Luka 4:1 - A̠lyiat A̠gwaza na di̠n Tyap: A̠li̠ka̠uli A̠fai

¹ A̱wot Yesu si̱ bwuok a̱ neet a̱ma̱nyi a̱ghyui Urdun, nang chet A̱za̱za̱rak Ntswa wu shya̱ da̱ nggu. A̱za̱za̱rak Ntswa wu si̱ nat ma̱ng a̱nggu mi̱ tswa a̱yit.

Luka 4:1 Iomraidhean Croise

Matyu 3:16

Nang Yoona ntyak nyia̱ Yesu ba̱ptisman ji a̱ni, mi̱ di̱ ghwut Yesu hu ma̱ a̱sa̱khwot na, Ma A̱gwaza tswazwa ka si̱ kin khwuk, a̱ si̱ li A̱za̱za̱rak Ntswa A̱gwaza wu gu chorop a̱ neet tswazwa nang a̱bwa a̱ni, a̱ ba̱ swan da̱ Yesu.

Luka 2:27

A̱tuk a̱kya, A̱za̱za̱rak Ntswa wu si̱ nat ma̱ng a̱nggu mi̱ didyaat A̱mali Nwuat Za̱nang A̱gwaza ka; nang Isuu ma̱ng Ma̱ryamu nnwuo A̱mali Nwuat Za̱nang ka ba̱ neap Yesu a̱zaghyi A̱gwaza, cha̱chaat ma̱nang á̱ ndyuut ma̱ doka A̱gwaza ji a̱ni.

Luka 3:3

Yoona si̱ chong a̱ kat nfam bibyin na̱ hyia̱k a̱ghyui Urdun ka a̱ni. A̱ si̱ shei a̱lyiat A̱gwaza na nyia̱, á̱niet ba ba̱ ghwon a̱ka̱tuk nyia̱ mba wu, ba̱ nwuo khwi A̱gwaza, a̱wot á̱ nyia̱ mba ba̱ptisman; da̱nian á̱ ka chi a̱ka̱tuk nyia̱ mba wu.

Luka 3:38

Kenan si̱ yet a̱fai A̱nosh. A̱nosh si̱ yet a̱fai Set. Set si̱ yet a̱fai A̱da̱mu. A̱da̱mu si̱ yet a̱tyu nang A̱gwaza nyia̱ a̱ni.

Luka 4:14

A̱wot Yesu si̱ bwuok a̱ nat Ga̱lili mami chet A̱za̱za̱rak Ntswa. Nkhang nggu na si̱ kai kuzang a̱vwuo ma a̱nggang mi̱ fam a̱byin a̱hwa.

Luka 4:18

“Tswa A̱gwaza ji shya̱ da̱ nung; mat A̱gwaza khai nung n shei A̱sham Nkhang ka da̱ a̱vwuo á̱kunak. A̱ si̱ ta̱m nung n shei ma̱ng á̱niet ba̱ shya̱ mi̱ khwo a̱ni, nang á̱ nkai mba á̱ ghwon; n bu nshei á̱niet a̱fi̱fan nang ba̱ na nshya̱ nwuan a̱vwuo; a̱wot n bu nshei á̱niet á̱ ya̱shuk a̱ni, nang á̱ na nkai mba á̱ ghwon;

Yoona 1:32

A̱jawa Yoona si̱ tak kpa̱sai tazwa Yesu, nyia̱, “N ku ndi nang A̱za̱za̱rak Ntswa A̱gwaza chorop a̱ neet Ma A̱gwaza tswazwa a̱ chobai nang a̱bwa a̱ni, a̱ si̱ ba̱ swan da̱ nggu.

Yoona 3:34

Mat a̱tyu nang A̱gwaza ku ta̱m a̱ni, a̱ shei a̱lyiat A̱gwaza nia, mat nang A̱gwaza nnwuak gu A̱za̱za̱rak Ntswa nggu wu ma̱ gba̱mgbam a̱mgbam a̱ni.

Nta̱m A̱yaata̱m 1:2

ba̱ng si̱ nat a̱tuk ka nang á̱ ku nkyiak gu á̱ nat ndyo Ma A̱gwaza tswazwa a̱ni. Mat chet A̱za̱za̱rak Ntswa, Yesu ku mi̱ ngba a̱yaata̱m nggu ba nang gu khai a̱ni, á̱ sii du kyiak gu, á̱ nat ndyo Ma A̱gwaza tswazwa ka.

Nta̱m A̱yaata̱m 10:38

A̱wot nyi bu lyen nang A̱gwaza nkup Yesu a̱tyu Na̱za̱ra̱t tyok, a̱ si̱ bu nang nggu chet A̱za̱za̱rak Ntswa. A̱jawa Yesu si̱ chong a̱ kat a̱ nyia̱ a̱tan nta̱m ma̱ng choot a̱mgba̱m á̱niet nang á̱ka̱tuk ntswá nyia̱ tyok A̱ta̱nyeang da̱ mba a̱ni. Mat A̱gwaza ku shya̱ ndung ma̱ng a̱nggu.

Nta̱m A̱yaata̱m 8:39

Jen ji nang ba̱ nghwut ma̱ a̱sa̱khwot na a̱ni, A̱za̱za̱rak Ntswa A̱gwaza wu si̱ ghwup Filibut a̱ nkat ndyo zan. A̱tyu Ha̱basha wu si̱ bu li nggu bah. A̱wot a̱ si̱ ya a̱son ma̱ng a̱chyet nggu ka, a̱ gwai ba̱t!