Luka 7:2 - A̠lyiat A̠gwaza na di̠n Tyap: A̠li̠ka̠uli A̠fai

² Di̱n jen a̱ja a̱kwak a̱son á̱niet nzwang A̱romawa a̱ghyang ku nshya̱. A̱ si̱ byia̱ a̱khwo nang gu chat ba̱t a̱ni. A̱khwo wu si̱ nyia̱ ma̱ng zwan, a̱ si̱ shim a̱khwu.

Luka 7:2 Iomraidhean Croise

Matyu 27:54

A̱gba̱ndang a̱kwak a̱son á̱niet nzwang A̱romawa wu ma̱ng á̱kum á̱niet nzwang ba̱ chok Yesu da̱ a̱team a̱khwu wu a̱ni, ba̱ si̱ fa̱k a̱wun nang ba̱ ndi, ba̱ si̱ fa̱k tyi̱ri̱m a̱byin hu ma̱ng a̱mgba̱m nkyang na á̱ nyia̱ a̱ni. Ba̱ si̱ nyia̱, “A̱tsak a̱lyiat, a̱tyu wuni yet Nggwon A̱gwaza kya za̱m!”

Luka 23:47

Jen nang a̱gba̱ndang a̱kwak a̱son á̱niet nzwang A̱romawa wu ndi si̱sak nang Yesu nkhwu a̱ni, a̱ si̱ dyep A̱gwaza, nyia̱, “A̱tsak a̱lyiat, a̱tyu wuni byia̱ a̱bun bah, za̱m!”

Luka 7:1

Nang Yesu ntyak tyiet á̱niet ba a̱mgba̱m nkyang nani a̱ni, a̱ si̱ bwuok a̱ nat a̱keang Ka̱fanahum.

Luka 7:3

Jen nang a̱kwak a̱son á̱niet nzwang a̱wa nfa̱k nkhang Yesu na a̱ni; a̱ si̱ ta̱m a̱cha̱chet A̱yahudawa á̱ghyang nang á̱ nwuat ba shi a̱ni, ba̱ si̱ naai Yesu gu ka bai a̱ choot a̱khwo nggu wu.

Luka 8:42

nyia̱, nggwon a̱nap nang gu byia̱ ma̱nyin ka a̱ni, ka̱ yet a̱lyia̱ swak ma̱ a̱feang, nang ka̱ nyia̱ ma̱ng zwan á̱ chak á̱ kwi. Nang Yesu nnat ndung ma̱ng Yayirut a̱ni, á̱kpa á̱niet ka si̱ tyong Yesu á̱ keang. Ba̱ si̱ feap gu mi̱ kuzang fam.

Nta̱m A̱yaata̱m 10:1

Ma̱ a̱keang Kaisa̱riya, á̱ ku byia̱ a̱kwak a̱son sot á̱niet nzwang A̱romawa, á̱ si̱ ngyei nggu Ka̱rna̱liyut. A̱ ku yet a̱gba̱ndang wa, a̱ ba̱ng sot á̱niet nzwang chyi nang á̱ ngyei “Sot Á̱niet Nzwang Italiya” a̱ni.

Nta̱m A̱yaata̱m 10:7

Nang a̱ta̱m tswa A̱gwaza wu ndyiat a̱ tyak a̱ si̱ nkat a̱ni, Ka̱rna̱liyut si̱ yorong á̱khwo nggu a̱feang, ma̱ng a̱tyu nzwang a̱nyiung ka̱ kwok A̱gwaza ntong a̱ni. Ka̱ bu ku yet a̱tyo nyiung mi̱ á̱niet nzwang ba̱ beang nggu nta̱m na a̱ni.

Nta̱m A̱yaata̱m 22:26

Nang a̱kwak a̱son á̱niet nzwang A̱romawa wu nfa̱k a̱nia a̱ni, a̱ si̱ nat da̱ a̱vwuo a̱gba̱ndang a̱kwak a̱son mba wu. A̱ si̱si̱ lyip gu nyia̱, “Yihwa nang a nyia̱ a̱tyu wuni ndyo? A̱ yet nggwon a̱byin A̱romawa kya!”

Nta̱m A̱yaata̱m 23:17

A̱jawa Bulut si̱ yorong a̱tyo nyiung ma̱ a̱yaakwak a̱son á̱niet nzwang A̱romawa ba. A̱ si̱ nyia̱ ma̱ng a̱nggu, “Kyiak nggwon seam kani, a nat ma̱ a̱nka da̱ a̱vwuo a̱gba̱ndang a̱kwak a̱son á̱niet nzwang wu. Ka̱ byia̱ a̱gba̱ndang a̱lyiat nang ka̱ na tak ma̱ng a̱nggu a̱ni.”

Nta̱m A̱yaata̱m 27:1

Nang jen nnyia̱, nang zi̱ na nnwuo kukwon a̱wak, zi̱ wak nat Italiya a̱ni, á̱ si̱ tyia̱ Bulut ma̱ng á̱khwo á̱ghyang mbwak a̱kwak a̱son á̱niet nzwang chyi A̱romawa, nang á̱ ngyei Juliyot a̱ni. A̱ ku yet a̱tyo nyiung mami a̱yaakwak a̱son sot á̱niet nzwang Kaisar a̱gwam shan ba.

Nta̱m A̱yaata̱m 27:3

Da̱ a̱tsotson tat ka, zi̱ si̱ chyok zi̱ si̱ nwuo a̱keang Sidon. Juliyot si̱ fa̱k shok Bulut ba̱t. A̱ si̱ ghwon Bulut a̱ nat a̱ byiat á̱kpa̱ndang gu ba, da̱nian ba̱ ka beang nggu ma̱ng kyang nang gu chat a̱ni.

Nta̱m A̱yaata̱m 27:43

A̱mgba̱m ma̱ng a̱nia, a̱kwak a̱son á̱niet nzwang wu, si̱ chat a̱ san swuan Bulut ji. Huhwa si̱ mbyia̱, a̱ si̱ vwuong á̱niet nzwang ba hyaai á̱khwo ba. A̱jawa a̱kwak a̱son á̱niet nzwang wu si̱ tyia̱ a̱mgba̱m á̱niet ba̱ lyen a̱wak a̱ni, ba̱ tsa fi̱ri̱p á̱ kwa̱i ma̱ a̱sa̱khwot na. Ba̱ wak á̱ byia̱k á̱ nat mi̱ khwong hu.

A̱kolosiyawa 3:22

Nyin á̱khwo ba, nyi ni̱ nkhwi a̱lyiat a̱yaatyoli nyin ba mi̱ swanta hu, mi̱ kuzang ta̱m nang nyi nyia̱ a̱ni. Nyi ni̱ nkwan nyi nyia̱ ta̱m nang ba̱ na nfa̱k nyinyang nyin kuzang jen a̱ni. A̱wot nyi ni̱ ngyok nyia̱ ta̱m da̱nian nyi chat a̱yaatyoli nyin ba, ba̱ ka li ba̱ chyin nyin wa bah. Da̱ a̱kwonu a̱kya, nyi ni̱ nnyia̱ mba ta̱m ma̱ng fwuo nyiung nang nyi ngyet á̱niet fwuong a̱wun A̱gwaza bya a̱ni.