Huhwa ba̱ si̱ ta̱m ma̱ng mman ta̱m mba na ma̱ng sot á̱ghyang á̱niet ba̱ li̱n a̱ma a̱gwam Hiridut a̱ni, ba̱ si̱ shya̱ Yesu. Ba̱ si̱ nyia̱ ma̱ng a̱nggu, “A̱tyu tyiet, zi̱ lyen a yet a̱tsotswat a̱yin wa. A tyiet a̱lyiat A̱gwaza na mami a̱chuchuk. A bu byia̱ a̱ka̱ta ma̱ng a̱yin bah. Da̱ nwan, a khai á̱niet da̱ á̱ghyi bah.
A̱filibiyawa 4:8 - A̠lyiat A̠gwaza na di̠n Tyap: A̠li̠ka̠uli A̠fai8 Nyin á̱niet khwi Yesu ba nang n chat a̱ni, a̱wot ma̱ninika: Nyi tyia̱ a̱di̱dam nyin wu di̱ kyang ku yet a̱chuchuk a̱ni; kyang ku maai á̱ nwuak hu shi a̱ni; kyang ku yet a̱tsotswat a̱ni; kyang ku yet a̱za̱za̱rak a̱ni; kyang ku yet a̱sham nang á̱ chyin a̱ni; kyang hu ku myim a̱ni; kyang ku yet a̱tan a̱ swak a̱ni; ma̱ng kyang ku myim á̱ dyep a̱ni. Nyi ni̱ nyia̱ a̱di̱dam di̱ nkyang nani nia. Faic an caibideil |
A̱filibiyawa 4:8
67 Iomraidhean Croise
Mat a̱gwam Hiridut ku tyong Yoona ba̱t, a̱ si̱ nwuat gu shi. A̱ si̱ chok gu, mat a̱ ku lyen nang gu ngyet a̱tsotswat ma̱ng a̱za̱za̱rak a̱yin wa. Kuzang jen nang a̱gwam Hiridut nfa̱k a̱lyiat Yoona na, fwuo nggu hu ni̱ tyia̱ ma̱ tai za̱m. A̱mgba̱m ma̱ng a̱nia, a̱ ni̱ chat a̱ fwuong a̱lyiat nggu na ma̱ng a̱lyia̱ sai.
Huhwa Yesu si̱ nyia̱ ma̱ng a̱mba a̱ni, “Nyin, nyi bya yet tangka̱i á̱niet ba̱ chat nyia̱ nkyang kpa̱sai da̱nian á̱niet ba̱ ka kwok nyin nang á̱tsotswat á̱niet a̱ni. A̱wot A̱gwaza wa za̱m lyen nkyang nang nyi nyia̱ a̱di̱dam mi̱ nfwuo nyin na a̱ni. A̱wot kyang nang á̱niet mi̱ swanta chyin nyia̱ ku yet a̱ni, da̱ a̱vwuo A̱gwaza ku yet a̱shi̱shi̱k kyang wa za̱m!”
A̱ghyang a̱niet ku nshya̱, á̱ si̱ ngyei Isuu, a̱ ku neet ma̱ a̱keang A̱ri̱matiya, mi̱ fam a̱byin Yahudiya. Isuu ku yet a̱tan ma̱ng a̱tsotswat a̱yin wa. A̱ si̱ swan ma̱ng di̱dang a̱ fwuong Tyok A̱gwaza hu ku bai. A̱ ku yet a̱tyo nyiung wa mi̱ sot a̱cha̱chet A̱yahudawa ji. A̱wot a̱ ku shim kyang nang ba̱ la̱p a̱nu ka á̱ na nyia̱ Yesu ndyo a̱ni bah.
A̱jawa a̱yaata̱m Ka̱rna̱liyut ba si̱ nwuak Bitut shim nyia̱, “Ka̱rna̱liyut, a̱ yet a̱kwak a̱son á̱niet nzwang A̱romawa wu a̱ni; nggu wa ta̱m nzi̱t da̱ a̱vwuo ang. A̱ yet a̱tyu kwok ntong a̱zaghyi A̱gwaza. A̱ si̱ bu fwuong a̱wun gu. A̱wot a̱mgba̱m A̱yahudawa ba chyin guu. A̱za̱za̱rak a̱ta̱m tswa A̱gwaza wa ku tak ma̱ng a̱nggu, nyia̱ gu yorong ang a bai a̱mali nggu ka, da̱nian gu ka fa̱k a̱lyiat nang a byia̱ na hyia̱ ma̱ng a̱nggu a̱ni.”
Mat nang zi̱ ngyet á̱niet zi̱ swan mi̱ sai hwa ba̱ nwai swan mi̱n dyin a̱ni, ku yet ta hwa zi̱ swan a̱tan swat, da̱nian a̱mgba̱m á̱niet ba ba̱ ka li tangka̱i swat nzi̱t hu. Nyi yok mun á̱pyia̱ ma̱ng á̱niet ba̱ swan mi̱ ndyin a̱ni bah. Ntangka̱i á̱niet nani nia yet; á̱niet tsot wun, á̱niet hyeng a̱kan, ku á̱niet katnaan ma̱ng á̱niet a̱shi̱shi̱k nyia̱ nang a̱ka̱la̱m a̱ni, ku á̱niet fwuon zok ma̱ng kwi swam ma̱ng á̱ghyang.
Da̱ a̱kwonu a̱kya, a̱tsatsak a̱tyu A̱yahudawa nggu wa yet a̱tyu A̱yahudawa mami nfwuo. A̱wot a̱tsatsak tyia̱ mi̱ chen wu, nggu wa yet tyia̱ mi̱ chen mami nfwuo! Tangka̱i tyei mi̱ chen huni hwa yet si̱ nang A̱za̱za̱rak Ntswa A̱gwaza wa nyia̱ a̱ni, kang ma̱ng khwi doka ma̱nyin ji nang á̱ lyuut a̱ni. Tangka̱i a̱yin a̱hwa, chat A̱gwaza wa a̱ chyin nggu, kang ma̱ng a̱tyubishyi.
Mat a̱nia, nyi yok mak nyi nyia̱ shi̱ri̱ya di̱ nta̱m a̱yin a̱nggang neet nang Kristi A̱tyoli nzi̱t wu ka̱n bwuok bah. Mat nggu wa na tyai kpa̱sai nkyang nang zi̱ nyia̱ na̱ shya̱ mi̱ dyin a̱ni, a̱wot gu bu tyai a̱di̱dam mi̱ nfwuo nzi̱t wu kpa̱sai. A̱wot A̱gwaza na dyep konyan ma̱ cha̱chaat ma̱ng ta̱m hu nang gu nyia̱ a̱ni.
A̱mgba̱m ma̱ng a̱nia, zi̱ naai A̱gwaza gu tyia̱ ki̱ di̱ nyi du nyia̱ a̱ka̱tuk nyia̱, di̱ lak jhyuk nang zi̱ jhyuk nyin a̱ni. N tyia̱ fwuo zi̱ na nyia̱ nyin tyok di̱n jen nang zi̱ mbai da̱ a̱vwuo nyin a̱ni bah. Nyi nyia̱ kyang ku yet a̱tan a̱ni, neet nang zi̱ ka̱n bai bah, ku nang ku li á ngyei zi̱ lat zi̱ tak nyin tyok nzi̱t hu.
A̱ si̱ bu yet a̱byii̱k nang á̱ dyep di̱ nyia̱ a̱tan nkyang a̱ni. A̱wot a̱ si̱ go mman nggu na shansham, a̱ si̱ saai á̱nietchen a̱mali nggu ka, a̱ si̱ bu nyia̱ á̱niet nta̱m A̱gwaza ba a̱tan nta̱m ma̱ng ghyuai a̱pyia̱. A̱ si̱ beang á̱niet ba̱ swuo a̱bung a̱ni, a̱wot a̱ bu nwuak a̱pyia̱ nggu a̱mgba̱m di̱ nyia̱ kuzang tangka̱i kyang ku yet a̱tan a̱ni.
Tyiet á̱khwukhwop á̱tyok ba̱ ta̱bat pyipyia̱ mba, ba̱ swan swat ku myim nang á̱niet na nnwuak ba shi a̱ni. Bu tyiet baa, ba̱ byia̱ a̱chuchuk a̱di̱dam, ba̱ yong shansham di̱ nwuak a̱chuchuk, ba̱ chat á̱ghyang, ba̱ bu nyap nfwuo ma̱ng á̱ghyang ba̱t. Ma a̱nia wa a̱khwukhwop á̱nyiuk ba, ku myim a tyiet baa, ba̱ swan swat shansham nang á̱niet khwi a̱ni, ba̱ yok jang a̱lyiat bah, ba̱ yok la̱u hyeng a̱kan bah. Da̱ a̱kwonu a̱kya, ba̱ tyiet nkyang na̱ yet a̱tsatsak a̱ni,
A̱wot mumwang hu ku neet Ma A̱gwaza tswazwa a̱ni; di̱n tsa hu, ku yet a̱za̱za̱rak wa. Ku si̱ bu tyei swat nyinyang, nyia̱ shonshyon ma̱ng gwai á̱ghyang, ghyuai a̱pyia̱, ma̱ng fwuong kunak á̱ghyang. A̱tyu a̱ byia̱ mumwang a̱hwa a̱ni, a̱ ni̱ yong mi̱ di̱ nyia̱ a̱tan nta̱m. Da̱ nggu, a̱ khai á̱niet da̱ á̱ghyi bah. A̱wot a̱ si̱ yong da̱ a̱chuchuk kuzang jen.
Nyin á̱kpa̱ndang nung ba nang n chat a̱ni, nyi yok nwuak a̱chuchuk di̱ kuzang a̱yin a̱ tyiet nyia̱ A̱za̱za̱rak Ntswa lyiat ma̱ng a̱nggu a̱ni bah. Ku yet ta hwa nyi mak a̱tyu tyiet wu, nyi ka li ke A̱za̱za̱rak Ntswa wa tyia̱ nggu chet gu ka lyiat da̱ a̱kwonu A̱gwaza ka. Mat a̱yaata̱m ba̱ kyiak pyipyia̱ mba, ba̱ yet á̱tsak a̱yaata̱m a̱kwonu A̱gwaza ma̱ a̱di̱di̱t a̱ni, ka̱n bai mi̱ swanta hu.
Sanasan