A̱filibiyawa 4:6 - A̠lyiat A̠gwaza na di̠n Tyap: A̠li̠ka̠uli A̠fai

⁶ Nyi ni̱ ngyok sorop di̱ kyang bah. Da̱ a̱kwonu a̱kya, nyi ni̱ naai A̱gwaza tazwa kuzang kyang. Nyi ni̱ hyia̱ ma̱ng A̱gwaza kyang nang nyi chat a̱ni. A̱wot nyi gwai ma̱ng nggu mat a̱mgba̱m nkyang nang gu nyia̱ nyin ndyo a̱ni.

A̱filibiyawa 4:6 Iomraidhean Croise

Matyu 10:19

“Jen ji nang á̱ ntyia̱ nyin mbwak mba a̱ni, nyi yok dam si̱sak ji nyi na nnwuak shim ku a̱lyiat nang nyi na hyia̱ a̱ni bah. Mat A̱gwaza na nwuak nyin swáng á̱lyiat ji, ji̱ myim nyi hyia̱ a̱ni, da̱ a̱cha̱chaat njen a̱wa.

Matyu 13:22

“A̱wot tyan sa̱kan ji nang zwá yak ji nkwa̱i a̱ni, jija yet kidee nfwuo á̱niet ba̱ san A̱lyiat A̱gwaza na. A̱wot a̱fi̱fa swanta wuni, shyuo kurum, ma̱ng nkyang njhyang si̱ nwuo mi̱ nfwuo mba na. Nkyang nani si̱ feap A̱lyiat A̱gwaza na, na̱ si̱ tyia̱ a̱tan tswa bah.

Matyu 6:34

“Mat a̱nia, nyi yok nyia̱ a̱fi̱fa da̱nian a̱tson bah. Mat a̱tson ka wu bai ma̱ng a̱fi̱fa nka. Swuo a̱bung a̱fwun hu maai a̱fwun ka.”

Matyu 6:8

Nyi yok naai A̱gwaza tangka̱i naai á̱niet a̱hwa bah. Mat A̱gwaza a̱ yet a̱tyia̱ nyin wu a̱ni, wa ka̱n dyen kyang hu nyi chat a̱ni, neet nang nyi ka̱n dyip gu bah!

Luka 10:41

A̱wot A̱tyoli Yesu si̱ nyia̱ ma̱ng a̱nggu, “Ma̱rta, Ma̱rta! A byia̱ a̱fi̱fa, a si̱ dam tazwa nkyang ma̱ a̱di̱di̱t mi̱ fwuo ang hu.

Luka 12:22

A̱jawa Yesu si̱ bwuak, a̱ si̱ nyia̱ ma̱ng mman ta̱m nggu na, “Huhwa mbyia̱ nang n tak ma̱ng a̱nyin; nyi yok nyia̱ a̱fi̱fa tazwa shyichet nyin hu kuzang a̱tuk bah. Nyi bu yok nyia̱ a̱fi̱fa tazwa kyayak nang nyi na ya a̱ni, ku a̱yaatoot nang nyi na kup a̱ni bah.

Luka 12:29

“Mat a̱nia, nyi yok nyia̱ a̱fi̱fa di̱ nkyang nang nyi na ya, ku nyi swuo a̱ni bah. Nyi bu yok nyia̱ a̱fi̱fa di̱ ntangka̱i nkyang a̱nia bah.

Luka 18:1

Á̱ghyang á̱tuk, Yesu si̱ lyiat ma̱ng mman ta̱m nggu na di̱ kidee nang ku myim ba̱ naai A̱gwaza nchi̱ri̱ng, ba̱ yok but mi̱ nfwuo bah.

Luka 18:7

Ka̱ tangka̱i a̱tyu shi̱ri̱ya nwai nyia̱ tsotswat wuni fa̱k, a̱ si̱ shim a̱ beang a̱byii̱k a̱ naai gu a̱ni; ku fa A̱gwaza na nyia̱ shi̱ri̱ya nggu ji tsotswat tazwa á̱niet nggu ba nang gu khai a̱ni, ba̱ naai nggu a̱ta̱mam ma̱ng a̱tyetuk a̱ni baa? A̱gwaza na kyiak jen nang gu nnwuan á̱niet nggu ba gbi̱t a?

1 A̱korontiyawa 7:21

A yet a̱khwo waa? Nyi yok ghwon si̱ a̱hwa ku tyia̱ nyin a̱fi̱fa nang nyi na nwai khwi Yesu a̱ni bah. A̱wot ka̱ nyi shya̱ a̱wat shot di̱ yet a̱khwo hu, nyi san.

1 A̱korontiyawa 7:32

N chat nyi khap pyipyia̱ nyin da̱ a̱fi̱fa nkyang swanta nani. A̱tyu a̱ ka̱n nyia̱ nyeang a̱ni bah, a̱ ni̱ kyiak jen nggu ji a̱ nyia̱ A̱gwaza ta̱m. A̱wot a̱ bu nyia̱ a̱di̱dam di̱ si̱sak gu na ntyia̱ A̱gwaza a̱ fa̱k nyinyang gu a̱ni.

2 A̱korontiyawa 1:11

A̱wot nyin meang, si̱ nyi beang nzi̱t ma̱ng naai A̱gwaza, da̱nian A̱gwaza mat shok nggu ji, a̱ ka fa̱k naai nyin hu gu chok zi̱t. A̱wot á̱ghyang á̱niet ma̱ a̱di̱di̱t na gwai A̱gwaza da̱nian nzi̱t.

A̱fisawa 5:20

Kuzang jen, mi̱ kuzang kyang, nyi ni̱ ngyong di̱ gwai A̱gwaza a̱ yet A̱tyia̱ nzi̱t a̱ni, mami a̱lyoot A̱tyoli nzi̱t wu, Yesu Kristi.

A̱fisawa 6:18

Nyi ni̱ nnaai A̱gwaza kuzang jen mami chet A̱za̱za̱rak Ntswa ma̱ng kuzang tangka̱i naai nyi chat beang. Nyi ni̱ nswan cham. A̱wot nyi yong mi̱ di̱ naai A̱gwaza kuzang jen, da̱nian a̱mgba̱m a̱za̱za̱rak á̱niet khwi ba ba̱ shya̱ koji a̱ni.

A̱kolosiyawa 3:15

A̱wot yok swat nyinyang nang Kristi ka̱u a̱ni, ku nyia̱ nta̱m mi̱ fwuo nyin na. Mat nang nyi ndi nang kap vam nyiung a̱ni, á̱ yorong nyin nyi swan swat nyinyang ma̱ng á̱ghyang. A̱wot nyi ni̱ ngwai A̱gwaza nchi̱ri̱ng.

A̱kolosiyawa 3:17

A̱wot nang nyi ngyet á̱niet ba̱ yet á̱ghyi A̱tyoli Yesu bya a̱ni, a̱mgba̱m kuzang kyang nang nyi lyiat nyi si̱ nyia̱ a̱ni, nyi ni̱ nyia̱ kyang ku myim gu wa a̱ni. Nyi ya a̱son ma̱ng gwai A̱gwaza mat Yesu a̱ yong da̱ a̱kwonu nzi̱t a̱ni.

A̱kolosiyawa 4:2

Nyi ntyia̱ a̱lyia̱ di̱ naai A̱gwaza, nyi yok but mi̱ fwuo bah. A̱wot nyi ni̱ ntyia̱ fwuo di̱ kyang nang nyi naai a̱ni. A̱wot nyi gwai A̱gwaza mi̱ nfwuo nyin na.

1 Timoti 2:1

Di̱ ntsa hu, n chat n tyiet nyin, nyi ni̱ nnaai A̱gwaza da̱nian a̱mgba̱m á̱niet ba. Nyi yong mi̱ di̱ naai guu da̱ a̱kwonu mbaa kuzang jen. Nyi gwai nggu da̱nian ba.

1 Timoti 5:5

A̱byii̱k nang a̱tyok nggu wu khwu a̱ si̱ sang a̱tyu beang a̱ni, a̱ ni̱ tyia̱ fwuo nggu hu da̱ A̱gwaza. A̱wot a̱ ya a̱son mi̱ naai A̱gwaza wu di̱ chat gu beang guu, a̱tyetuk ma̱ng a̱ta̱mam.

1 Bitut 4:7

Sangba̱p swanta ji shim bai. Mat a̱nia, mi̱ nfwuo nyin na, si̱ nyi tung a̱nka̱li, nyi gba á̱pyia̱ nyin di̱ naai A̱gwaza.

1 Bitut 5:7

Nyi neap A̱gwaza a̱mgba̱m a̱fi̱fa nyin wu, mat nggu wa chok nyin.