Ma̱rkut 1:2 - A̠lyiat A̠gwaza na di̠n Tyap: A̠li̠ka̠uli A̠fai

² Ma̱nang Ishaya a̱ta̱m a̱kwonu A̱gwaza wu ku ndyuut gbangbang a̱ni nyia̱, “A̱gwaza nyia̱, ‘Di, n na ta̱m ma̱ng a̱ta̱m nung a̱ khwat a̱son ang! Nggu wa na jhyi ang vak hu.

Ma̱rkut 1:2 Iomraidhean Croise

Matyu 11:10

Yoona wa nang á̱ lyuut tazwa nggu ma̱ A̱lyiat A̱gwaza na nyia̱, ‘Di, n ta̱m ma̱ng a̱ta̱m nung wu, gu khwat a̱son ang. A̱wot a̱ na jhyi ang vak hu, a ba̱ nkai.’

Matyu 2:5

Ba̱ si̱ nyia̱ ma̱ng a̱nggu, “Á̱ na byin gu ma̱ a̱keang Ba̱italami kya, mi̱ fam a̱byin Yahudiya. Kyang hu nang a̱ta̱m a̱kwonu A̱gwaza wu ku lyuut a̱ni, huhwa hu:

Matyu 26:24

Ku yet ta hwa, Nggwon A̱tyubishyi ka̱ nkat ma̱nang á̱ ndyuut tazwa nka a̱ni. A̱mgba̱m ma̱ng a̱nia, ku swan a̱tyu a̱wa a̱ yet jat ji nang á̱ na mbwuk ma̱ng Nggwon A̱tyubishyi ka a̱ni za̱m! Ka̱ á̱ wa byin a̱tyu a̱wa bah, si̱ ku lan!”

Matyu 26:31

Nang ba̱ shya̱ di̱n vak á̱ naat di̱n Tsok Za̱itun ji a̱ni, Yesu si̱ nyia̱ ma̱ng a̱mba, “A̱tyetuk a̱fwun kani, a̱mgba̱m nyin, nyi na tyong nyi ghwon nung. Ma̱nang á̱ ndyuut mami A̱lyiat A̱gwaza na a̱ni nyia̱, ‘N na hyat a̱tyu chok zón seap wu. A̱wot a̱sorong zón seap ka na seang.’

Luka 1:70

ma̱nang A̱gwaza ku ntyia̱ á̱za̱za̱rak a̱yaata̱m a̱kwonu nggu ba si̱ nshei a̱li̱ka̱uli nggu wu gbangbang a̱ni.

Luka 1:76

A̱wot nwan nggwon nung, á̱ na ngyei ang a̱ta̱m a̱kwonu A̱gwaza Tswazwa, a̱ Swak ma̱ng A̱kyenkyai Shi a̱ni. Mat a na yet a̱son bai ghwon A̱tyoli wu, a ka jhyi nggu vak hu.

Luka 18:31

Yesu si̱ kan gyorong mman ta̱m swak ma̱ a̱feang nggu na da̱ gbang a̱nyiung. A̱ si̱ nyia̱, “Nyi fa̱k! Zi̱ naat Urusha̱lima. Ki̱ zi̱ si̱si̱ tat a̱ja, kuzang kyang nang a̱yaata̱m a̱kwonu A̱gwaza ba gbangbang ku lyuut tazwa Nggwon A̱tyubishyi a̱ni; ku na bai da̱ a̱nu ka cha̱chaat.