Luka 8:3 - A̠lyiat A̠gwaza na di̠n Tyap: A̠li̠ka̠uli A̠fai

³ Yowana, a̱byii̱k Kuza, ku mun a̱ nshya̱. A̱tyok nggu wu wa ku yet byia̱k a̱gwam Hiridut ji; mbeang Suzana ma̱ng á̱nyiuk á̱ghyang ma̱ a̱di̱di̱t; ba̱ ku nwuak kurum nang ba̱ byia̱ a̱ni ba̱ si̱ mbeang Yesu ma̱ng mman ta̱m nggu na.

Luka 8:3 Iomraidhean Croise

Matyu 14:1

Jen nang Hiridut Antibat a̱ yet a̱gwam fam a̱byin Ga̱lili ku nfa̱k nkhang tazwa Yesu a̱ni,

Matyu 14:3

Mat a̱gwam Hiridut wa ku mi̱ ntyia̱ á̱ si̱ ta̱bat Yoona á̱ si̱ tyia̱ nggu mi̱ jaru ji, da̱nian gu ka tyia̱ a̱byii̱k nggu wu Hiridiyat, a̱ fa̱k nyinyang gu. (Hiridiya ku yet a̱byii̱k Filibut a̱na̱nyiuk a̱gwam Hiridut Antibat wa, a̱wot nang nggu Filibut ni̱ shya̱ a̱chet).

Matyu 14:6

A̱wot nang mam tak a̱gwai mbyin a̱gwam Hiridut hu nkaat a̱ bai a̱ni, nggwon a̱nap Hiridiyat ka si̱ song song sang nsum a̱zaghyi á̱nietchen ba. A̱wot a̱gwam Hiridut si̱ fa̱k nyinyang za̱m.

Matyu 2:11

Ba̱ si̱ nwuo mami a̱li ka, ba̱ si̱ li nggwon ka ma̱ng a̱yang nka wu Ma̱ryamu. Ba̱ si̱ ta̱bwak a̱byin ba̱ si̱ kyuak nka ntong. Ba̱ si̱ khwuk a̱ka̱sham gumaat mba na, ba̱ si̱ ti̱n za̱nang mba ji. Ba̱ si̱ neap nka zi̱nariya, turare, ma̱ng a̱myia̱ nang á̱ ngyei mur a̱ni.

Matyu 20:8

“Nang jenshyung nnyia̱ a̱ni, a̱tyu a̱byin wu si̱ yorong a̱kwak a̱son á̱niet nta̱m wu, a̱ si̱ nyia̱, ‘Yei á̱niet nta̱m ba, ba̱ bai a teang ba kurum nta̱m mba hu; kyiak da̱ á̱niet ngaan ba si̱ nat da̱ á̱niet ba̱ yet a̱son ka a̱ni.’

Matyu 25:40

“A̱wot nung A̱gwam wu, n na nwuak mba shim nyia̱, ‘N tak nyin a̱tsak a̱lyiat, jen nang nyi ku mbeang a̱tyu a̱ swak ma̱ng yet a̱da̱dei hu ma̱ á̱na̱nyiuk nung mba a̱ni, nung gwa nyi ku beang.’

Matyu 26:11

Kuzang jen, nyi ni̱ shya̱ ndung ma̱ng á̱kunak na, nyi beang baa. A̱wot nung, n na nshya̱ ma̱ng a̱nyin kuzang jen bah.

Matyu 27:55

Á̱nyiuk ma̱ a̱di̱di̱t ba̱ ku khwi Yesu neet mi̱ fam a̱byin Ga̱lili á̱ nyia̱ gu ta̱m a̱ni, ku shya̱ a̱ja, á̱ yong gbang á nwuan.

Luka 24:10

Á̱nyiuk a̱bya, bibya yet; Ma̱ryamu Ma̱ga̱daliya, Yowana, ma̱ng Ma̱ryamu a̱yang Yakubu wu, mbeang á̱kum á̱nyiuk á̱ghyang. Bibya ku yong mi̱ di̱ shei mman ta̱m na nkhang nani.

Yoona 12:6

Yahuda ku hyia̱ a̱lyiat nani mat nang gu nchat á̱kunak ni̱nia a̱ni bah; a̱wot mat nang gu ngyet a̱tang wa a̱ni. Nggu wa ku yet a̱tyu ba̱ng gumaat kurum ji. A̱ ku nyiin a̱ tsa a̱ bu mbwoi pinchee mami.

Nta̱m A̱yaata̱m 13:1

Mami á̱niet khwi Yesu ba ba̱ ku shya̱ Antakiya mi̱ fam a̱byin Suriya a̱ni, á̱ ku mbyia̱ a̱yaata̱m a̱kwonu A̱gwaza ma̱ng á̱niet tyiet. Bibya ku yet: Ba̱nabat, Simiyon nang á̱ bu ngyei “Nija” a̱ni, (a̱lyoot kani fa, “A̱ shya̱ a̱shyi”), Lukiyat (a̱tyu Si̱ri̱n), Manayen, (a̱ ku yet che nyiung ma̱ng a̱gwam Hiridut Antibat a̱ni), mbeang Sha̱wulu.

2 A̱korontiyawa 8:9

Nyi lyen nang A̱tyoli Yesu Kristi nzi̱t wu mbyia̱ shok gba̱mgbam, a̱ ni̱ nwuat mi̱ fwuo nyiung. Ku nang gu ngyet a̱tyu nzwa a̱ni, a̱mgba̱m ma̱ng a̱nia, a̱ si̱ ghwon zwá nggu ji da̱nian nyin, mami kunak nggu hu. A̱ si̱ tyia̱ nyin nyi ka yet á̱niet nzwá.

A̱filibiyawa 4:22

A̱wot a̱mgba̱m á̱kum á̱niet khwi A̱gwaza ba̱ shya̱ a̱ji a̱ni meang, ba̱ mun á̱ byat nyin. Á̱niet ba̱ yet á̱khwo a̱mali tyok Kaisar a̱ni, ba̱ byiat nyin a̱ swak.

1 Timoti 5:10

A̱ si̱ bu yet a̱byii̱k nang á̱ dyep di̱ nyia̱ a̱tan nkyang a̱ni. A̱wot a̱ si̱ go mman nggu na shansham, a̱ si̱ saai á̱nietchen a̱mali nggu ka, a̱ si̱ bu nyia̱ á̱niet nta̱m A̱gwaza ba a̱tan nta̱m ma̱ng ghyuai a̱pyia̱. A̱ si̱ beang á̱niet ba̱ swuo a̱bung a̱ni, a̱wot a̱ bu nwuak a̱pyia̱ nggu a̱mgba̱m di̱ nyia̱ kuzang tangka̱i kyang ku yet a̱tan a̱ni.