Luka 2:1 - A̠lyiat A̠gwaza na di̠n Tyap: A̠li̠ka̠uli A̠fai

¹ Di̱n jen nang á̱ mbyin Yesu a̱ni, Kaisar A̱ugustut, a̱gba̱ndang a̱gwam shan A̱romawa wu, si̱ nwuak doka; nyia̱ ku yet ta hwa á̱ fang a̱mgba̱m á̱niet ba mi̱ bibyin ku shya̱ mbwak tyok A̱romawa hu a̱ni.

Luka 2:1 Iomraidhean Croise

Matyu 22:17

Mat a̱nia, di̱ li ang hu, tak ma̱ng a̱nzi̱t, á̱ shim nzi̱t ndyo zi̱ tan Kaisar a̱gwam shan A̱romawa wu kurum ga̱ndu nggu hu a, kee zi̱ yok?”

Matyu 24:14

A̱wot á̱ na shei A̱sham Nkhang Tyok tswazwa kani mi̱ swanta hu, mat a̱mgba̱m nnwap mi̱ bibyin swanta hu na̱ fa̱k, a̱wot ngaan jen wu a̱ sii bai.

Ma̱rkut 14:9

“A̱tsak a̱lyiat, kuzang a̱vwuo mi̱ swanta hu nang á̱ na nshei A̱sham Nkhang kani a̱ni; á̱ na jhyung a̱byii̱k wuni, á̱ bu mbwoi nkhang tazwa a̱tan ta̱m nang gu nyia̱ nung ndyo a̱ni.”

Ma̱rkut 16:15

A̱jawa gu si̱ nyia̱ ma̱ng a̱mba, “Nyi nat mi̱ swanta hu a̱mgba̱m. Nyi shei konyan A̱sham Nkhang ka.

Luka 2:3

A̱wot konyan si̱ bwuok a̱ nat a̱keang a̱tyia̱ a̱khwop gu, da̱nian á̱ ka lyuut a̱lyoot nggu ka, á̱ fang gu a̱ja.

Luka 2:5

Isuu ku nat ndung ma̱ng Ma̱ryamu, a̱sak nggu wu nang á̱ nda̱p ba nyeang hu a̱ni, nang gu shya̱ ma̱ng a̱fa.

Luka 3:1

Jen nang Tiba̱riyut Kaisar ku nnyia̱ a̱lyia̱ swak ma̱ a̱fwuon di̱ yet a̱gba̱ndang a̱gwam shan A̱romawa a̱ni; Buntut Bilatut wa si̱ yet gwomna fam a̱byin Yahudiya hu; a̱gwam Hiridut Antibat wa si̱ ma nyia̱ tyok mi̱ fam a̱byin Ga̱lili hu; a̱gwam Filibut a̱ ku yet a̱na̱nyiuk Hiridut a̱ni, a̱ si̱ ma nyia̱ tyok fam bibyin Ituriya ma̱ng Tarakunitit; a̱gwam Lisaniyat wa si̱ ma nyia̱ tyok fam a̱byin A̱biliya hu.

Nta̱m A̱yaata̱m 11:28

A̱tyo nyiung ma̱ mba, á̱ ku ngyei nggu A̱gabut, a̱ si̱ doot a̱ yong nang ba̱ shya̱ ma̱ a̱tung. A̱wot a̱ si̱ tak á̱zanson mat A̱za̱za̱rak Ntswa wu, nang á̱ na nnyia̱ a̱gba̱ndang zong mi̱ swanta nang A̱romawa ba nnyia̱ tyok a̱ni. (Zong jini ku kwa nang a̱gwam shan Ka̱la̱udiyat wa nyia̱ tyok hu.)

Nta̱m A̱yaata̱m 25:11

Ki̱ n wa nyia̱ kyang ku maai á̱ hyat nung a̱ni, si̱ n na ndak á̱ hyat nung bah. A̱wot ki̱ n byia̱ a̱bun bah, á̱ mbyia̱ a̱tyu a̱ maai a̱ tyia̱ nung mbwak á̱niet bani ba̱ hyat nung a̱ni bah. N chat n naai a̱gwam shan Kaisar, a̱ bu zop a̱lyiat nung na!”

Nta̱m A̱yaata̱m 25:21

A̱wot Bulut si̱ chat a̱ nat ma̱ng shi̱ri̱ya gu ji a̱zaghyi Kaisar a̱gwam shan. Huhwa si̱ mbyia̱ n si̱ ntyia̱ á̱ chok gu, ba̱ng si̱ nat jen ji nang n na nta̱m ma̱ng a̱nggu da̱ a̱vwuo a̱gwam shan Kaisar ka a̱ni.”

A̱romawa 1:8

Di̱ ntsa hu, n gwai ma̱ng A̱gwaza nung wu mami a̱lyoot Yesu Kristi da̱nian nyin a̱mgba̱m. Mat á̱niet khwi ma̱ a̱di̱di̱t mi̱ swanta hu bwoi nkhang di̱ si̱sak ji nang nyi nnwuak fwuo di̱ Yesu Kristi a̱ni.

A̱filibiyawa 4:22

A̱wot a̱mgba̱m á̱kum á̱niet khwi A̱gwaza ba̱ shya̱ a̱ji a̱ni meang, ba̱ mun á̱ byat nyin. Á̱niet ba̱ yet á̱khwo a̱mali tyok Kaisar a̱ni, ba̱ byiat nyin a̱ swak.