Ma̱rkut 1:7 - A̠lyiat A̠gwaza na di̠n Tyap: A̠li̠ka̠uli A̠fai

⁷ A̱ si̱ shei A̱lyiat A̱gwaza na nyia̱, “A̱yin chobai a̱ khwi nung lilyim, a̱ lan nung ma̱ng chet. Nung, n maai mi̱ maai n ta̱bwak n byii̱k ywan á̱kwatak gu hu bah.

Ma̱rkut 1:7 Iomraidhean Croise

Matyu 3:11

“Nung, n nyia̱ nyin ba̱ptisman ma̱ng a̱sa̱khwot nia, jija tak nang nyi nghwon a̱ka̱tuk nyia̱ nyin wu. A̱wot a̱yin chobai, a̱tyu a̱ swak nung mi̱ chet a̱ni, n maai mi̱ maai n ti̱n á̱kwatak nggu ba bah. Nggu, a̱ na nyia̱ nyin ba̱ptisman ji ma̱ng A̱za̱za̱rak Ntswa wa ma̱ng long.

Matyu 3:14

Huhwa Yoona si̱ chat lak nyia̱ Yesu ba̱ptisman ji, a̱ si̱ nyia̱, “Nung gwa myim a nyia̱ nung ba̱ptisman ji! A̱wot nwan wa sii wa chobai da̱ a̱vwuo nung a?”

Ma̱rkut 1:6

Yoona A̱tyu nyia̱ ba̱ptisman ku khwi a̱pyia̱ gu ma̱ng a̱toot nang á̱ twai ma̱ng chat a̱lakumi a̱ni. A̱ si̱ la̱p kwa ndyang. A̱wot nkyayak nggu na si̱ yet á̱ga̱u bya ma̱ng tong a̱yit.

Ma̱rkut 1:8

Nung, n nyia̱ nyin ba̱ptisman ji ma̱ng a̱sa̱khwot nia. A̱wot nggu, a̱ na nyia̱ nyin dyo ma̱ng A̱za̱za̱rak Ntswa wa.”

Luka 3:16

Huhwa Yoona si̱ tak ma̱ng a̱mba nyia̱, “Nung, n nyia̱ nyin ba̱ptisman ji ma̱ng a̱sa̱khwot nia. A̱wot a̱tyu a̱ swak nung ma̱ za̱nzan a̱ni chobai. Nung, n maai mi̱ maai n gyet a̱khwo nggu wu, n ta̱bwak mbyii̱k ywan á̱kwatak nggu hu bah. Nggu, a̱ na nyia̱ nyin ba̱ptisman ji ma̱ng A̱za̱za̱rak Ntswa wa ma̱ng long.

Yoona 1:27

A̱ chobai a̱ khwi nung lilyim. A̱wot n maai mi̱ maai n byii̱k ywan á̱kwatak gu hu bah.”

Nta̱m A̱yaata̱m 13:25

Nang Yoona ku ntyiai ta̱m nggu hu a̱ni, a̱ si̱ lyip á̱niet ba, nyia̱, ‘Nyi dam nung gwa ngyet Kristi wu, a̱tyu A̱gwaza kup gu tyok a̱ni a? Kaai, nung gwa gyet Kristi wu bah! A̱wot á̱ na labeang bah, Kristi wu na bai. A̱wot nung n maai mi̱ maai n gyet a̱khwo nggu ku n byii̱k ywan á̱kwatak nggu hu bah!’

Nta̱m A̱yaata̱m 19:4

Bulut si̱ nyia̱ ma̱ng a̱mba, “Ba̱ptisman Yoona ji yet si̱ ghwon a̱ka̱tuk nyia̱ ja. A̱wot Yoona ma̱ a̱pyia̱ nggu ku tak ma̱ng á̱niet ba ba̱ nwuak fwuo di̱ Yesu; nggu wa yet a̱tyu a̱ chobai a̱ni.”