Ma̱rkut 10:1 - A̠lyiat A̠gwaza na di̠n Tyap: A̠li̠ka̠uli A̠fai

¹ Yesu si̱ ghwon Ka̱fanahum, a̱ si̱ nat mi̱ fam a̱byin Yahudiya. A̱ si̱ byia̱k a̱ nat a̱ma̱nyi fam a̱tyin a̱ghyui Urdun. Á̱kpa á̱niet ma̱ a̱di̱di̱t di̱ susot si̱ bu tung da̱ a̱vwuo nggu. A̱ si̱ nwuo tyiet baa, ma̱nang gu mmeang a̱ni.

Ma̱rkut 10:1 Iomraidhean Croise

Matyu 26:55

A̱jawa Yesu si̱ nyia̱ ma̱ng á̱kpa á̱niet ka, “Nyi ghwut ma̱ng tswát ma̱ng shán, nyi si̱ bai ta̱bat nung, a ngyei n gyet a̱tyu a̱ kwak a̱son á̱niet a̱tsaai a̱ni a? Kuzang mam n ni̱ shya̱ dundung ma̱ng a̱nyin tyiet A̱mali Nwuat Za̱nang A̱gwaza ka, da̱ nyin nyi ta̱bat nung bah.

Matyu 4:23

Yesu si̱ nwuai a̱ kat a̱mgba̱m fam a̱byin Ga̱lili hu. A̱ si̱ tyiet ma̱ á̱tutu a̱tung A̱yahudawa, a̱ bu shei á̱niet ba A̱sham Nkhang Tyok A̱gwaza ka. A̱ si̱ tsa a̱ nchoot á̱niet ba̱ nyia̱ ma̱ng kuzang tangka̱i nzwan a̱ni.

Ma̱rkut 1:21

Nang a̱tuk Mam Fwung A̱yahudawa nkaat a̱ bai a̱ni, Yesu ma̱ng á̱niet ba̱ khwi nggu a̱ni si̱ nwuo a̱keang Ka̱fanahum. A̱ si̱ nwuo tutu a̱tung A̱yahudawa hu, a̱ si̱ ta̱bat tyiet á̱niet ba.

Ma̱rkut 10:2

A̱fa̱risawa á̱ghyang si̱ bai da̱nian ba̱ ka mak Yesu. Ba̱ si̱ lyip gu nyia̱, “Doka ji̱ shim a̱tyok a̱ tyat nyeang ma̱ng a̱byii̱k gu a?”

Ma̱rkut 12:35

Di̱n jen nang Yesu nshya̱ di̱ tyiet mi̱ didyaat A̱li Nwuat Za̱nang A̱gwaza hu a̱ni; a̱ si̱ lyip á̱niet ba, nyia̱, “Yihwa mbyia̱ nang á̱niet tyiet doka ba nnyia̱ Kristi neet mi̱ kwai Da̱wuda ja?

Ma̱rkut 14:49

Kuzang mam n ni̱ shya̱ dundung ma̱ng a̱nyin tyiet Mali Nwuat Za̱nang A̱gwaza ka. A̱wot nyi ta̱bat nung bah. A̱wot ku yet ta hwa A̱lyiat A̱gwaza na nang á̱ lyuut tazwa nung a̱ni, na̱ bai cha̱chaat da̱ a̱nu ka.”

Ma̱rkut 2:13

Yesu si̱ ghwon Ka̱fanahum a̱ si̱ bu bwuok a̱ nat di̱n khwong a̱gba̱ndang jok Ga̱lili hu. Á̱kpa á̱niet ma̱ a̱di̱di̱t si̱ nat, á̱ si̱ shya̱ Yesu. A̱ si̱ yong mi̱ di̱ tyiet mbaa.

Ma̱rkut 4:2

A̱ si̱ tyiet mba nkyang ma̱ a̱di̱di̱t di̱ kidee, ma̱nang si̱ jini a̱ni, nyia̱,

Ma̱rkut 6:2

A̱wot nang a̱tuk Mam Fwung A̱yahudawa ka nkaat a̱ bai a̱ni, a̱ si̱ nwuo tyiet mami tutu a̱tung A̱yahudawa hu. Á̱niet ma̱ a̱di̱di̱t ku shya̱ a̱ja. A̱wot nang ba̱ mmyiai a̱fufwuo á̱ fwuong gu a̱ni, ku si̱ yet mba kyang a̱ga̱de. Ba̱ si̱ lyip, nyia̱, “A̱ji wa gu mmyiam nkyang nani? Á̱ nang gu mumwang huni neet a̱ji wa? A̱ nyia̱ ni a̱ nyia̱ a̱cha̱chet nkyang a̱ri̱bi̱di nani?

Ma̱rkut 6:34

Nang Yesu mbyia̱k a̱ si̱ chyok mi̱ kukwon a̱wak hu a̱ni, a̱ si̱ li á̱kpa á̱niet. A̱ si̱ fa̱k kunak ba ba̱t, mat ba̱ li nang zón seap ji̱ sang a̱tyu chok a̱ni. Huhwa gu si̱ nwuo tyiet mba nkyang ma̱ a̱di̱di̱t.

Ma̱rkut 6:6

A̱ si̱ fa̱k a̱ga̱de ba̱t tazwa nwai nwuak a̱chuchuk mba hu!

Yoona 10:40

A̱wot Yesu si̱ bu bwuok lilyim, a̱ nat ma̱ a̱ma̱nyi fam a̱tak a̱ghyui Urdun, da̱ a̱vwuo nang Yoona ku nnyia̱ á̱niet ba ba̱ptisman ji a̱ni. A̱ si̱si̱ ya nswan a̱ja.

Yoona 11:7

Gu si̱ nyia̱ ma̱ng mman ta̱m nggu na a̱ni, “Nyi bai, zi̱ bwuok nat fam a̱byin Yahudiya!”

Yoona 18:20

Yesu si̱ nyia̱, “N ku ndyiat kpa̱sai a̱zaghyi konyan. N si̱ bu ngyong mi̱ di̱ tyiet á̱niet ba ma̱ á̱tutu a̱tung, ma̱ng A̱li Nwuat Za̱nang A̱gwaza, nang a̱mgba̱m A̱yahudawa ba ni̱ ntung a̱ni. N ka̱n mak lyiat kyang da̱ bang bah.