Ma̱rkut 1:1 - A̠lyiat A̠gwaza na di̠n Tyap: A̠li̠ka̠uli A̠fai

¹ A̱tyin A̱sham Nkhang kikya ka, tazwa Yesu Kristi [[Nggwon A̱gwaza.]]

Ma̱rkut 1:1 Iomraidhean Croise

Matyu 14:33

A̱wot mman nta̱m na si̱ kyuak Yesu ntong. Ba̱ si̱ nyia̱, “A̱tsak a̱lyiat, a yet Nggwon A̱gwaza kya za̱m!”

Matyu 17:5

Neet nang Bitut ni̱ shya̱ da̱ a̱lyiat na, a̱kyenkyai á̱ni̱nian a̱ghyang si̱ kin neet ma̱ vwuu, a̱ ba̱ kup baa! A̱wot a̱nwuat si̱ kin ghwut a̱ neet ma̱ á̱ni̱nian ba nyia̱, “Nggwon nung kya ka nang nfa̱k da̱ nka ba̱t a̱ni! Kikya nyi na myiai a̱fufwuo, nyi fwuong!”

Matyu 3:17

A̱nwuat si̱ kin ghwut a̱ neet Ma A̱gwaza tswazwa ka nyia̱, “Nggwon nung kya ka nang n chat a̱ni. N fwuong nyinyang ka ba̱t!”

Matyu 4:3

Di̱n jen a̱ja, A̱ta̱nyeang ka si̱ bai da̱ a̱vwuo Yesu, ka̱ si̱ nyia̱, “Ka̱nang a yet Nggwon A̱gwaza kya chi̱k, tyia̱ nfang nani na̱ bwuak á̱ tyia̱ burodi, a yaa.”

Luka 1:35

A̱ta̱m tswa wu si̱ nwuak gu shim nyia̱, “A̱za̱za̱rak Ntswa wa na chyok da̱ nwan. A̱wot chet A̱gwaza a̱ Swak ma̱ng A̱kyenkyai Shi a̱ni, na kup ang. Mat a̱nia, nggwon ka a na byin a̱ni, ka̱ na yet a̱za̱za̱rak wa. A̱wot á̱ na ngyei nka Nggwon A̱gwaza.

Yoona 1:14

Swang A̱lyiat ji ku tyia̱ a̱tyubishyi. A̱ si̱ swan dundung ma̱ng a̱nzi̱t. Zi̱ si̱ li a̱kyenkyai shi nggu wu. A̱ si̱ byia̱ shok ma̱ng a̱chuchuk gba̱mgbam. A̱kyenkyai shi wuni wa ku tak nang gu ma̱nyin gu neet da̱ a̱vwuo A̱gwaza.

Yoona 1:34

N di a̱nia, n tak nyin kpa̱sai nang nggu wa ngyet Nggwon A̱gwaza ka.”

Yoona 1:49

A̱jawa Nataniyel si̱ nyia̱, “A̱tyu tyiet, nwan wa yet Nggwon A̱gwaza ka! Nwan wa yet A̱gwam Isi̱rela wu!”

Yoona 20:31

A̱mgba̱m ma̱ng a̱nia, á̱ lyuut nkyang nani da̱nian nyi ka nwuak a̱chuchuk nang Yesu wa ngyet Kristi, A̱tyu nang A̱gwaza kup gu tyok a̱ni, ma̱ng Nggwon A̱gwaza; a̱wot mami nwuak fwuo nyin hu da̱ nggu, nyi ka shya̱ swuan mami a̱lyoot gu.

Yoona 3:16

“Mat A̱gwaza ku fa̱k da̱ á̱niet mi̱ swanta ba ba̱t. Huhwa si̱ tyia̱ a̱ si̱ neap Nggwon nang gu byia̱ ma̱nyin ka a̱ni; da̱nian konyan wa nwuak fwuo da̱ nka a̱ni, a̱ na khwu bah, a̱wot a̱ na shya̱ swuan sang sangba̱p ja.

Yoona 6:69

A̱wot ma̱ninika, zi̱ nwuak a̱chuchuk, zi̱ si̱ lyen nang nwan wa ngyet A̱za̱za̱rak A̱tyu a̱ neet da̱ a̱vwuo A̱gwaza a̱ni!”

Nta̱m A̱yaata̱m 1:22

“Ku bu yet ta hwa, a̱tyu wuni a̱ shya̱ dundung ma̱ng Yesu neet di̱n jen nang Yoona ku nnyia̱ Yesu ba̱ptisman ji, si̱ nat jen nang á̱ ku nkyiak Yesu da̱ a̱vwuo nzi̱t, á̱ nat ndyo Ma A̱gwaza tswazwa ka a̱ni. Kuzang a̱yin nang á̱ na khai ma̱ á̱niet bani, a̱ na mun a̱pyia̱ dundung ma̱ng a̱nzi̱t, a̱ tak ma̱ng á̱ghyang á̱niet nang gu ndi Yesu ma̱ng á̱ghyi di̱n jen nang Yesu ndoot ma̱ á̱niet ba̱ ka̱n kwi a̱ni.”

Nta̱m A̱yaata̱m 13:24

Neet nang Yesu ka̱n bai bah, Yoona a̱tyu nyia̱ ba̱ptisman ku shei a̱lyiat A̱gwaza na. A̱ si̱ nyia̱ a̱mgba̱m á̱niet Isi̱rela ba, ba̱ ghwon a̱ka̱tuk nyia̱ mba wu, ba̱ bwuok ba̱ khwi A̱gwaza, a̱ sii nyia̱ mba ba̱ptisman.

A̱romawa 8:3

Doka Musa ji ku byia̱ chet nang ji̱ na nsan nzi̱t a̱ni bah, mat lat za̱kwa a̱ka̱tuk nyia̱ nzi̱t ji. Mat a̱nia, A̱gwaza si̱ nyia̱ ta̱m nang doka ji si̱ mi̱n nyia̱ a̱ni bah. A̱ si̱ ta̱m ma̱ng Nggwon nggu ka ka̱ byia̱ tangka̱i vam nang nzi̱t á̱niet a̱ka̱tuk nyia̱ ba byia̱ a̱ni. A̱wot mi̱ vam a̱hwa hwa, nang A̱gwaza ntak kpa̱sai nang tyok a̱ka̱tuk nyia̱ ntyak. A̱gwaza nyia̱ a̱nia, di̱ si̱sak nang gu nnwuak Nggwon nggu ka, ka̱ yet za̱nang da̱nian a̱ka̱tuk nyia̱ nzi̱t wu a̱ni.

A̱romawa 8:32

Mat nang A̱gwaza nnwai vwuong ma̱ng Nggwon nggu ka nang gu byia̱ ma̱nyin ka a̱ni, a̱wot a̱ si̱ neap ka nang za̱nang a̱ni da̱nian zi̱t a̱mgba̱m; a̱tsak a̱lyiat, ku fa za̱m, A̱gwaza na nang zi̱t kuzang kyang meang!