A̱filibiyawa 4:7 - A̠lyiat A̠gwaza na di̠n Tyap: A̠li̠ka̠uli A̠fai

⁷ A̱jawa nyi na ndyen swat nyinyang ku neet da̱ a̱vwuo A̱gwaza a̱ni, si̱ hu swak a̱mgba̱m kyang nang zi̱ na fi̱k a̱ni. Swat nyinyang nang A̱gwaza nwuat nzi̱t a̱ni, ku na chok nfwuo nyin na ma̱ng a̱di̱dam nyin wu mami Kristi Yesu.

A̱filibiyawa 4:7 Iomraidhean Croise

Luka 1:79

Da̱nian ku ka sai tazwa á̱niet ba̱ shya̱ mi̱ ndyin ma̱ng a̱ghwaghwu a̱khwu a̱ni; a̱ bu tyia̱ nzi̱t di̱n vak swat nyinyang.”

Luka 2:14

“Zi̱ dyep A̱gwaza a̱ shya̱ tswazwa a̱ni! A̱wot yok swat nyinyang ku bai da̱ a̱vwuo á̱niet mi̱ swanta ba, nang A̱gwaza fwuong nyinyang mba a̱ni!”

Yoona 14:27

“N nang nyin swat nyinyang; swat nyinyang nung huhwa nang n nwuak nyin. N nwuat nyin huu nang swanta hu nnwuat a̱ni bah. Mat a̱nia, nyi yok byia̱ a̱ka̱tuk a̱fi̱fa, ku nyi bu fa̱k a̱wun bah.

Yoona 16:33

“N wa ka̱n tak ma̱ng nyin nkyang nani, da̱nian nyi ka shya̱ dundung ma̱ng a̱nung. Nyi na shya̱ swat nyinyang. Mi̱ swanta hu nyi na swuo a̱bung. Ma̱ng a̱nia, nyi gwai, mat n wa ka̱n swuo chet swanta hu!”

A̱romawa 1:7

N dyuut nyin wusika jini a̱mgba̱m nyin nyi shya̱ Rom a̱ni. Nyin bya nang A̱gwaza wu chat ba̱t, a̱wot a̱ si̱ yorong nyin nyi yet á̱za̱za̱rak á̱niet ngguu. Yok A̱gwaza a̱ yet A̱tyia̱ nzi̱t a̱ni, ma̱ng A̱tyoli Yesu Kristi, a̱ fa̱k shok nyin, a̱wot a̱ nang nyin swat nyinyang.

A̱romawa 14:17

Mat Tyok A̱gwaza hu yet a̱lyiat tazwa kyayak nang á̱ na ya ma̱ng swuo hwa a̱ni bah. Da̱ a̱kwonu a̱kya, ku yet tsotswat nswat, swat nyinyang ma̱ng á̱ghyang, ma̱ng a̱lyia̱ sai mami A̱za̱za̱rak Ntswa.

A̱romawa 15:13

N naai A̱gwaza, a̱ yet a̱tyin tyia̱ fwuo a̱ni, gu nang nyin a̱lyia̱ sai ma̱ng swat nyinyang gba̱mgbam, mat nang nyi nnwuak fwuo da̱ nggu a̱ni. A̱jawa nyi na mbeang gbang a̱lyia̱ ma̱ng tyia̱ fwuo nyin hu gba̱mgbam da̱ nggu, mat nang A̱za̱za̱rak Ntswa wu ntyia̱ nyin chet a̱ni.

A̱romawa 5:1

Mat a̱nia, nang á̱ ntak kpa̱sai nang zi̱ ngyet á̱tsotswat ma̱ng sang a̱bun a̱zaghyi A̱gwaza mat nwuak fwuo nzi̱t hu da̱ nggu a̱ni, zi̱ byia̱ swat nyinyang ma̱ng A̱gwaza, mat kyang hu nang Yesu Kristi A̱tyoli nzi̱t wu nyia̱ nzi̱t ndyo a̱ni.

A̱romawa 8:6

Mat a̱nia, ka a shim za̱kwa a̱ka̱tuk nyia̱ si̱ nyia̱ tyok mi̱ nfwuo ang hu, ji̱ na tyia̱ ang a̱khwu. Ma a̱nia wa, ka a shim A̱za̱za̱rak Ntswa wu si̱ nyia̱ tyok mi̱ fwuo ang hu, ji̱ na nwuak ang swuan ma̱ng swat nyinyang.

2 A̱korontiyawa 10:5

Zi̱ bi̱ri̱m kuzang tangka̱i tyiet tsot fi̱ri̱ng, ku vwuong á̱niet ba nwuak fwuo da̱ A̱gwaza a̱ni. A̱wot zi̱ ta̱bat a̱di̱dam á̱nietbishyi wu gu nyia̱ na̱nvan ma̱ng A̱gwaza a̱ni. Zi̱ si̱ tyia̱ nggu mi̱ khwo. A̱wot zi̱ tyia̱ á̱nietbishyi ba̱ khwi Kristi.

2 A̱korontiyawa 13:11

Nyin á̱niet khwi Yesu ba nang n chat a̱ni, n chat n ngaan wusika nung ji ma̱ng swáng á̱lyiat jini: Yok, nyi yet á̱niet a̱gwai, nyi mban di̱ yet á̱niet tat á̱ghyi di̱ khwi Yesu hu. Nyi tyei á̱ghyang nyin gba̱gbak. Nyi swan swat nyinyang ma̱ng mun á̱pyia̱ ma̱ng á̱ghyang nyin. Mat a̱nia, A̱gwaza a̱ yet a̱tyu chat á̱niet ma̱ng a̱tyu a̱ nwuat swat nyinyang a̱ni, na shya̱ dundung ma̱ng a̱nyin.

A̱ga̱la̱tiyawa 5:22

A̱wot ntangka̱i za̱kwá nang A̱za̱za̱rak Ntswa wu nnwuat a̱ni, jija yet, chat á̱ghyang, fwuo sai, swat nyinyang, nyap fwuo, fwuong kunak, yet a̱tan, yet a̱tsotswat,

A̱fisawa 3:19

N naai nyi lyen si̱sak nang Kristi nchat zi̱t a̱ni, ku nang chat nggu hu nswuo chet a̱tyubishyi gu fi̱k hu shansham a̱ni. A̱jawa nyi na nshya̱ a̱jhyem za̱kwa A̱gwaza gba̱mgbam, ma̱ng chet ku neet da̱ a̱vwuo nggu a̱ni.

A̱filibiyawa 1:1

Nung Bulut, nung gwa n dyuut nyin wusika jini, n shya̱ ndung ma̱ng Timoti, zi̱ yet á̱khwo Kristi Yesu a̱ni. N dyuut wusika jini da̱nian n ka byiat a̱mgba̱m a̱za̱za̱rak sot á̱niet khwi A̱gwaza ba, ba̱ shya̱ ma̱ a̱keang Filibi, ba̱ mun á̱pyia̱ ma̱ng Kristi Yesu a̱ni; ma̱ng a̱yaakwak a̱son á̱niet khwi ba, mbeang á̱niet ba̱ beang nta̱m sot á̱niet khwi na a̱ni.

A̱filibiyawa 1:2

Yok A̱gwaza a̱ yet A̱tyia̱ nzi̱t a̱ni, ma̱ng Yesu Kristi A̱tyoli nzi̱t wu, ba̱ fa̱k shok nyin, a̱wot ba̱ nang nyin swat nyinyang.

A̱filibiyawa 4:19

A̱wot A̱gwaza nung wu na nang nyin a̱mgba̱m kuzang kyang nang nyi chat a̱ni, mami a̱gba̱mgbam zwá nggu wu, mat mun á̱pyia̱ nzi̱t hu ma̱ng Kristi Yesu.

A̱filibiyawa 4:21

Nyi byiat nung a̱mgba̱m á̱za̱za̱rak á̱niet A̱gwaza ba, ba̱ yet á̱niet khwi Kristi Yesu ba a̱ni. Á̱niet khwi ba ba̱ shya̱ a̱ji ma̱ng a̱nung a̱ni, ba̱ byiat nyin.

A̱filibiyawa 4:9

Nyi ya a̱son mi̱ nyia̱ nta̱m ma̱ng a̱mgba̱m tyiet nung hu nang nyi fa̱k, nyi si̱ san, nyi si̱ bu li nang n nyia̱ a̱ni. A̱wot A̱gwaza a̱ nwuat swat nyinyang a̱ni, na shya̱ dundung ma̱ng a̱nyin.

A̱kolosiyawa 3:15

A̱wot yok swat nyinyang nang Kristi ka̱u a̱ni, ku nyia̱ nta̱m mi̱ fwuo nyin na. Mat nang nyi ndi nang kap vam nyiung a̱ni, á̱ yorong nyin nyi swan swat nyinyang ma̱ng á̱ghyang. A̱wot nyi ni̱ ngwai A̱gwaza nchi̱ri̱ng.

2 A̱ta̱solonikawa 3:16

Di̱ yong huni, zi̱ naai A̱tyoli Yesu a̱ nwuat swat nyinyang a̱ni, a̱ nang nyin swat nyinyang kuzang jen di̱ kuzang nvak. Yok A̱tyoli Yesu a̱ shya̱ dundung ma̱ng a̱nyin a̱mgba̱m.

Ibriniyawa 13:20

Yok A̱gwaza, a̱ nwuat swat nyinyang a̱ni, nggu wa ku ta̱ngam Yesu, a̱ yet A̱tyoli nzi̱t wu a̱ni, ma̱ng swuan ma̱ á̱niet ba̱ ka̱n kwi a̱ni. Yesu a̱ bu yet a̱gba̱ndang a̱tyu chok zón seap wu a̱ni, a̱wot a̱ si̱ tsa nyia̱ ta̱m la̱p a̱li̱ka̱uli sang sangba̱p ma̱ng a̱sok nggu na.

Yahuda 1:1

Nung Yahuda, a̱khwo Yesu Kristi, n gyet a̱na̱nyiuk Yakubu. Nung gwa n dyuut nyin wusika jini. N dyuut nyin, a̱mgba̱m á̱niet ba nang A̱gwaza a̱ yet A̱tyia̱ yei a̱ni; á̱si̱ ba ba̱ bu mun á̱pyia̱ ma̱ng a̱nggu A̱gwaza, a̱ yet A̱tyia̱ wu a̱ chat ba ba̱t, a̱ si̱ bu tyia̱ mba mbwak Yesu Kristi gu ka chok ba a̱ni.

Tyai Á̱zanson 1:4

Nung Yoona, Nung gwa n dyuut nyin wusika jini; nyin susot á̱niet khwi a̱natat, nyi shya̱ mi̱ fam a̱byin A̱siya a̱ni. Yok A̱gwaza a̱ fa̱k shok nyin, a̱ bu nwuak nyin swat nyinyang, ku neet da̱ a̱vwuo nggu; a̱tyu a̱ nshya̱ kuzang jen; a̱ nshya̱ ma̱nini, nggu wa ku nshya̱ gbangbang. Byat huni bu neet da̱ a̱vwuo Tswá a̱natat A̱za̱za̱rak Ntswa a̱ja, ji̱ shya̱ a̱zaghyi a̱gba̱ndang chuk Tyok A̱gwaza a̱ni.

Tyai Á̱zanson 2:17

Konyan wa chat lyen a̱ni, ku yet ta hwa gu myiai a̱fufwuo gu fa̱a̱k, a̱ bu fi̱k a̱lyiat nang A̱za̱za̱rak Ntswa A̱gwaza wu shei susot á̱niet khwi ji a̱ni! Konyan wa swuo chet swanta hu a̱ni, n na nang gu a̱za̱za̱rak ‘mana’ nang á̱ niat Ma A̱gwaza tswazwa a̱ni. N bu na nang gu a̱sai a̱fang nang á̱ ndyuut a̱lyoot a̱fai tazwa a̱ni. Á̱ mbyia̱ a̱tyu a̱ na fi̱k a̱lyoot ka a̱ni bah; si̱ a̱tyu a̱ san a̱fang ka a̱ni.