Luka 10:3 - A̠lyiat A̠gwaza na di̠n Tyap: A̠li̠ka̠uli A̠fai

³ Ma̱ninika nyi nat, a̱wot nyi yok bwung bah. N ta̱m nyin nang zón seap a̱ni mami a̱ka̱bwu a̱yit!

Luka 10:3 Iomraidhean Croise

Matyu 10:16

“Nyi fa̱k, n ta̱m nyin nang zón seap a̱ni da̱ a̱vwuo a̱ka̱bwu a̱yit. Mat a̱nia, si̱ nyi swan cham nang zwák a̱ni. A̱wot nyi sang a̱ka̱kpa̱t nang a̱yaabwa a̱ni.

Matyu 10:22

Konyan na lak li nyin mat nang nyi ngyet á̱niet khwi nung a̱ni. A̱wot konyan wa gbang a̱lyia̱, a̱ si̱ yong mi̱ chet di̱n jen ya̱shuk si̱ nat sangba̱p swuan nggu ji a̱ni, nggu wa na shya̱ san hu.

Matyu 7:15

“Nyi ta̱bam ma̱ng a̱yaata̱m ba̱ kyiak pyipyia̱ mba ba̱ yet á̱tsak a̱yaata̱m a̱kwonu A̱gwaza bya, ba̱ chong da̱ a̱vwuo nyin ma̱ng á̱kukwa zón seap ji̱ sang lyen a̱ni, a̱wot mami nfwuo mba na, ba̱ yet a̱ka̱bwu a̱yit nia na̱ byia̱ lyen na̱ ghwut á̱ kat á̱ chat kyayak nang ba̱ na ya di̱ wuwok a̱ni.

Luka 10:4

Da̱ a̱chyet nyin ka, nyi yok kyiak kurum ku gumaat, ku á̱kwatak che sweang nang nyi na shai a̱ni bah. A̱wot nyi ni̱ ngyok yong nyi byiat a̱yin di̱n vak hu bah.

Yoona 10:12

A̱tyu a̱ chok da̱nian á̱ ka tan gu zang a̱ni, a̱ yet a̱tsatsak a̱tyu chok wa bah. A̱wot di̱ zón seap ji, ji̱ yet si̱ nggu bah. Ka̱ a̱ li a̱bwu a̱yit ka chobai, a̱ ni̱ tyong a̱ kai zón seap ji a̱ ghwon, a̱bwu a̱yit ka ka̱ ya̱baat, a̱wot ka̱ seang á̱kum ka ka̱ mat a̱ fwuoi.

Yoona 15:20

Nyi jhyung nkyang na nang n ku hyia̱ ma̱ng a̱nyin a̱ni; nyi yok bwung bah. N ku nyia̱, ‘A̱khwo si̱ mi̱n shya̱ shi a̱ swak a̱tyoli nggu bah.’ Ka̱ ba̱ lak li nung, ba̱ si̱ ya̱shuk nung; nyin mameang, ba̱ na lak li nyin, ba̱ ya̱shuk nyin. Ka̱ ba̱ wa ku khwi á̱lyiat nung na, si̱ ba̱ na khwi á̱lyiat nyin na mameang.

Yoona 16:2

Ba̱ na ti̱n nyin, á̱ ghwut ndyo mami á̱tutu a̱tung A̱yahudawa ba. A̱wot jen bye bai, nang á̱ghyang á̱niet na nhyaai nyin. Ba̱ nyia̱, ba̱ nyia̱ A̱gwaza wa ta̱m!

Nta̱m A̱yaata̱m 20:29

“N dyen ka̱ n doot á̱niet tyiet a̱ka̱laa ba̱ nyia̱ nang a̱ka̱bwu a̱yit a̱ni, ba̱ na nwuo mami nyin. Ba̱ na tyia̱ á̱niet khwi ba swuo a̱bung.

Nta̱m A̱yaata̱m 9:16

A̱wot n na ntak ma̱ng a̱nggu si̱sak ji nang ku ngyet ta hwa, gu swuo a̱bung da̱nian a̱lyoot nung ka a̱ni!”

Nta̱m A̱yaata̱m 9:2

A̱ si̱si̱ naai gu á̱ lyuut wusiká á̱ ta̱m ndyo ma̱ á̱tutu a̱tung A̱yahudawa ba̱ shya̱ ma̱ a̱keang Da̱maskut a̱ni. A̱ ku nyia̱ a̱nia, mat a̱ ka shya̱ mun a̱pyia̱ mba, a̱ ka ya̱baat á̱niet ba̱ shya̱ mami susot á̱niet khwi Yesu (nang á̱ bu ngyei ji “Vak hu” a̱ni.) A̱ si̱ chat a̱ bai ma̱ng a̱mba di̱ la̱p, á̱tyok ma̱ng á̱nyiuk, mi̱ Urusha̱lima.