A̱filibiyawa 4:5 - A̠lyiat A̠gwaza na di̠n Tyap: A̠li̠ka̠uli A̠fai

⁵ Nyi yok konyan a̱ li yet a̱shonshyon nyin hu da̱ a̱mgba̱m nkyang nang nyi nyia̱ a̱ni. Nyi yok bwung bah; bwuok A̱tyoli Yesu hu bwat kpa̱mkpaan.

A̱filibiyawa 4:5 Iomraidhean Croise

Matyu 6:25

“Huhwa mbyia̱ n shei ma̱ng a̱nyin. Nyi yok nyia̱ a̱fi̱fa kuzang a̱tuk tazwa swuan nyin ji bah. A̱wot nyi bu yok nyia̱ a̱fi̱fa ke nyi byia̱ kyayak nang nyi na ya ma̱ng kyang nyi na swuo a̱ni bah, ku a̱yaatoot nang nyi na kup, ba̱ maai nyin a̱ni bah. Nyi lyen nang swuan nyin ji ndan kyayak, a̱wot nvam nyin na si̱ lan a̱yaatoot baa?

Matyu 6:34

“Mat a̱nia, nyi yok nyia̱ a̱fi̱fa da̱nian a̱tson bah. Mat a̱tson ka wu bai ma̱ng a̱fi̱fa nka. Swuo a̱bung a̱fwun hu maai a̱fwun ka.”

Luka 21:34

“Mat a̱nia, nyi cham á̱pyia̱ nyin! Nyi yok ghwon nfwuo nyin na na̱ tyia̱ kpa̱p, mat hyeng a̱kan, a̱fi̱fa swanta wu, tsot wun, ma̱ng a̱shi̱shi̱k nyia̱ nang a̱ka̱la̱m a̱ni bah. Nyi yok shim mam a̱hwa ku bai nyin gba̱ngba̱ng di̱ mi̱ lyen,

1 A̱korontiyawa 16:22

Konyan wa da̱ a̱ chat A̱tyoli Yesu a̱ni bah, yok á̱ shyi ngguu. Yok A̱tyoli nzi̱t wu, a̱ bai!

1 A̱korontiyawa 6:7

Nang nyi nchong ma̱ng á̱ghyang nyin da̱ a̱vwuo shi̱ri̱ya á̱niet ba̱ nwai yet á̱niet khwi a̱ni, ku tak nang nyi ngyet á̱niet lat bya mi̱ khwi Yesu hu. Yihwa mbyia̱ nyi na nnwai nyap fwuo hu, nyi ghwon á̱ tyia̱ nyin a̱bun, a̱wot nyi bu bwung kuzang kyang? Yihwa mbyia̱ nyi si̱ mi̱n ghwon á̱ shyok nyin bah?

1 A̱korontiyawa 8:13

Mat a̱nia, ki̱ kyayak nang n na ngya a̱ni, na tyia̱ a̱tyu khwi a̱ghyang a̱ nyia̱ a̱ka̱tuk, n bu na mak ngya ku nam mi̱ swat nung hu bah; kalak n du tyia̱ a̱tyu khwi a̱ghyang gu ga̱u gu kwa di̱ khwi Yesu hu.

1 A̱korontiyawa 9:25

A̱mgba̱m á̱niet tyong chung ba ni̱ gba á̱pyia̱ mba mi̱ kuzang kyang. Ba̱ ni̱ nyia̱ a̱nia da̱nian ba̱ ka shya̱ zang ji̱ na byian wa a̱ni. A̱wot nzi̱t, zi̱ tyong chung da̱nian zi̱ ka shya̱ zang sang sangba̱p ja.

2 A̱korontiyawa 10:1

Ma̱ninika, nung Bulut, n naai nyin mami a̱lyoot Kristi, a̱ yet a̱shonshyon a̱ si̱ bu byia̱ shok a̱ni. Ku nang n dyen nyi kyiak nyia̱; n ni̱ ntyia̱ shi̱ri̱ng ki̱ n shya̱ da̱ a̱vwuo nyin a̱ni, a̱wot n ni̱ ngbang a̱lyia̱ ki̱ n shya̱ zan n dyuut nyin dyo.

2 A̱ta̱solonikawa 2:2

nyi yok shim a̱yin a̱ kyiai nfwuo nyin na nyi tyia̱ ma̱ tai ma a̱nggang, nyia̱ a̱tuk ka nang A̱tyoli Yesu na mbwuok a̱ bai a̱ni, nyia̱ ku wa ka̱n bai ku si̱ swak. Nyi yok nwuak a̱chuchuk da̱ a̱lyiat a̱nia bah, ku nang a̱nyuu nyia̱ a̱ shei a̱lyiat A̱gwaza á̱zanson nang A̱za̱za̱rak Ntswa A̱gwaza wa tyia̱ gu ndyo a̱ni; ku a̱nyuu a̱ nyia̱ á̱ tyai gu ta̱m ji kpa̱sai; ku a̱nyuu a̱ ma nyia̱ á̱ lyuut mi̱ wusika ja neet da̱ a̱vwuo nzi̱t.

Titut 3:2

Tak ma̱ng a̱mba ba̱ yok tyam á̱ghyang, ba̱ bu fwuon zok bah. Da̱ a̱kwonu a̱kya, ku myim ba̱ swan swat nyinyang ma̱ng á̱ghyang. Ba̱ ghyuai á̱pyia̱ mba, ba̱ bu nyia̱ shonshyon ma̱ng a̱mgba̱m á̱niet ba.

Ibriniyawa 10:25

A̱wot zi̱ yok ghwon tung ndung hu nang á̱niet khwi a̱ni bah, ma̱nang á̱ghyang á̱niet ni̱ nnyia̱ a̱ni. Da̱ a̱kwonu a̱kya, zi̱ ni̱ ntyia̱ á̱ghyang nzi̱t gba̱gbak, ma̱ninika, nang zi̱ ndi jen bwuok A̱tyoli Yesu ji mbai kpa̱mkpaan a̱ni.

Ibriniyawa 10:37

Ma̱nang á̱ ndyuut a̱ni, nyia̱, “Mat á̱ na labeang bah, a̱tyu a̱ chobai a̱ni, a̱ na nwuo di̱ mi̱ byian jen.

1 Bitut 1:11

Nang A̱za̱za̱rak Ntswa a̱ bu yet a̱si̱ Kristi wu ntyia̱ a̱yaata̱m a̱kwonu A̱gwaza ba si̱ shei a̱lyiat nggu na di̱ kyang á̱ la̱p á̱ sak ku na bai á̱zanson a̱ni. Ba̱ si̱ zop mami a̱lyiat a̱nia da̱ a̱cha̱chaat njen ma̱ng si̱sak ji nang Kristi na nswuo a̱bung, a̱wot a̱ bu shya̱ a̱gba̱ndang a̱kyenkyai shi á̱zanson a̱ni.

1 Bitut 4:7

Sangba̱p swanta ji shim bai. Mat a̱nia, mi̱ nfwuo nyin na, si̱ nyi tung a̱nka̱li, nyi gba á̱pyia̱ nyin di̱ naai A̱gwaza.

Tyai Á̱zanson 22:20

Yesu, a̱tyu a̱ tak a̱chuchuk kpa̱sai tazwa a̱mgba̱m nkyang nani a̱ni, nyia̱, “A̱tsak a̱lyiat wa za̱m, n chobai di̱ mi̱n byian jen!” Samba̱rka! Bai A̱tyoli Yesu, bai!

Tyai Á̱zanson 22:7

(Á̱ si̱ fa̱k a̱nwuat ka̱ nyia̱,) “Di! N chobai di̱ mi̱n byian jen! Á̱niet a̱li̱ba̱rka bya yet á̱niet ba̱ khwi á̱lyiat a̱yaata̱m a̱kwonu A̱gwaza na nang á̱ lyuut mi̱ ta̱ka̱da huni a̱ni.”