Luka 2:2 - A̠lyiat A̠gwaza na di̠n Tyap: A̠li̠ka̠uli A̠fai

² (Fang huni hwa ku yet si̱ nang á̱ ntsa di̱n jen nang Ki̱ri̱niyat ku nyia̱ tyok tazwa a̱byin Suriya ka a̱ni).

Luka 2:2 Iomraidhean Croise

Matyu 4:24

Nkhang Yesu na si̱ ba̱ng a̱ nat ma̱ gbang, a̱ si̱ tat fam a̱byin Suriya! Á̱ si̱ labeang bah, á̱ si̱ bai ma̱ng a̱nggu a̱mgba̱m á̱niet ba̱ nyia̱ ma̱ng nzwan a̱ni. A̱wot kuzang tangka̱i nzwan ku nyia̱ mba a̱ni, ku ba̱ byia̱ a̱ka̱tuk ntswa, ku á̱niet kwi long chen, ku á̱niet ta̱luk nkap; a̱mgba̱m ba, Yesu si̱ choot baa.

Luka 2:1

Di̱n jen nang á̱ mbyin Yesu a̱ni, Kaisar A̱ugustut, a̱gba̱ndang a̱gwam shan A̱romawa wu, si̱ nwuak doka; nyia̱ ku yet ta hwa á̱ fang a̱mgba̱m á̱niet ba mi̱ bibyin ku shya̱ mbwak tyok A̱romawa hu a̱ni.

Luka 2:3

A̱wot konyan si̱ bwuok a̱ nat a̱keang a̱tyia̱ a̱khwop gu, da̱nian á̱ ka lyuut a̱lyoot nggu ka, á̱ fang gu a̱ja.

Luka 3:1

Jen nang Tiba̱riyut Kaisar ku nnyia̱ a̱lyia̱ swak ma̱ a̱fwuon di̱ yet a̱gba̱ndang a̱gwam shan A̱romawa a̱ni; Buntut Bilatut wa si̱ yet gwomna fam a̱byin Yahudiya hu; a̱gwam Hiridut Antibat wa si̱ ma nyia̱ tyok mi̱ fam a̱byin Ga̱lili hu; a̱gwam Filibut a̱ ku yet a̱na̱nyiuk Hiridut a̱ni, a̱ si̱ ma nyia̱ tyok fam bibyin Ituriya ma̱ng Tarakunitit; a̱gwam Lisaniyat wa si̱ ma nyia̱ tyok fam a̱byin A̱biliya hu.

Nta̱m A̱yaata̱m 13:7

A̱ si̱ bu yet nggwon nta̱m Sajiyat Bulut, a̱ ku yet gwomna a̱byin a̱ka̱wa̱tyia̱ a̱sa̱khwot wu a̱ni. Gwomna Sajiyat Bulut ku byia̱ mumwang ba̱t, a̱ si̱ ta̱m á̱ yorong Ba̱nabat ma̱ng Sha̱wulu ba̱ bai ba̱ tak gu á̱lyiat A̱gwaza na, gu ka fa̱k na shansham.

Nta̱m A̱yaata̱m 18:12

A̱wot jen nang Ga̱liyo nkyiak tyok gwomna a̱byin A̱ka̱ya hu a̱ni, A̱yahudawa á̱ghyang si̱ kin nwuo lak li Bulut. Ba̱ si̱ nat ma̱ng a̱nggu a̱zaghyi gwomna, da̱nian a̱ ka nyia̱ nggu shi̱ri̱ya.

Nta̱m A̱yaata̱m 23:26

“Wusika jini neet da̱ a̱vwuo Ka̱la̱udiyat Lisiyat, naat da̱ a̱vwuo a̱gba̱ndang A̱gwam Filikut: Shyichet ang ku labeang!

Nta̱m A̱yaata̱m 26:30

A̱jawa A̱gwam A̱ga̱riba, mbeang gwomna Festut, Ba̱rniki, ma̱ng a̱mgba̱m á̱kum á̱niet ka si̱ doot, ba̱ si̱ nkat.

Nta̱m A̱yaata̱m 5:37

Ma a̱nia wa, nang a̱tyu a̱wa nswak a̱ni, di̱n jen fang á̱niet, a̱ghyang a̱niet ku nshya̱ á̱ si̱ ngyei nggu Yahuda a̱tyu Ga̱lili. A̱ ku tung sot á̱niet, ba̱ si̱ khwi ngguu. A̱wot nggu meang, á̱ si̱ hyat gu. Á̱niet khwi nggu ba si̱ seang.