyia̱ gu cham gu yok kai nda bah.

Ma̱rkut 3:23

Huhwa Yesu si̱ yorong mbaa, a̱ si̱ lyiat ma̱ng a̱mba di̱ kidee nyia̱, “Á̱ na nyia̱ ni wa A̱ta̱nyeang ka̱ nkam A̱ta̱nyeang ka̱ ghwut ma̱ á̱niet?

Ma̱rkut 4:2

A̱ si̱ tyiet mba nkyang ma̱ a̱di̱di̱t di̱ kidee, ma̱nang si̱ jini a̱ni, nyia̱,

Luka 15:13

“Á̱ si̱ labeang bah, a̱shushyuo a̱sam wu si̱ doot, a̱ si̱ tung nkyang nggu na, a̱ si̱ nkat ma̱ a̱byin a̱ghyang ma̱ gbang. Gu si̱ ntat ma̱ a̱byin a̱kya a̱ni, a̱jawa gu si̱ nhyat kurum nggu hu di̱ tsot wun ma̱ a̱tai.

Luka 19:12

Yesu si̱ nyia̱, “Á̱ ku byia̱ nggwon a̱gwam a̱ghyang, ka̱ si̱ ghwut a̱ naat a̱byin á̱ghyang ma̱ gbang; da̱nian á̱ ka kup ka tyok, ka̱ sii bwuok a̱ bai.

Luka 22:9

Ba̱ si̱ lyip Yesu nyia̱, “A̱ji wa nang a nchat zi̱ njhyi nkyayak na?”

Luka 8:10

Yesu si̱ nwuak ba shim nyia̱, “Á̱ shim nyin ndyo nyi fi̱k kyang ku shya̱ di̱ niat tazwa Tyok A̱gwaza hu a̱ni. A̱wot, n tyiet á̱kum á̱niet ka di̱ kidee ja, da̱nian: ‘Ka̱ ba̱ nwuan, ba̱ na li shansham bah. Ka̱ ba̱ fa̱k, da̱ mba ba̱ na fi̱k bah.’

Nta̱m A̱yaata̱m 7:38

Musa ku shya̱ ndung ma̱ng a̱yaatyia̱ a̱khwop nzi̱t ba, ma̱ng á̱kpa á̱niet A̱gwaza ka mi̱ ntswa a̱yit ji, di̱n jen nang a̱ta̱m tswa A̱gwaza wu ku ndyiat ma̱ng a̱nggu da̱ A̱fan Si̱nai ka a̱ni. A̱ja wa Musa ku nsan a̱lyiat nwuat swuan na nang gu tak ma̱ng a̱nzi̱t a̱ni.