Luka 3:1 - A̠lyiat A̠gwaza na di̠n Tyap: A̠li̠ka̠uli A̠fai

¹ Jen nang Tiba̱riyut Kaisar ku nnyia̱ a̱lyia̱ swak ma̱ a̱fwuon di̱ yet a̱gba̱ndang a̱gwam shan A̱romawa a̱ni; Buntut Bilatut wa si̱ yet gwomna fam a̱byin Yahudiya hu; a̱gwam Hiridut Antibat wa si̱ ma nyia̱ tyok mi̱ fam a̱byin Ga̱lili hu; a̱gwam Filibut a̱ ku yet a̱na̱nyiuk Hiridut a̱ni, a̱ si̱ ma nyia̱ tyok fam bibyin Ituriya ma̱ng Tarakunitit; a̱gwam Lisaniyat wa si̱ ma nyia̱ tyok fam a̱byin A̱biliya hu.

Luka 3:1 Iomraidhean Croise

Matyu 14:1

Jen nang Hiridut Antibat a̱ yet a̱gwam fam a̱byin Ga̱lili ku nfa̱k nkhang tazwa Yesu a̱ni,

Matyu 14:3

Mat a̱gwam Hiridut wa ku mi̱ ntyia̱ á̱ si̱ ta̱bat Yoona á̱ si̱ tyia̱ nggu mi̱ jaru ji, da̱nian gu ka tyia̱ a̱byii̱k nggu wu Hiridiyat, a̱ fa̱k nyinyang gu. (Hiridiya ku yet a̱byii̱k Filibut a̱na̱nyiuk a̱gwam Hiridut Antibat wa, a̱wot nang nggu Filibut ni̱ shya̱ a̱chet).

Matyu 14:6

A̱wot nang mam tak a̱gwai mbyin a̱gwam Hiridut hu nkaat a̱ bai a̱ni, nggwon a̱nap Hiridiyat ka si̱ song song sang nsum a̱zaghyi á̱nietchen ba. A̱wot a̱gwam Hiridut si̱ fa̱k nyinyang za̱m.

Matyu 22:17

Mat a̱nia, di̱ li ang hu, tak ma̱ng a̱nzi̱t, á̱ shim nzi̱t ndyo zi̱ tan Kaisar a̱gwam shan A̱romawa wu kurum ga̱ndu nggu hu a, kee zi̱ yok?”

Matyu 27:2

Ba̱ si̱ la̱p gu, ba̱ si̱ nkat ma̱ng a̱nggu. Ba̱ si̱ tyia̱ nggu mbwak Bilatut, a̱tyu a̱ ku yet gwomna A̱romawa wu a̱ni.

Ma̱rkut 6:17

Mat a̱gwam Hiridut ma̱ a̱pyia̱ nggu ku mi̱ ntyia̱ á̱ si̱ ta̱bat Yoona á̱ tyia̱ mi̱ jaru. A̱ ku nyia̱ a̱nia da̱nian Hiridiyat, nang gu ku bwuo a̱ yet a̱byii̱k nggu wu a̱ni. A̱ ku yet a̱byii̱k a̱na̱nyiuk gu wa nang á̱ ku ngyei Filibut a̱ni.

Ma̱rkut 6:21

Nang mam byin a̱gwam Hiridut hu nkaat a̱ bai a̱ni, Hiridiya si̱ kin shya̱ a̱wat. A̱gwam Hiridut si̱ yorong a̱cha̱chet á̱niet ma̱ng a̱cha̱chet á̱niet nzwang, ma̱ng á̱niet ba̱ ba̱ng tyok fam a̱byin Ga̱lili hu a̱ni; da̱nian gu ka nyia̱ a̱gwai ma̱ng song.

Luka 13:31

Di̱n jen a̱ja, A̱fa̱risawa á̱ghyang si̱ neet á̱ bai da̱ a̱vwuo Yesu. Ba̱ si̱ nyia̱, “A̱tyoli, a̱gwam Hiridut Antibat chat hyat ang! Ka̱ a chat swuan ang ji, a doot a̱nggang a ghwon a̱vwuo kani!”

Luka 2:1

Di̱n jen nang á̱ mbyin Yesu a̱ni, Kaisar A̱ugustut, a̱gba̱ndang a̱gwam shan A̱romawa wu, si̱ nwuak doka; nyia̱ ku yet ta hwa á̱ fang a̱mgba̱m á̱niet ba mi̱ bibyin ku shya̱ mbwak tyok A̱romawa hu a̱ni.

Luka 23:24

Mat a̱nia, gwomna Bilatut si̱ shim, a̱ si̱ faat Yesu shi̱ri̱ya a̱khwu ma̱nang á̱kpa á̱niet ka nchat a̱ni.

Luka 3:19

A̱wot Yoona si̱ mun a̱ gba a̱gwam Hiridut Antibat a̱ka̱tuk nyia̱ nggu wu kpa̱sai (nggu wa ku yet a̱gwam fam a̱byin Ga̱lili wu); mat nang a̱gwam Hiridut mbwuo Hiridiyat, a̱ ku yet a̱byii̱k a̱na̱nyiuk nggu wu a̱ni. Yoona si̱ bu gba nggu di̱ tangka̱i a̱ka̱tuk nyia̱ ma̱ a̱di̱di̱t á̱ghyang nang gu nyia̱ a̱ni.

Luka 9:7

Jen nang Hiridut Antibat, a̱ ku yet a̱gwam fam a̱byin Ga̱lili wu nfa̱k nkhang tazwa kuzang kyang nang Yesu nyia̱ a̱ni; a̱ si̱ tyia̱ ma̱ a̱tai. Mat á̱ghyang á̱niet ku nyia̱ Yoona a̱tyu nyia̱ ba̱ptisman wa doot ma̱ng swuan ma̱ á̱niet ba̱ ka̱n kwi a̱ni.

Nta̱m A̱yaata̱m 23:26

“Wusika jini neet da̱ a̱vwuo Ka̱la̱udiyat Lisiyat, naat da̱ a̱vwuo a̱gba̱ndang A̱gwam Filikut: Shyichet ang ku labeang!

Nta̱m A̱yaata̱m 24:27

Nang a̱lyia̱ a̱feang nswak a̱ni, Borkiyat Festut si̱ shai gwomna Filikut mi̱ tyok hu. A̱wot Filikut si̱ chat A̱yahudawa ba, ba̱ fa̱k shok gu. Mat a̱nia, a̱ si̱ kai Bulut a̱ ghwon mi̱ jaru ji.

Nta̱m A̱yaata̱m 26:30

A̱jawa A̱gwam A̱ga̱riba, mbeang gwomna Festut, Ba̱rniki, ma̱ng a̱mgba̱m á̱kum á̱niet ka si̱ doot, ba̱ si̱ nkat.

Nta̱m A̱yaata̱m 4:27

A̱tsak a̱lyiat wa za̱m; nkyang nani nia bai ma̱ a̱keang kani! Mat a̱gwam Hiridut Antibat ma̱ng gwomna Buntut Bilatut ku mun á̱pyia̱ ma̱ng á̱kum nnwap ka, ma̱ng á̱niet Isi̱rela ba, mat ba̱ lak li Yesu Kristi; a̱ yet A̱za̱za̱rak A̱khwo ang wu, a̱tyu nang nwan wa kup gu tyok a̱ni.