Ma̱rkut 10:2 - A̠lyiat A̠gwaza na di̠n Tyap: A̠li̠ka̠uli A̠fai

² A̱fa̱risawa á̱ghyang si̱ bai da̱nian ba̱ ka mak Yesu. Ba̱ si̱ lyip gu nyia̱, “Doka ji̱ shim a̱tyok a̱ tyat nyeang ma̱ng a̱byii̱k gu a?”

Ma̱rkut 10:2 Iomraidhean Croise

Matyu 15:12

A̱jawa mman ta̱m nggu na si̱ bai, á̱ ba nyia̱ ma̱ng a̱nggu a̱ni, “A lyen nang A̱fa̱risawa ba ndak fa̱k a̱lyiat ang naa?”

Matyu 16:1

Á̱ghyang á̱tuk A̱fa̱risawa ma̱ng A̱sa̱ndukiyawa si̱ bai ba̱ mak Yesu. Ba̱ si̱ chat gu tak mba kyang a̱ga̱de ku yet a̱lama ku neet Ma A̱gwaza tswazwa, ku na tak tyok nggu hu kpa̱sai a̱ni.

Matyu 19:3

A̱fa̱risawa á̱ghyang si̱ bai da̱ a̱vwuo Yesu, ba̱ ka mak gu. Ba̱ si̱ lyip gu nyia̱, “Doka ji shim a̱tyok a̱ tyat nyeang ma̱ng a̱byii̱k nggu wu di̱ kuzang tangka̱i ta̱fwat a?”

Matyu 22:35

A̱tyo nyiung mami mba, a̱ ku yet a̱gwak lyen doka wa, a̱ si̱ kwan a̱ tya̱ra̱m Yesu ma̱ng lyip huni, nyia̱,

Matyu 23:13

“Ku swan nyin, á̱niet tyiet doka ma̱ng A̱fa̱risawa. Nyin á̱bubuk á̱niet! Mat nyi ni̱ nyim nyinyiit nwuo Tyok Ma A̱gwaza tswazwa hu. Nyi tyia̱ á̱niet ba̱ na nwuo a̱ni nta. Nyin ma̱ á̱pyia̱ nyin, nyi ni̱ nwuo bah. A̱wot nyin meang, nyi ni̱ vwuong á̱ghyang á̱niet ba̱ nwuo mami.

Matyu 9:34

A̱wot A̱fa̱risawa ba si̱ nyia̱, “Ma̱ng chet a̱gwam á̱ka̱tuk ntswá hwa nang gu nkhai á̱ka̱tuk ntswá ba, ba̱ ghwut ma̱ á̱niet.”

Ma̱rkut 10:1

Yesu si̱ ghwon Ka̱fanahum, a̱ si̱ nat mi̱ fam a̱byin Yahudiya. A̱ si̱ byia̱k a̱ nat a̱ma̱nyi fam a̱tyin a̱ghyui Urdun. Á̱kpa á̱niet ma̱ a̱di̱di̱t di̱ susot si̱ bu tung da̱ a̱vwuo nggu. A̱ si̱ nwuo tyiet baa, ma̱nang gu mmeang a̱ni.

Ma̱rkut 10:3

Yesu si̱ nwuak mba shim ma̱ng lyip nyia̱, “Yihwa nang Musa lyuut mi̱ doka ji tazwa tyat nyeang hu?”

Ma̱rkut 8:11

Nang A̱fa̱risawa á̱ghyang nfa̱k nkhang nyia̱ Yesu bai a̱ni, ba̱ si̱ bai da̱ a̱vwuo Yesu. Ba̱ si̱ ta̱bat fwuang ma̱ng a̱nggu. Ba̱ chat mak gu. A̱wot ba̱ si̱ nyia̱ ma̱ng a̱nggu, gu nyia̱ mba kyang a̱ga̱de ku neet Ma A̱gwaza tswazwa ku yet a̱lama a̱ tak tyok nggu hu a̱ni.

Ma̱rkut 8:15

Nang ba̱ nshya̱ di̱ byei a̱gba̱ndang jok wu a̱ni, Yesu si̱ gba mba nyia̱, “Nyi ta̱bam! Nyi bu chok á̱pyia̱ nyin di̱ yit A̱fa̱risawa ma̱ng a̱si̱ Hiridut wu.”

Luka 11:39

A̱jawa A̱tyoli Yesu si̱ nyia̱ ma̱ng a̱nggu, “Nyin A̱fa̱risawa ba, nyi ni̱ ta̱bam nyi kwi nta a̱kashyi ji ma̱ng a̱ka̱gba wu. Ma a̱nia wa nyi ngyet a̱sham ka nta. A̱wot mami nfwuo nyin na, na̱ nhyat tyentyang ma̱ng wuwok ma̱ng a̱ka̱kpa̱t!

Luka 16:14

Nang A̱fa̱risawa ba nfa̱k tyiet huni a̱ni, ba̱ si̱ mai ngguu á̱ ma̱ng gu a̱lyem. Mat ba̱ yet á̱niet bya ba̱ la̱u chat zwá a̱ni.

Luka 5:30

A̱wot A̱fa̱risawa ba ma̱ng a̱yaagwak tyiet doka A̱gwaza ba si̱ kwop a̱dyii̱ng ma̱ng byian fwuo da̱ a̱vwuo mman ta̱m Yesu na nyia̱, “Yihwa mbyia̱ nyi ngya tsa nswuo ma̱ng á̱niet saai kurum ga̱ndu, mbeang á̱niet a̱ka̱tuk nyia̱ á̱ghyang?”

Luka 6:7

A̱yaagwak tyiet doká A̱gwaza ma̱ng A̱fa̱risawa si̱ tyia̱ Yesu á̱ghyi, á̱ cham nggu. Da̱nian ba̱ ka li ka̱ a̱ na nyia̱ ta̱m choot a̱tyu nang bwak hu khwu a̱ni, a̱tuk Mam Fwung ka; ba̱ ka shya̱ ta̱fwat nang ba̱ na mbat gu a̱bun a̱ni.

Luka 7:30

A̱wot A̱fa̱risawa ma̱ng a̱yaagwak lyen doka A̱gwaza ba si̱ lak kyang nang A̱gwaza la̱p a̱ sak a̱ni. Mat ba̱ ku lak san ba̱ptisman Yoona ji.

Yoona 11:47

Mat a̱nia, a̱cha̱chet a̱yaapris ba mbeang A̱fa̱risawa si̱ yorong a̱gba̱ndang a̱tung sot a̱cha̱chet A̱yahudawa wu. Ba̱ si̱ lyip á̱ghyang mba nyia̱, “Yihwa nang zi̱ na nyia̱ la?! Di, a̱tyu wuni nyian nkyang a̱ga̱de ma̱ a̱di̱di̱t!

Yoona 11:57

Mat nang a̱gba̱ndang pris wu ma̱ng A̱fa̱risawa ba ku mi̱ nnwuak doka nyia̱; konyan wa lyen a̱vwuo ka nang Yesu nshya̱ a̱ni, gu bai a̱ hyia̱, da̱nian ba̱ ka ta̱bat guu.

Yoona 7:32

Nang A̱fa̱risawa ba ku nfa̱k nang á̱kpa á̱niet ka chyuang tazwa Yesu a̱ni; a̱jawa mba ma̱ng a̱cha̱chet a̱yaapris ba, ba̱ si̱ ta̱m á̱niet chok A̱li Nwuat Za̱nang A̱gwaza ba, ba̱ ka ta̱bat guu.

Yoona 7:48

Á̱ mbyia̱ a̱yin mami a̱cha̱chet a̱yaapris mbeang A̱fa̱risawa ba á̱ ka̱n nwuak fwuo da̱ nggu a̱ni a?

Yoona 8:6

Ba̱ ku lyip gu a̱lyiat nani, da̱nian ba̱ tya̱ra̱m nggu, ba̱ ka shya̱ kyang hu nang ba̱ na ntyap guu, ba̱ tyia̱ nggu a̱bun a̱ni. A̱mgba̱m ma̱ng a̱nia, Yesu si̱ beak, a̱ si̱ lyuut a̱byin ma̱ng ga̱swuong.

1 A̱korontiyawa 10:9

Ma a̱nia wa, zi̱ yok mak A̱gwaza bah, ma̱nang á̱ghyang á̱niet ma̱ a̱mba ku nyia̱ a̱ni. A̱ si̱ tyia̱ zwák si̱ tyam mba, ba̱ si̱ kwi.