A̱filibiyawa 4:9 - A̠lyiat A̠gwaza na di̠n Tyap: A̠li̠ka̠uli A̠fai

⁹ Nyi ya a̱son mi̱ nyia̱ nta̱m ma̱ng a̱mgba̱m tyiet nung hu nang nyi fa̱k, nyi si̱ san, nyi si̱ bu li nang n nyia̱ a̱ni. A̱wot A̱gwaza a̱ nwuat swat nyinyang a̱ni, na shya̱ dundung ma̱ng a̱nyin.

A̱filibiyawa 4:9 Iomraidhean Croise

Matyu 1:23

“Nggwon neam di̱ ka̱ ka̱n myia̱ ma̱ng a̱tyok a̱ni bah, na shya̱ shya̱! Ka̱ byin nggwon a̱sam, á̱ na ngyei nggwon a̱kya ‘Imaniet.’ A̱lyoot ‘Imaniet’ ka fa, ‘A̱gwaza shya̱ dundung ma̱ng a̱nzi̱t.’ ”

Matyu 28:20

Nyi bu tyiet mman ta̱m á̱fai na na̱ bu khwi a̱mgba̱m tyiet nang n tak nyin a̱ni. A̱wot nyi nwuak a̱chuchuk, n ni̱ shya̱ ndung ma̱ng a̱nyin kuzang jen, si̱ nat a̱mgba̱m che wu!”

Matyu 7:21

“Mi̱ kuzang a̱yin wa na nwuak a̱lyoot nung ka shi ma̱ng a̱nu a̱nchi̱ri̱ng nang A̱tyoli nggu wa a̱ni, a̱ na shya̱ nwuo Tyok Ma A̱gwaza tswazwa hu bah; si̱ a̱tyu a̱ khwi kyang hu nang A̱tyia̱ nung wu a̱ shya̱ tswazwa ka chat a̱ni, nggu wa na nwuo ma̱nyin gu.

Luka 6:46

“Yihwa mbyia̱ nang nyi ni̱ mmyiai a̱nu nyi ngyei nung, ‘A̱tyoli, A̱tyoli!’ A̱wot da̱ nyin nyi khwi tyiet nung hu bah?

Luka 8:21

Huhwa Yesu si̱ nwuak gu shim nyia̱, “A̱yang nung wu ma̱ng á̱na̱nyiuk nung ba; bibya bu yet a̱mgba̱m á̱niet ba̱ fwuong A̱lyiat A̱gwaza na, ba̱ si̱ nyia̱ nta̱m ma̱ng á̱na a̱ni.”

Yoona 13:17

Ma̱ninika nang nyi ndyen tsatsak a̱lyiat wuni, nyi na shya̱ a̱lyia̱ a̱sai ka̱ nyi nyia̱ nta̱m ma̱ng á̱na.

Yoona 15:14

“A̱wot nyi yet á̱kpa̱ndang nung bya, ka̱nang nyi khwi doka ji nang n nwuak nyin a̱ni.

Yoona 2:5

A̱yang byin Yesu wu si̱ nyia̱ ma̱ng mman ta̱m na a̱ni, “Nyi nyia̱ kuzang kyang nang gu tak ma̱ng a̱nyin a̱ni.”

Nta̱m A̱yaata̱m 9:6

Ma̱ninika, doot a nwuo ma̱ a̱keang ka! A̱wot á̱ na tak ma̱ng a̱nwan kyang ku yet ta nang a na nyia̱ a̱ni.”

A̱romawa 15:33

A̱wot ma̱ninika, yok A̱gwaza a̱ nwuat zi̱t swat nyinyang a̱ni, gu shya̱ dundung ma̱ng a̱mgba̱m nyin. [[Samba̱rka!]]

A̱romawa 16:20

A̱gwaza a̱ nwuat swat nyinyang a̱ni, na tyia̱ nyi shai A̱ta̱nyeang ka ma̱ng a̱ti̱tak nyin ba. Yok A̱tyoli nzi̱t wu Yesu Kristi, a̱ fa̱k shok nyin.

1 A̱korontiyawa 10:31

Mat a̱nia, ku nyi ya ku nyi swuo wa, kuzang kyang nang nyi nyia̱ a̱ni, nyi ni̱ nyia̱ nhu da̱nian nyi ka nwuak A̱gwaza shi.

1 A̱korontiyawa 14:33

Mat A̱gwaza wu yet A̱gwaza kyiai swat hwa bah. A̱wot a̱ yet A̱gwaza swat nyinyang wa. A̱nia ku ndi da̱ a̱vwuo a̱ka̱tung susot a̱mgba̱m á̱za̱za̱rak á̱niet khwi A̱gwaza ba.

1 A̱korontiyawa 4:16

Mat a̱nia, n naai nyin nyi maat nung.

2 A̱korontiyawa 13:11

Nyin á̱niet khwi Yesu ba nang n chat a̱ni, n chat n ngaan wusika nung ji ma̱ng swáng á̱lyiat jini: Yok, nyi yet á̱niet a̱gwai, nyi mban di̱ yet á̱niet tat á̱ghyi di̱ khwi Yesu hu. Nyi tyei á̱ghyang nyin gba̱gbak. Nyi swan swat nyinyang ma̱ng mun á̱pyia̱ ma̱ng á̱ghyang nyin. Mat a̱nia, A̱gwaza a̱ yet a̱tyu chat á̱niet ma̱ng a̱tyu a̱ nwuat swat nyinyang a̱ni, na shya̱ dundung ma̱ng a̱nyin.

A̱filibiyawa 3:17

Nyin á̱niet khwi Yesu ba nang n chat a̱ni, nyi maat swat nung hu. A̱wot nyi myiam da̱ a̱vwuo á̱niet ba̱ khwi kidee swat nzi̱t ji a̱ni.

A̱filibiyawa 4:7

A̱jawa nyi na ndyen swat nyinyang ku neet da̱ a̱vwuo A̱gwaza a̱ni, si̱ hu swak a̱mgba̱m kyang nang zi̱ na fi̱k a̱ni. Swat nyinyang nang A̱gwaza nwuat nzi̱t a̱ni, ku na chok nfwuo nyin na ma̱ng a̱di̱dam nyin wu mami Kristi Yesu.

1 A̱ta̱solonikawa 1:6

Nyi si̱ bu maat zi̱t ma̱ng A̱tyoli Yesu, nang nyi nsan a̱lyiat A̱gwaza na ma̱ng a̱gwai nang A̱za̱za̱rak Ntswa wu nwuat a̱ni, a̱mgba̱m ma̱ng a̱dodo swuo a̱bung nyi nswuo a̱ni.

1 A̱ta̱solonikawa 2:14

Á̱na̱nyiuk nung ba mi̱ khwi Yesu nang n chat a̱ni, nyi ku maat á̱niet khwi A̱gwaza ba ba̱ shya̱ mi̱ fam a̱byin Yahudiya ba̱ mun á̱pyia̱ ma̱ng Yesu Kristi a̱ni. Mat swuo a̱bung hu nang nyi ku swuo mbwak á̱niet nyin ba a̱ni, ma a̱nia wa ba̱ nswuo a̱bung mbwak A̱yahudawa ba, ba̱ yet á̱niet mba ba a̱ni.

1 A̱ta̱solonikawa 5:23

Ma̱ninika, yok A̱gwaza ma̱ a̱pyia̱ gu a̱ nwuat swat nyinyang a̱ni, gu jaat a̱mgba̱m nyin nyi yet a̱za̱za̱rak a̱jhyem. Yok á̱ bu tyia̱ a̱mgba̱m tswá nyin ji, nfwuo nyin na, ma̱ng nvam nyin na, na̱ sang a̱bun, si̱ nat jen ji nang A̱tyoli nzi̱t wu, Yesu Kristi, na mbwuok a̱ bai a̱ni.

2 A̱ta̱solonikawa 3:4

Zi̱ byia̱ gbang a̱lyia̱ nang A̱tyoli Yesu na ntyia̱ nyi khwi tyiet nzi̱t hu, a̱wot nyi bu ya a̱son ma̱ng khwi huu.

2 Timoti 4:22

Yok A̱gwaza wu a̱ shya̱ dundung ma̱ng nyin! Shok nggu ji mameang, ji̱ shya̱ dundung ma̱ng a̱nyin!

Yakubu 1:22

Nyi yok fwuong a̱lyiat A̱gwaza na ma̱ng a̱fufwuo bya ma̱nyin ba bah. Ku yet ta hwa, nyi wa nyia̱ ta̱m ma̱ng á̱na, kalak nyi laai á̱pyia̱ nyin kya.

2 Bitut 1:10

Mat a̱nia, nyin á̱niet khwi Yesu ba nang n chat a̱ni, nyi kwan ba̱t nyi nyia̱ ta̱m ma̱ng tangka̱i za̱kwa huni. Nyi tak chi̱k nang A̱gwaza wa ngyei nyin, a̱ si̱ bu khai nyin. Mat ki̱ nyi nyia̱ a̱nia, nyi si̱ mi̱n mak kwa, nyi bwuok lilyim di̱ nwuak a̱chuchuk nyin hu bah, ku ma̱ chunchwiit.

1 Yoona 3:22

Zi̱ ni̱ shya̱ kuzang kyang nang zi̱ naai da̱ a̱vwuo A̱gwaza a̱ni, mat ka̱ zi̱ khwi doka nggu ji, zi̱ si̱ bu nyia̱ nkyang na̱ myim gu a̱ni.