Ma̱rkut 1:5 - A̠lyiat A̠gwaza na di̠n Tyap: A̠li̠ka̠uli A̠fai

⁵ Á̱niet ma̱ a̱di̱di̱t mi̱ fam a̱byin Yahudiya ma̱ng a̱keang Urusha̱lima, ba̱ si̱ chong da̱ a̱vwuo Yoona, á̱ tyai a̱ka̱tuk nyia̱ mba wu, nang gu nyia̱ mba ba̱ptisman ma̱ a̱ghyui Urdun.

Ma̱rkut 1:5 Iomraidhean Croise

Matyu 4:25

Á̱kpa á̱niet á̱ghyang ma̱ a̱di̱di̱t si̱ khwi nggu á̱ nat kuzang a̱vwuo. Á̱niet si̱ neet ma̱ a̱keang Urusha̱lima, ma̱ng nfam bibyin Ga̱lili, Dikafolit, ma̱ng a̱mgba̱m fam a̱byin Yahudiya, ma̱ng á̱niet nfam bibyin a̱ma̱nyi a̱ghyui Urdun ka.

Ma̱rkut 1:4

A̱nia wa Yoona a̱tyu nyia̱ ba̱ptisman si̱ bai, a̱ si̱ chong mi̱ ntswa a̱yit a̱ shei A̱lyiat A̱gwaza na. A̱ si̱ nyia̱ á̱niet ba̱ptisman ku tak ba̱ ghwon a̱ka̱tuk ba̱ nwuo khwi A̱gwaza a̱ni, da̱nian A̱gwaza a̱ ka chi a̱ka̱tuk nyia̱ mba wu.

Ma̱rkut 1:6

Yoona A̱tyu nyia̱ ba̱ptisman ku khwi a̱pyia̱ gu ma̱ng a̱toot nang á̱ twai ma̱ng chat a̱lakumi a̱ni. A̱ si̱ la̱p kwa ndyang. A̱wot nkyayak nggu na si̱ yet á̱ga̱u bya ma̱ng tong a̱yit.

Yoona 1:28

Á̱ ku lyiat á̱lyiat nani ma̱ a̱keang Ba̱ta̱ni kya a̱ma̱nyi fam a̱tak a̱ghyui Urdun, da̱ a̱vwuo ka nang Yoona nnyia̱ á̱niet ba ba̱ptisman ji a̱ni.

Yoona 3:23

Yoona mameang, nang gu ni̱ nyia̱ ba̱ptisman ji mi̱ nnang Ainon kpa̱mkpaan ma̱ng a̱keang Sa̱lima; mat a̱sa̱khwot na ku shi a̱ja ba̱t. Á̱niet si̱ ya a̱son á̱ chong da̱ a̱vwuo nggu nang gu nyia̱ mba ba̱ptisman ji.

Yoona 5:35

Yoona ku li nang long fi̱tila hu sai a̱vwuo a̱ni. A̱wot nyi si̱ khai da̱ a̱banjen ma̱ a̱da̱dei, nyi ka gwai mami sai nggu hu.

Nta̱m A̱yaata̱m 19:18

Á̱niet ma̱ a̱di̱di̱t ba̱ ku nwuak fwuo di̱ Yesu a̱ni, si̱ ghwut á̱ bai kpa̱sai, ba̱ si̱ tyai á̱ka̱tuk nyia̱ mba wu.

Nta̱m A̱yaata̱m 2:38

Bitut si̱ nyia̱ ma̱ng a̱mba, “Ku yet ta hwa, konyan ma̱ nyin a̱ ghwon a̱ka̱tuk nyia̱ nggu wu, gu bai á̱ nyia̱ gu ba̱ptisman da̱ a̱lyoot Yesu; á̱ ka chi a̱ka̱tuk nyia̱ nyin wu. A̱nia wa A̱gwaza bu na nnang nyin za̱nang A̱za̱za̱rak Ntswa nggu ji.

Yakubu 5:16

Mat a̱nia, nyi ni̱ nshei á̱ghyang nyin a̱ka̱tuk nyia̱ nyin wu. Nyi naai A̱gwaza da̱nian á̱ghyang nyin, á̱ ka choot nyin. Ka̱ a̱tsotswat a̱yin naai A̱gwaza ma̱ng fwuo nyiung, naai hu ni̱ byia̱ chet. A̱wot ku bai ma̱ng a̱gba̱ndang kpangti̱n.