A̱filibiyawa 4:22 - A̠lyiat A̠gwaza na di̠n Tyap: A̠li̠ka̠uli A̠fai

²² A̱wot a̱mgba̱m á̱kum á̱niet khwi A̱gwaza ba̱ shya̱ a̱ji a̱ni meang, ba̱ mun á̱ byat nyin. Á̱niet ba̱ yet á̱khwo a̱mali tyok Kaisar a̱ni, ba̱ byiat nyin a̱ swak.

A̱filibiyawa 4:22 Iomraidhean Croise

Matyu 5:47

“A̱wot ka̱ nyi byat á̱kpa̱ndang nyin bya ma̱nyin ba, yihwa nang nyi nyia̱ ku vwuon ma̱ng á̱kum á̱niet ka? Mee nnwap na̱ chyi A̱gwaza a̱ni, mun á̱ nyia̱ a̱nia a?

Nta̱m A̱yaata̱m 20:38

Kyang hu ku ku nwuak ba byian nfwuo ji a̱ni; huhwa yet a̱lyiat na nang Bulut ku hyia̱ ma̱ng a̱mba nyia̱ da̱ ba̱ bu na li nggu a̱ni bah. A̱wot ba̱ si̱ tyei nggu a̱ta̱lyen, á̱ nat ndyo di̱ tyan nwuai kukwon a̱wak ji.

Nta̱m A̱yaata̱m 9:13

Ananiya si̱ nyia̱, “A̱tyoli, a̱wot n ka̱n fa̱k nang á̱niet ma̱ a̱di̱di̱t bwoi nkhang a̱ka̱kpa̱t nang a̱tyu wuni ka̱n nyia̱ á̱za̱za̱rak á̱niet khwi ang ba ndyo mi̱ Urusha̱lima a̱ni!

A̱romawa 16:16

Nyi ni̱ mbyiat á̱ghyang nyin kuzang jen. Nyi vwuk á̱ghyang nang á̱niet khwi ba̱ chat á̱ghyang a̱ni. A̱mgba̱m susot á̱niet khwi Kristi ji a̱ji, byat nyin.

2 A̱korontiyawa 13:13

A̱mgba̱m á̱niet khwi Kristi ba̱ shya̱ a̱ji a̱ni, ba̱ byat nyin.

A̱filibiyawa 1:13

Mat a̱mgba̱m á̱niet nzwang ba ba̱ chok a̱li a̱gwam shan A̱romawa ka a̱ni, ma̱ng á̱ghyang á̱niet a̱ji, ba̱ lyen nang n shya̱ mi̱ la̱p ma̱ a̱nyanyang mi̱ jaru ji, da̱nian shei A̱sham Nkhang Kristi kya.

Ibriniyawa 13:24

Nyi byiat nzi̱t a̱yaakwak a̱son nyin ba, ma̱ng a̱mgba̱m á̱za̱za̱rak á̱niet khwi Yesu ba. A̱niet khwi nzi̱t ba, ba̱ shya̱ ma̱ a̱byin Italiya ka a̱ni, ba̱ byat nyin ba̱t.

1 Bitut 5:13

Á̱niet khwi ba ba̱ yet á̱na̱nyiuk nyin ba nang A̱gwaza khai ba̱ shya̱ Babila a̱ni, mbeang Ma̱rkut, nggwon nung ka mami nwuak a̱chuchuk, ba̱ byat nyin.

3 Yoona 1:14

Mat n tyia̱ fwuo ka̱ á̱ labeang bah, n na ndi nyin, a̱wot zi̱ na lyiat ma̱ng á̱ghyang a̱ghyi ma̱ng a̱ghyi.