Luka 8:2 - A̠lyiat A̠gwaza na di̠n Tyap: A̠li̠ka̠uli A̠fai

² ma̱ng á̱nyiuk á̱ghyang nang á̱ ku choot mba zwán, á̱ si̱ kam á̱ka̱tuk ntswá ji̱ si̱ ghwut ma̱ a̱mba a̱ni. Mami mba, a̱byii̱k a̱ghyang ku nshya̱ nang á̱ ngyei Ma̱ryamu Ma̱ga̱daliya a̱ni. Nggu wa nang á̱ ku kam á̱ka̱tuk ntswá a̱natat ba, ba̱ si̱ ghwut ma̱ a̱nggu.

Luka 8:2 Iomraidhean Croise

Ma̱rkut 16:9

[[A̱wot nang Yesu ku ndoot ma̱ng swuan ma̱ a̱tsotson a̱tson a̱tuk Ladi ka ma̱ á̱niet ba̱ ka̱n kwi a̱ni; a̱ sii ya ntyai a̱pyia̱ nggu kpa̱sai da̱ a̱vwuo Ma̱ryamu Ma̱ga̱daliya, a̱byii̱k wu nang gu ku kam á̱ka̱tuk ntswá a̱natat ba̱ si̱ ghwut ma̱ a̱nggu a̱ni.

Yoona 19:25

Á̱niet ba̱ ku yong kpa̱mkpaan ma̱ng a̱team a̱khwu Yesu wu a̱ni, bibya yet; a̱yang byin nggu wu, ma̱ng a̱yang a̱feang nggu, ma̱ng Ma̱ryamu a̱byii̱k Kilobat, ma̱ng Ma̱ryamu Ma̱ga̱daliya.

Nta̱m A̱yaata̱m 1:14

A̱mgba̱m mba, ba̱ ku mun á̱pyia̱ di̱ naai A̱gwaza, mbeang Ma̱ryamu a̱yang byin Yesu wu, ma̱ng á̱nyiuk á̱ghyang, mbeang á̱na̱nyiuk Yesu ba.

Luka 23:55

Nang á̱ nkyiak kwom Yesu hu á̱ naat ndyo mi̱ lyak hu a̱ni, á̱nyiuk á̱ghyang ba̱ ku khwi Yesu neet mi̱ fam a̱byin Ga̱lili a̱ni; ba̱ si̱ nkhwi, ba̱ ka li lyak hu nang á̱ na niat gu a̱ni.

Luka 23:49

A̱wot á̱kpa̱ndang Yesu ba, ma̱ng á̱nyiuk ba̱ khwi nggu neet mi̱ fam a̱byin Ga̱lili a̱ni, si̱ yong ma̱ gbang á̱ nwuan kyang hu á̱ nyia̱ Yesu ndyo a̱ni.

Luka 23:27

Á̱nyiuk ma̱ a̱di̱di̱t mami a̱gba̱ndang á̱kpa á̱niet ka si̱ khwi Yesu á̱ twei.

Luka 8:30

Yesu si̱ lyip gu nyia̱, “Á̱ ngyei ang a̱nyan?” A̱ si̱ nwuak Yesu shim, nyia̱, “Á̱ ngyei nung, ‘A̱di̱di̱t.’ ” Á̱ ku ngyei gu a̱nia, mat a̱ ku byia̱ á̱ka̱tuk ntswá ba̱ si̱ shi á̱kpa ma̱ a̱di̱di̱t mi̱ vam nggu hu.

Ma̱rkut 16:1

Nang a̱tuk Mam Fwung A̱yahudawa ka nswak a̱ni, Ma̱ryamu Ma̱ga̱daliya, ma̱ng Ma̱ryamu a̱yang Yakubu, ma̱ng Sa̱lomi, si̱ nat ba̱ si̱si̱ san turare niat nkwom, da̱nian ba̱ nat ba̱ ka nkwon di̱ kwom Yesu hu.

Matyu 4:24

Nkhang Yesu na si̱ ba̱ng a̱ nat ma̱ gbang, a̱ si̱ tat fam a̱byin Suriya! Á̱ si̱ labeang bah, á̱ si̱ bai ma̱ng a̱nggu a̱mgba̱m á̱niet ba̱ nyia̱ ma̱ng nzwan a̱ni. A̱wot kuzang tangka̱i nzwan ku nyia̱ mba a̱ni, ku ba̱ byia̱ a̱ka̱tuk ntswa, ku á̱niet kwi long chen, ku á̱niet ta̱luk nkap; a̱mgba̱m ba, Yesu si̱ choot baa.