Luka 1:2 - A̠lyiat A̠gwaza na di̠n Tyap: A̠li̠ka̠uli A̠fai

² Ba̱ ku nyia̱ ta̱m ma̱ng nkhang nang á̱khwo shei a̱lyiat A̱gwaza ba ba̱ ku tsa fa̱k, ba̱ si̱ li ma̱ng á̱ghyi mba ba, a̱wot ba̱ si̱ tak ma̱ng a̱nzi̱t a̱ni.

Luka 1:2 Iomraidhean Croise

Ma̱rkut 1:1

A̱tyin A̱sham Nkhang kikya ka, tazwa Yesu Kristi [[Nggwon A̱gwaza.]]

Ma̱rkut 16:20

Mman ta̱m nggu na mameang, si̱ doot ba̱ si̱ chong á̱ shei A̱sham Nkhang A̱gwaza ka kuzang a̱vwuo. A̱gwaza wu si̱ nyia̱ ta̱m dundung ma̱ng a̱mba. A̱ si̱ li̱n a̱ma nkyang ba̱ lyiat a̱ni ma̱ng nkyang a̱ri̱bi̱di ma̱ a̱di̱di̱t.]]

Ma̱rkut 4:14

A̱tyu nai zwá yak a̱wa, li nang a̱tyu shei a̱lyiat A̱gwaza wa a̱ni.

Luka 24:48

Nyi ka̱n di nkyang nani ma̱ng á̱ghyi nyin ba. Nyin bya na shei ma̱ng á̱ghyang á̱niet naa!

Yoona 15:27

A̱wot nyin mameang, ku yet ta hwa nyi na shei kpa̱sai a̱chuchuk wu nang nyi lyen tazwa nung a̱ni. Mat nyi shya̱ dundung ma̱ng a̱nung neet di̱ tsa a̱tyin ta̱m nung ka.

Yoona 16:4

Huhwa mbyia̱ n shei nyin á̱lyiat nani, da̱nian ka̱ jen ji ba̱ nyia̱ nang á̱niet ba na nnyia̱ nkyang nani a̱ni; nyi ka jhyung nyi lyen nang n ku mi̱ ngba nyin da̱ na. N ku nhyia̱ ma̱ng a̱nyin nkyang nani neet di̱n tsa hu bah, mat n ku shya̱ dundung ma̱ng a̱nyin.

Nta̱m A̱yaata̱m 1:3

Nang Yesu ku nghwut mi̱ swuo a̱bung da̱ a̱team a̱khwu wu a̱ni, a̱ si̱ tyai a̱pyia̱ nggu kpa̱sai mami mam swak naai di̱n jen di̱n jen, da̱ a̱vwuo a̱yaata̱m nggu ba! A̱wot a̱ si̱ tyai a̱pyia̱ nggu kpa̱sai di̱ nvak na̱ tak chi̱k nang nggu wa ndoot ma̱ng swuan ma̱ á̱niet ba̱ ka̱n kwi a̱ni. A̱ si̱ wa̱i mba a̱lyiat tazwa Tyok A̱gwaza hu.

Nta̱m A̱yaata̱m 1:8

A̱wot nyi na shya̱ chet di̱n jen nang A̱za̱za̱rak Ntswa wu na ntyei nyin chet a̱ni. A̱wot nyi na yet á̱niet shei nkhang nung bya mi̱ Urusha̱lima, ma̱ng a̱mgba̱m á̱kum fam a̱byin Yahudiya ka, ma̱ng fam a̱byin Sa̱mariya, ba̱ng si̱ nat kuzang a̱byin mi̱ swanta hu!”

Nta̱m A̱yaata̱m 14:25

Nang ba̱ ntyak shei A̱sham Nkhang Yesu ka ma̱ a̱keang Pa̱rga ka a̱ni, ba̱ si̱ swak á̱ nat a̱keang ka̱ hyia̱k kyai a̱sa̱khwot hu nang á̱ ngyei A̱taliya a̱ni.

Nta̱m A̱yaata̱m 16:6

Bulut ma̱ng á̱niet a̱chyet nggu ba si̱ chong mi̱ nfam bibyin Fi̱ri̱jiya ma̱ng Ga̱la̱tiya. Mat A̱za̱za̱rak Ntswa wu ku shim ba̱ shei A̱sham Nkhang Yesu ka mi̱ fam a̱byin A̱siya hu di̱n jen a̱ja bah.

Nta̱m A̱yaata̱m 17:11

Á̱niet Bi̱riya ba ku lan á̱niet Ta̱solonika ba ma̱ng yet a̱tan á̱niet. A̱wot ba̱ si̱ myiai a̱fufwuo ma̱ng di̱dang á̱ fwuong á̱lyiat A̱gwaza nang Bulut shei mba a̱ni. A̱wot ba̱ si̱ zop A̱lyiat A̱gwaza na kuzang a̱tuk, ba̱ ka li kee a̱lyiat nang Bulut ma̱ng Sila tyiet a̱ni, yet a̱tsak a̱lyiat wa.

Nta̱m A̱yaata̱m 26:16

Ma̱ninika, doot yong ka̱tsak! Mat n tyai a̱pyia̱ nung da̱ a̱vwuo ang, da̱nian n ka ntyia̱ ang a yet a̱khwo ma̱ng a̱tyu shei a̱lyiat nung. A na tak ma̱ng á̱niet swanta ba nkyang nang a ka̱n di, ma̱ng kyang nang n na ntak ang á̱zanson a̱ni.

Nta̱m A̱yaata̱m 4:20

Zi̱ si̱ mi̱n tyia̱ nywang tazwa kyang nang zi̱ fa̱k, zi̱ si̱ bu li a̱ni bah.”

Nta̱m A̱yaata̱m 8:4

A̱wot á̱niet khwi ba nang á̱ ku seang a̱ni, ba̱ ku shei A̱sham Nkhang Yesu ka mi̱ kuzang a̱vwuo nang ba̱ nnat a̱ni.

A̱romawa 15:16

Shok jini tyia̱ n si̱ ngyet a̱ta̱m nang Kristi Yesu ta̱m nggu da̱ a̱vwuo nyin, nyi yet Nnwap na̱ nwai yet A̱yahudawa a̱ni. N shei nyin A̱sham Nkhang ka, da̱nian n ka neap nyin nang za̱nang a̱ni da̱ a̱vwuo A̱gwaza; nang A̱za̱za̱rak Ntswa wu njaat nyin nyi si̱ tyia̱ za̱za̱rak a̱ni.

1 A̱korontiyawa 4:1

Mat a̱nia, nyi kyiak á̱niet kwak a̱son nang A̱folot ma̱ng a̱nung nang a̱khwo Kristi bya a̱ni. Nzi̱t bya, nang A̱gwaza wu tyia̱ nzi̱t ta̱m huni mbwak. Zi̱ wa̱i á̱niet ba á̱lyiat da̱ a̱chuchuk wu nang A̱gwaza niat a̱ni.

Ibriniyawa 2:3

Mat a̱nia, zi̱ na nyia̱ ni, zi̱ nshot swuo a̱bung hu, ka̱nang zi̱ lak khwi nkhang a̱gba̱ndang san sang sangba̱p wu nang A̱tyoli Yesu ma̱ a̱pyia̱ nggu ku tsa shei hu a̱ni, a̱wot á̱niet ba̱ ku fa̱k a̱lyiat Yesu na a̱ni, ba̱ si̱ bu ta̱m ma̱ng a̱nzi̱t a̱tsatsak nta̱m a̱wa.

1 Bitut 5:1

Mat a̱nia, n gba nyin, nyin nyi yet á̱niet khwop á̱niet ma̱ á̱niet khwi ba a̱ni. Nung meang n gyet a̱niet khwop a̱niet wa, a̱ ku li swuo a̱bung Kristi hu a̱ni. A̱wot n na mun shya̱ a̱kyenkyai shi nggu wu di̱n jen nang gu na mbai a̱ tyai a̱pyia̱ nggu kpa̱sai mi̱ swanta hu a̱ni.

2 Bitut 1:16

Di̱n jen nang zi̱ ku nshei nyin nkhang nang Yesu Kristi A̱tyoli nzi̱t wu na mbai ma̱ng chet a̱ni, zi̱ ku tsaai nyin tashikum mumwang ja bah. Da̱ a̱kwonu a̱kya, zi̱ ku li a̱kyenkyai shi tyok nggu wu ma̱ng á̱ghyi nzi̱t bya,