Ma̱rkut 11:9 - A̠lyiat A̠gwaza na di̠n Tyap: A̠li̠ka̠uli A̠fai

⁹ Á̱niet ba̱ kwak a̱son Yesu ma̱ng á̱si̱ ba̱ khwi gu lilyim a̱ni, si̱ koot a̱gugong nyia̱, “Hosana, Hosana! Zi̱ dyep A̱gwaza! Shok yet si̱ a̱tyu, a̱ chobai ma̱ng Tyok A̱gwaza A̱tyoli a̱ni!

Ma̱rkut 11:9 Iomraidhean Croise

Matyu 21:9

Á̱niet ma̱ a̱di̱di̱t ba̱ khwat a̱son Yesu ma̱ng á̱si̱ ba̱ khwi nggu lilyim a̱ni, si̱ nwuo tang nggu a̱didyep, á̱ khwot a̱gugwong nyia̱, “Hosana! Á̱ dyep A̱gwaza da̱nian a̱ka̱mbwon Da̱wuda! Shok yet si̱ a̱tyu a̱ chobai di̱ Tyok A̱gwaza a̱ni! Hosana! Zi̱ dyep gu a̱ shya̱ Ma A̱gwaza tswazwa a̱ni!”

Matyu 23:39

Mat a̱nia, n tak ang, nyi bu si̱ mi̱n di nung bah, si̱ nang nyi nyia̱, ‘A̱li̱ba̱rka yet a̱si̱ a̱tyu a̱ chobai mami a̱lyoot tyok A̱tyoli ka a̱ni!’ ”

Ma̱rkut 11:8

Á̱niet ma̱ a̱di̱di̱t si̱ teak a̱yaatoot mba ba di̱n vak hu. A̱wot á̱ghyang á̱niet si̱ ma ntyam mbwak ntswan, ba̱ si̱ teak a̱byin Yesu si̱ nswak.

Yoona 12:13

ba̱ si̱ kin sam a̱kyikyo a̱ka̱kwon tswan. Ba̱ si̱ ghwut á̱ nat ba̱ myim ma̱ng a̱nggu, ba̱ san guu. Ba̱ si̱ kan ta̱ngam nwunwuat hu mi̱ chet nyia̱, “Dyep A̱gwaza! Dyep yet si̱ A̱tyu a̱ chobai mami a̱lyoot A̱gwaza a̱ni! A̱gwaza, gu nang A̱gwam Isi̱rela wu a̱li̱ba̱rka!”

Yoona 19:15

A̱yahudawa ba si̱ bu koot a̱gugwong mi̱ chet nyia̱, “Á̱ hyat gu! Á̱ kpang gu da̱ a̱team a̱khwu!” Bilatut si̱ lyip ba nyia̱, “Nyi chat n kpang a̱gwam nyin wu da̱ a̱team a̱khwu a?!” Huhwa a̱cha̱chet a̱yaapris ba si̱ nwuak gu shim nyia̱, “Nzi̱t, zi̱ byia̱ a̱gwam a̱ghyang bah; mi̱ Kaisar wa ma̱nyin nggu!”