Luka 1:3 - A̠lyiat A̠gwaza na di̠n Tyap: A̠li̠ka̠uli A̠fai

³ A̱tyoli Tiyofulut, nung mameang, n di ku myim n ta̱bam n zop kuzang nkyang tazwa Yesu, neet di̱n jen nang nkhang nani ntsa a̱ni. Da̱nian n ka ndyuut ang naa, n bu nta̱bam n fang ang naa ma̱nang na̱ ndi cha̱chaat a̱ni.

Luka 1:3 Iomraidhean Croise

Luka 1:1

Á̱niet ma̱ a̱di̱di̱t ka̱n kwan ba̱ lyuut a̱mgba̱m nkhang nang ba̱ tung tazwa nkyang nani, nang A̱gwaza tyia̱ na̱ si̱ bai da̱ a̱nu ka ma̱ nzi̱t a̱ni.

Nta̱m A̱yaata̱m 1:1

Tiyofulut, mami ta̱ka̱da nang n ku ntsa lyuut ang ndyo a̱ni, n ku ndyuut hu tazwa a̱mgba̱m nkyang nang Yesu ku tsa nyia̱ ma̱ng tyiet a̱ni;

Nta̱m A̱yaata̱m 11:4

A̱jawa Bitut si̱ tak ma̱ng a̱mba kuzang kyang cha̱chaat nang gu nyia̱ a̱ni.

Nta̱m A̱yaata̱m 15:19

“Mat a̱nia, di̱ li nung hu, ku myim zi̱ ta̱shuk Nnwap na̱ nwai yet A̱yahudawa na̱ bwuot chobai da̱ a̱vwuo A̱gwaza a̱ni bah.

Nta̱m A̱yaata̱m 15:25

Mat a̱nia, nang zi̱ ntung ndung a̱ni, a̱nu nzi̱t ka si̱ bai a̱nyiung. A̱mgba̱m nzi̱t, zi̱ shim zi̱ khai a̱niet mami nzi̱t, zi̱ ta̱m mba da̱ a̱vwuo nyin, mbeang á̱niet a̱feang nang zi̱ fa̱k da̱ mba a̱ni; bibya yet Ba̱nabat ma̱ng Bulut.

Nta̱m A̱yaata̱m 15:28

Ku myim A̱za̱za̱rak Ntswa ma̱ng a̱nzi̱t, zi̱ yok kpa̱t nyin a̱kpi̱di̱dyi̱k nkpa̱t a̱ swak nkyang nani nang zi̱ lyuut nyin dyo a̱ni bah.

Nta̱m A̱yaata̱m 18:23

Nang Bulut ndabeang Antakiya a̱ni, a̱ si̱ bwuok a̱ nat mi̱ nfam bibyin Ga̱la̱tiya ma̱ng Fi̱ri̱jiya. A̱ si̱ nwuai a̱ka̱keang na a̱ byiat a̱mgba̱m á̱niet khwi ba a̱ tsa a̱ tyei mba gba̱gbak.

Nta̱m A̱yaata̱m 23:26

“Wusika jini neet da̱ a̱vwuo Ka̱la̱udiyat Lisiyat, naat da̱ a̱vwuo a̱gba̱ndang A̱gwam Filikut: Shyichet ang ku labeang!

Nta̱m A̱yaata̱m 24:3

Gwomna, swuan ang ji labeang, mat a̱mgba̱m nkyang nani, zi̱ gwai ang ba̱t.

Nta̱m A̱yaata̱m 26:25

A̱wot Bulut si̱ nwuak gu shim nyia̱, “Gwomna Festut, swuan ang ji labeang! N tyong jhyiip ja bah. A̱lyiat na n dyiat a̱ni, a̱tsak a̱lyiat wa n dyiat ma̱ng fwuo nung nyiung.

1 A̱korontiyawa 16:12

Tazwa a̱na̱nyiuk nzi̱t wu A̱folot, n naai gu ba̱t gu bai a̱ byiat nyin dundung ma̱ng á̱kum á̱niet khwi ka. A̱wot a̱ kyiak mi̱ fwuo, a̱ na bai ma̱nini bah. A̱ na bai a̱ li nyin di̱n jen nang gu nshya̱ a̱wat a̱ni.

1 A̱korontiyawa 7:40

A̱wot di̱ li nung hu, ku na lan ka̱ a̱byii̱k wu swan di̱ mi̱n nyeang. A̱wot n nyia̱ a̱di̱dam n tyia̱ nyin a̱lyiat nani na̱ neet da̱ a̱vwuo A̱za̱za̱rak Ntswa A̱gwaza a̱ni.

1 Timoti 4:6

Ka a tyiet á̱niet khwi Yesu ba ntangka̱i nkyang nani, a na yet a̱tan a̱tyu nta̱m Yesu Kristi, nang a̱tyu a̱ mban mami a̱lyiat nwuak a̱chuchuk na a̱ni, ma̱ng a̱tan tyiet nang a khwi ba̱ng ba̱ tat a̱fwun a̱ni.