Luka 3:3 - A̠lyiat A̠gwaza na di̠n Tyap: A̠li̠ka̠uli A̠fai

³ Yoona si̱ chong a̱ kat nfam bibyin na̱ hyia̱k a̱ghyui Urdun ka a̱ni. A̱ si̱ shei a̱lyiat A̱gwaza na nyia̱, á̱niet ba ba̱ ghwon a̱ka̱tuk nyia̱ mba wu, ba̱ nwuo khwi A̱gwaza, a̱wot á̱ nyia̱ mba ba̱ptisman; da̱nian á̱ ka chi a̱ka̱tuk nyia̱ mba wu.

Luka 3:3 Iomraidhean Croise

Matyu 3:11

“Nung, n nyia̱ nyin ba̱ptisman ma̱ng a̱sa̱khwot nia, jija tak nang nyi nghwon a̱ka̱tuk nyia̱ nyin wu. A̱wot a̱yin chobai, a̱tyu a̱ swak nung mi̱ chet a̱ni, n maai mi̱ maai n ti̱n á̱kwatak nggu ba bah. Nggu, a̱ na nyia̱ nyin ba̱ptisman ji ma̱ng A̱za̱za̱rak Ntswa wa ma̱ng long.

Luka 1:16

A̱wot a̱ na bwuok ma̱ng á̱niet Isi̱rela ma̱ a̱di̱di̱t, a̱ bai ndyo da̱ a̱vwuo A̱gwaza nyin wu, a̱ bu yet A̱tyoli nyin wu a̱ni.

Luka 1:77

A na tak ma̱ng á̱niet nggu ba, si̱sak ba̱ na nshya̱ san di̱n vak chi a̱ka̱tuk nyia̱ mba wu a̱ni.

Luka 4:1

A̱wot Yesu si̱ bwuok a̱ neet a̱ma̱nyi a̱ghyui Urdun, nang chet A̱za̱za̱rak Ntswa wu shya̱ da̱ nggu. A̱za̱za̱rak Ntswa wu si̱ nat ma̱ng a̱nggu mi̱ tswa a̱yit.

Yoona 1:28

Á̱ ku lyiat á̱lyiat nani ma̱ a̱keang Ba̱ta̱ni kya a̱ma̱nyi fam a̱tak a̱ghyui Urdun, da̱ a̱vwuo ka nang Yoona nnyia̱ á̱niet ba ba̱ptisman ji a̱ni.

Yoona 3:26

Huhwa ba̱ si̱ nat, ba̱ si̱si̱ shya̱ Yoona. Ba̱ si̱ nyia̱ ma̱ng a̱nggu a̱ni, “A̱tyu tyiet, a jhyung a̱tyu a̱ ku shya̱ dundung ma̱ng a̱nwan a̱ma̱nyi fam a̱tak a̱ghyui Urdun ka nang a ku lyiat a̱ni a? Di, nggu wa nyia̱ á̱niet ba̱ptisman di̱ yong huni! A̱wot á̱niet ma̱ a̱di̱di̱t chong da̱ a̱vwuo nggu!”

Nta̱m A̱yaata̱m 13:24

Neet nang Yesu ka̱n bai bah, Yoona a̱tyu nyia̱ ba̱ptisman ku shei a̱lyiat A̱gwaza na. A̱ si̱ nyia̱ a̱mgba̱m á̱niet Isi̱rela ba, ba̱ ghwon a̱ka̱tuk nyia̱ mba wu, ba̱ bwuok ba̱ khwi A̱gwaza, a̱ sii nyia̱ mba ba̱ptisman.

Nta̱m A̱yaata̱m 19:4

Bulut si̱ nyia̱ ma̱ng a̱mba, “Ba̱ptisman Yoona ji yet si̱ ghwon a̱ka̱tuk nyia̱ ja. A̱wot Yoona ma̱ a̱pyia̱ nggu ku tak ma̱ng á̱niet ba ba̱ nwuak fwuo di̱ Yesu; nggu wa yet a̱tyu a̱ chobai a̱ni.”

Nta̱m A̱yaata̱m 22:16

“ ‘A̱wot ma̱ninika, yihwa nang a fwuong? Doot, á̱ nyia̱ ang ba̱ptisman. A yei a̱lyoot A̱tyoli Yesu, gu kwi a̱ka̱tuk nyia̱ ang wu.’