Luka 3:2 - A̠lyiat A̠gwaza na di̠n Tyap: A̠li̠ka̠uli A̠fai

² Di̱n jen a̱ja ja nang Hanana ma̱ng Ka̱yafat, bibya yet a̱cha̱chet a̱yaapris ba. A̱gwaza si̱ ta̱m ma̱ng a̱lyiat nggu na da̱ a̱vwuo Yoona, a̱fai Za̱ka̱riya, nang gu swan mi̱ ntswa a̱yit.

Luka 3:2 Iomraidhean Croise

Matyu 11:7

Nang mman ta̱m Yoona na ndoot á̱ nkat a̱ni, Yesu si̱ nwuo lyiat ma̱ng á̱kpa á̱niet ka tazwa nta̱m Yoona na, nyia̱, “Zang tangka̱i a̱yin hwa nang nyi ku nat nwuan hu mi̱ tswa a̱yit ji? A̱ ku yet a̱bobwot a̱ga̱nga̱ng á̱kwop nang wun hyap wa a̱ni kee?

Matyu 26:3

Di̱n jen a̱ja a̱cha̱chet a̱yaapris ma̱ng á̱niet khwop á̱niet si̱ tung mi̱ gaat a̱gba̱ndang pris, a̱tyu nang á̱ ku ngyei Ka̱yafat a̱ni.

Ma̱rkut 1:2

Ma̱nang Ishaya a̱ta̱m a̱kwonu A̱gwaza wu ku ndyuut gbangbang a̱ni nyia̱, “A̱gwaza nyia̱, ‘Di, n na ta̱m ma̱ng a̱ta̱m nung a̱ khwat a̱son ang! Nggu wa na jhyi ang vak hu.

Luka 1:80

A̱wot Yoona a̱ yet nggwon ka a̱ni, si̱ laai. A̱ si̱ tyia̱ chet mi̱ za̱kwa. A̱ si̱ swan mi̱ ntswa a̱yit si̱ nat jen nang gu nnwuo nyia̱ ta̱m nggu hu kpa̱sai mami á̱niet Isi̱rela a̱ni.

Yoona 1:23

Yoona si̱ nwuak ba shim ma̱nang Ishaya a̱ta̱m a̱kwonu A̱gwaza wu ku nhyia̱ a̱ni, nyia̱, “N gyet nwuat kya ka̱ yei mi̱ chet mi̱ ntswa a̱yit a̱ni: ‘Nyi jhyi vak da̱nian A̱tyoli nzi̱t wu, ku nat cha̱chaat gu ba̱ nkai!’ ”

Yoona 18:24

Huhwa Hanana si̱ tyia̱, á̱ si̱ ta̱m ma̱ng Yesu ma̱ng la̱p hu da̱ a̱vwuo Ka̱yafat.

Nta̱m A̱yaata̱m 4:6

Ba̱ si̱si̱ shya̱ Hanana, a̱ ku yet a̱gba̱ndang pris wu a̱ni, dundung ma̱ng Ka̱yafat, Yoona, ma̱ng A̱liza̱nda, mbeang á̱kum á̱niet ka ba̱ neet mi̱ kwai a̱gba̱ndang pris ji a̱ni.