Ma̱rkut 1:13 - A̠lyiat A̠gwaza na di̠n Tyap: A̠li̠ka̠uli A̠fai

¹³ A̱ si̱ swan a̱yit ka a̱ nyia̱ mam swak naai, nang A̱ta̱nyeang ka mai nggu; nang nggu shya̱ dundung ma̱ng nyam a̱yit. A̱wot a̱yaata̱m tswá A̱gwaza ba si̱ shya̱ dundung ma̱ng a̱nggu á̱ beang guu.

Ma̱rkut 1:13 Iomraidhean Croise

Ibriniyawa 4:15

Mat zi̱ byia̱ A̱gba̱ndang Pris, a̱ fi̱k lat nzi̱t hu a̱ni za̱m. Mat á̱ ku mak gu ma̱nang á̱ mmai nzi̱t a̱ni. A̱mgba̱m ma̱ng a̱nia, á̱ si̱ shya̱ nggu ma̱ng a̱ka̱tuk nyia̱ bah.

Matyu 26:53

Ku myim nyi lyen nang n mbyia̱ a̱wat n dyip A̱tyia̱ nung wu, a̱wot gu kin nta̱m ma̱ng a̱nung á̱niet nzwang a̱yaata̱m tswá ba̱ yet chyikwop ma̱ a̱di̱di̱t a̱di̱t a̱ni, ba̱ ka chok zi̱t za̱m.

1 Timoti 3:16

Kyang ku nshya̱ di̱ niat di̱ tyiet nwuak a̱chuchuk nzi̱t hu a̱ni, shi za̱m. Huhwa yet: Yesu ku chyok a̱ bai mi̱ vam A̱tyubishyi. A̱za̱za̱rak Ntswa ku tak nang nggu ngyet a̱tsatsak wa. A̱wot á̱za̱za̱rak a̱yaata̱m tswá A̱gwaza si̱ li ngguu. Á̱ ku shei A̱sham Nkhang nggu ka, á̱ kai a̱mgba̱m nnwap mi̱ bibyin swanta hu. A̱mgba̱m á̱niet mi̱ swanta ba si̱ nwuak a̱chuchuk da̱ nggu. A̱wot á̱ si̱ kyiak gu á̱ nat ndyo Ma A̱gwaza tswazwa mami a̱kyenkyai shi nggu wu.

Matyu 4:1

A̱wot A̱za̱za̱rak Ntswa wu si̱ nat ma̱ng Yesu mi̱ tswa a̱yit da̱nian A̱ta̱nyeang ka, ka̱ ka mak gu a̱ja.

Luka 4:1

A̱wot Yesu si̱ bwuok a̱ neet a̱ma̱nyi a̱ghyui Urdun, nang chet A̱za̱za̱rak Ntswa wu shya̱ da̱ nggu. A̱za̱za̱rak Ntswa wu si̱ nat ma̱ng a̱nggu mi̱ tswa a̱yit.