Ma̱rkut 1:8 - A̠lyiat A̠gwaza na di̠n Tyap: A̠li̠ka̠uli A̠fai

⁸ Nung, n nyia̱ nyin ba̱ptisman ji ma̱ng a̱sa̱khwot nia. A̱wot nggu, a̱ na nyia̱ nyin dyo ma̱ng A̱za̱za̱rak Ntswa wa.”

Ma̱rkut 1:8 Iomraidhean Croise

Matyu 3:11

“Nung, n nyia̱ nyin ba̱ptisman ma̱ng a̱sa̱khwot nia, jija tak nang nyi nghwon a̱ka̱tuk nyia̱ nyin wu. A̱wot a̱yin chobai, a̱tyu a̱ swak nung mi̱ chet a̱ni, n maai mi̱ maai n ti̱n á̱kwatak nggu ba bah. Nggu, a̱ na nyia̱ nyin ba̱ptisman ji ma̱ng A̱za̱za̱rak Ntswa wa ma̱ng long.

Ma̱rkut 1:7

A̱ si̱ shei A̱lyiat A̱gwaza na nyia̱, “A̱yin chobai a̱ khwi nung lilyim, a̱ lan nung ma̱ng chet. Nung, n maai mi̱ maai n ta̱bwak n byii̱k ywan á̱kwatak gu hu bah.

Ma̱rkut 1:9

Di̱n jen a̱ja Yesu ku neet ma̱ a̱keang Na̱za̱ra̱t ka̱ shya̱ mi̱ fam a̱byin Ga̱lili ka a̱ni. Yoona si̱ nyia̱ nggu ba̱ptisman ji mi̱ a̱ghyui Urdun.

Luka 3:16

Huhwa Yoona si̱ tak ma̱ng a̱mba nyia̱, “Nung, n nyia̱ nyin ba̱ptisman ji ma̱ng a̱sa̱khwot nia. A̱wot a̱tyu a̱ swak nung ma̱ za̱nzan a̱ni chobai. Nung, n maai mi̱ maai n gyet a̱khwo nggu wu, n ta̱bwak mbyii̱k ywan á̱kwatak nggu hu bah. Nggu, a̱ na nyia̱ nyin ba̱ptisman ji ma̱ng A̱za̱za̱rak Ntswa wa ma̱ng long.

Yoona 1:26

Yoona si̱ nwuak ba shim nyia̱, “N nyia̱ nyin ba̱ptisman ji ma̱ng a̱sa̱khwot nia. A̱wot a̱yin yong mami nyin da̱nang nyi lyen a̱ni bah.

Yoona 1:33

Bi̱ri̱ng ma̱ng a̱nia, n si̱ nfi̱k gu bah. A̱wot A̱gwaza a̱ ku ta̱m nung n nyia̱ ba̱ptisman ji ma̱ng a̱sa̱khwot na a̱ni, si̱ nyia̱ ma̱ng a̱nung a̱ni, ‘A̱tyu nang a li A̱za̱za̱rak Ntswa wu chorop a̱ chobai a̱ ba̱ swan da̱ nggu a̱ni; nggu wa yet a̱tyu a̱ na nyia̱ á̱niet ba ba̱ptisman ji ma̱ng A̱za̱za̱rak Ntswa A̱gwaza wu a̱ni.’

Nta̱m A̱yaata̱m 1:5

A̱tsak a̱lyiat, Yoona ku nyia̱ nyin ba̱ptisman ji ma̱ng a̱sa̱khwot nia. A̱wot á̱ na bwuo mam ma̱ chunchwiit, á̱ na nyia̱ nyin ba̱ptisman ji ma̱ng A̱za̱za̱rak Ntswa wa!”

Nta̱m A̱yaata̱m 10:45

A̱yahudawa ba, ba̱ ku yet á̱niet khwi ba ba̱ ku chong ndung ma̱ng Bitut neet ma̱ a̱keang Yafa ka a̱ni; ba̱ si̱ fa̱k a̱ga̱de mat A̱gwaza nang Nnwap na̱ nwai yet A̱yahudawa a̱ni za̱nang chet A̱za̱za̱rak Ntswa ji mameang!

Nta̱m A̱yaata̱m 2:17

‘A̱gwaza nyia̱, “Di̱n jen ngaan ji, n na nang a̱mgba̱m á̱niet mi̱ swanta ba A̱za̱za̱rak Ntswa nung wu gba̱mgbam! Mman á̱sam ma̱ng mman á̱nap nyin na, na̱ na shei nkyang da̱ a̱kwonu nung á̱zanson. Nfi̱ng á̱tyok nyin na na nwuan a̱ma̱bwoi; ma a̱nia wa, á̱khwukhwop á̱niet nyin ba na laat a̱laat.

Nta̱m A̱yaata̱m 2:4

A̱za̱za̱rak Ntswa wu si̱ kin tyia̱ kuzang a̱yin ma̱ mba chet, ba̱ si̱ kin ta̱bat lyiat di̱ lilyem ghyáng da̱nang ba̱ mi̱ mmyiam a̱ni bah; ma̱ cha̱chaat ma̱nang A̱za̱za̱rak Ntswa wu nnang konyan za̱nang chet ji a̱ni!

1 A̱korontiyawa 12:13

Á̱niet khwi á̱ghyang ma̱ nzi̱t yet A̱yahudawa bya. Á̱ghyang á̱niet si̱ yet Nnwap na̱ nwai yet A̱yahudawa a̱ni. Á̱ghyang si̱ yet á̱khwo bya. Á̱ghyang si̱ yet mman a̱li nia. A̱wot A̱za̱za̱rak Ntswa wu wa nyia̱ a̱mgba̱m nzi̱t ba̱ptisman ji, zi̱ si̱ yet vam nyiung. A̱wot a̱mgba̱m nzi̱t, zi̱ byia̱ A̱za̱za̱rak Ntswa a̱nyiung wa.