Ma̱rkut 1:21 - A̠lyiat A̠gwaza na di̠n Tyap: A̠li̠ka̠uli A̠fai

²¹ Nang a̱tuk Mam Fwung A̱yahudawa nkaat a̱ bai a̱ni, Yesu ma̱ng á̱niet ba̱ khwi nggu a̱ni si̱ nwuo a̱keang Ka̱fanahum. A̱ si̱ nwuo tutu a̱tung A̱yahudawa hu, a̱ si̱ ta̱bat tyiet á̱niet ba.

Ma̱rkut 1:21 Iomraidhean Croise

Matyu 4:13

Yesu ku ya nnat a̱keang Na̱za̱ra̱t. Nang gu nghwon Na̱za̱ra̱t hu a̱ni, a̱ si̱ bwuok ma̱ng swat hu a̱ nat ndyo ma̱ a̱keang Ka̱fanahum, ka̱ hyia̱k gak a̱gba̱ndang jok Ga̱lili wu a̱ni, mi̱ nfam bibyin nkwaí Za̱bulun ma̱ng Na̱fi̱ta̱li.

Matyu 4:23

Yesu si̱ nwuai a̱ kat a̱mgba̱m fam a̱byin Ga̱lili hu. A̱ si̱ tyiet ma̱ á̱tutu a̱tung A̱yahudawa, a̱ bu shei á̱niet ba A̱sham Nkhang Tyok A̱gwaza ka. A̱ si̱ tsa a̱ nchoot á̱niet ba̱ nyia̱ ma̱ng kuzang tangka̱i nzwan a̱ni.

Ma̱rkut 1:20

Mi̱ di̱ yong a̱hwa, Yesu si̱ yorong mba ba̱ bai. Ba̱ si̱ kin ghwon a̱tyia̱ mba wu Za̱ba̱di ma̱ng á̱khwo mba nang ba̱ kyiak mba ta̱m hu a̱ni, ba̱ si̱ khwi guu.

Ma̱rkut 1:29

Mi̱ di̱ ghwut mba hu mi̱ tutu a̱tung A̱yahudawa hu, ba̱ si̱ nat a̱mali Siman ma̱ng Anda̱rawut, nang Yakubu ma̱ng Yoona shya̱ ndung ma̱ng a̱mba.

Ma̱rkut 1:33

Á̱niet ma̱ a̱di̱di̱t a̱di̱t ma̱ a̱keang ka si̱ tung a̱zanunwuai a̱li ka.

Ma̱rkut 1:39

Yesu si̱ chong a̱ kai a̱byin Ga̱lili, a̱ si̱ shei A̱sham nkhang A̱gwaza ka ma̱ á̱tutu a̱tung A̱yahudawa ba. A̱ si̱ khai á̱ka̱tuk ntswá ba̱ ghwut ma̱ á̱niet ma̱ a̱di̱di̱t.

Ma̱rkut 10:1

Yesu si̱ ghwon Ka̱fanahum, a̱ si̱ nat mi̱ fam a̱byin Yahudiya. A̱ si̱ byia̱k a̱ nat a̱ma̱nyi fam a̱tyin a̱ghyui Urdun. Á̱kpa á̱niet ma̱ a̱di̱di̱t di̱ susot si̱ bu tung da̱ a̱vwuo nggu. A̱ si̱ nwuo tyiet baa, ma̱nang gu mmeang a̱ni.

Ma̱rkut 2:1

Á̱ si̱ bwuo mam ma̱ chunchwiit, Yesu si̱ bu bwuok a̱ nat a̱keang Ka̱fanahum. Á̱niet ba si̱ fa̱k nkhang nang gu mbwuok a̱ bai da̱ a̱vwuo khwat nggu ka a̱ni.

Ma̱rkut 3:1

Mi̱ jen jhyang, Yesu si̱ bu nwuo mi̱ tutu a̱tung A̱yahudawa hu. A̱ja wa gu si̱ nshya̱ a̱tyu nang bwak hu khwu a̱ni.

Ma̱rkut 6:2

A̱wot nang a̱tuk Mam Fwung A̱yahudawa ka nkaat a̱ bai a̱ni, a̱ si̱ nwuo tyiet mami tutu a̱tung A̱yahudawa hu. Á̱niet ma̱ a̱di̱di̱t ku shya̱ a̱ja. A̱wot nang ba̱ mmyiai a̱fufwuo á̱ fwuong gu a̱ni, ku si̱ yet mba kyang a̱ga̱de. Ba̱ si̱ lyip, nyia̱, “A̱ji wa gu mmyiam nkyang nani? Á̱ nang gu mumwang huni neet a̱ji wa? A̱ nyia̱ ni a̱ nyia̱ a̱cha̱chet nkyang a̱ri̱bi̱di nani?

Luka 10:15

“A̱wot nyin á̱niet Ka̱fanahum, nyi fa á̱ na nwuak nyin shi Ma A̱gwaza tswazwa kya kee? Kaai, ku ma̱ chunchwiit! Da̱ a̱kwonu a̱kya, á̱ na chyok ma̱ng a̱nyin á̱ nat ndyo da̱ a̱vwuo nkwom.”

Luka 13:10

A̱tuk Mam Fwung A̱yahudawa á̱ghyang, nang Yesu nshya̱ di̱ tyiet mi̱ tutu a̱tung mba hu a̱ni;

Luka 4:16

Nang Yesu mbwuok a̱ bai Na̱za̱ra̱t, a̱keang nang gu nshi a̱ni, a̱ si̱ nat mi̱ tutu a̱tung A̱yahudawa hu ma̱nang gu mmeang mi̱ chong hu a̱tuk Mam Fwung A̱yahudawa ka a̱ni. A̱ si̱ doot a̱ yong a̱ ka fang A̱lyiat A̱gwaza na.

Luka 4:23

A̱wot Yesu si̱ nyia̱ ma̱ng a̱mba, “A̱tsak a̱lyiat, nyi na hyia̱ ma̱ng a̱nung kidee nyia̱, ‘A̱tyu kan, choot a̱pyia̱ ang!’ Á̱ fa, ‘Nyia̱ nkyang a̱ri̱bi̱di a̱ji ma̱ a̱keang ang ka, nang zi̱ ku nfa̱k a nyia̱ mi̱ Ka̱fanahum a̱ni.’

Nta̱m A̱yaata̱m 17:2

Ma̱nang Bulut mmeang a̱ni, a̱ si̱si̱ nwuo mi̱ tutu a̱tung A̱yahudawa hu. A̱ si̱ bwuo a̱tuk Mam Fwung a̱tat nang gu zop A̱lyiat A̱gwaza na dundung ma̱ng a̱mba.

Nta̱m A̱yaata̱m 18:4

Kuzang a̱tuk Mam Fwung, Bulut ni̱ nat mi̱ tutu a̱tung A̱yahudawa hu. A̱ ni̱ si̱ kwan a̱ tyia̱ A̱yahudawa ma̱ng A̱helenawa ba ba̱ nwuak a̱chuchuk di̱ kyang nang gu lyiat a̱ni.