Ma̱rkut 1:4 - A̠lyiat A̠gwaza na di̠n Tyap: A̠li̠ka̠uli A̠fai

⁴ A̱nia wa Yoona a̱tyu nyia̱ ba̱ptisman si̱ bai, a̱ si̱ chong mi̱ ntswa a̱yit a̱ shei A̱lyiat A̱gwaza na. A̱ si̱ nyia̱ á̱niet ba̱ptisman ku tak ba̱ ghwon a̱ka̱tuk ba̱ nwuo khwi A̱gwaza a̱ni, da̱nian A̱gwaza a̱ ka chi a̱ka̱tuk nyia̱ mba wu.

Ma̱rkut 1:4 Iomraidhean Croise

Matyu 3:11

“Nung, n nyia̱ nyin ba̱ptisman ma̱ng a̱sa̱khwot nia, jija tak nang nyi nghwon a̱ka̱tuk nyia̱ nyin wu. A̱wot a̱yin chobai, a̱tyu a̱ swak nung mi̱ chet a̱ni, n maai mi̱ maai n ti̱n á̱kwatak nggu ba bah. Nggu, a̱ na nyia̱ nyin ba̱ptisman ji ma̱ng A̱za̱za̱rak Ntswa wa ma̱ng long.

Matyu 3:6

Nang ba̱ ntyai a̱ka̱tuk nyia̱ mba wu kpa̱sai a̱ni, a̱ si̱ nyia̱ mba ba̱ptisman ji ma̱ a̱ghyui Urdun ka.

Ma̱rkut 1:5

Á̱niet ma̱ a̱di̱di̱t mi̱ fam a̱byin Yahudiya ma̱ng a̱keang Urusha̱lima, ba̱ si̱ chong da̱ a̱vwuo Yoona, á̱ tyai a̱ka̱tuk nyia̱ mba wu, nang gu nyia̱ mba ba̱ptisman ma̱ a̱ghyui Urdun.

Luka 1:77

A na tak ma̱ng á̱niet nggu ba, si̱sak ba̱ na nshya̱ san di̱n vak chi a̱ka̱tuk nyia̱ mba wu a̱ni.

Yoona 3:23

Yoona mameang, nang gu ni̱ nyia̱ ba̱ptisman ji mi̱ nnang Ainon kpa̱mkpaan ma̱ng a̱keang Sa̱lima; mat a̱sa̱khwot na ku shi a̱ja ba̱t. Á̱niet si̱ ya a̱son á̱ chong da̱ a̱vwuo nggu nang gu nyia̱ mba ba̱ptisman ji.

Nta̱m A̱yaata̱m 10:37

“Nyi bu lyen kyang hu ku bai ma̱ a̱mgba̱m fam a̱byin Yahudiya hu a̱ni; á̱ ku tsa neet mi̱ fam a̱byin Ga̱lili, nang Yoona ku ntsa shei a̱lyiat ba̱ptisman nggu na a̱ni.

Nta̱m A̱yaata̱m 22:16

“ ‘A̱wot ma̱ninika, yihwa nang a fwuong? Doot, á̱ nyia̱ ang ba̱ptisman. A yei a̱lyoot A̱tyoli Yesu, gu kwi a̱ka̱tuk nyia̱ ang wu.’