A̱filibiyawa 4:21 - A̠lyiat A̠gwaza na di̠n Tyap: A̠li̠ka̠uli A̠fai

²¹ Nyi byiat nung a̱mgba̱m á̱za̱za̱rak á̱niet A̱gwaza ba, ba̱ yet á̱niet khwi Kristi Yesu ba a̱ni. Á̱niet khwi ba ba̱ shya̱ a̱ji ma̱ng a̱nung a̱ni, ba̱ byiat nyin.

A̱filibiyawa 4:21 Iomraidhean Croise

Matyu 5:47

“A̱wot ka̱ nyi byat á̱kpa̱ndang nyin bya ma̱nyin ba, yihwa nang nyi nyia̱ ku vwuon ma̱ng á̱kum á̱niet ka? Mee nnwap na̱ chyi A̱gwaza a̱ni, mun á̱ nyia̱ a̱nia a?

1 A̱korontiyawa 1:2

N dyuut sot á̱niet khwi A̱gwaza ba̱ shya̱ Korinti a̱ni wusika jini; nyin bya yet á̱niet ba nang A̱gwaza yorong ba̱ yet á̱za̱za̱rak á̱niet nggu a̱ni. A̱gwaza tyia̱ nyin nyi si̱ yet á̱za̱za̱rak á̱niet di̱ mun á̱pyia̱ nyin ma̱ng Kristi Yesu; ma̱nang gu ku nnyia̱ ma̱ng a̱mgba̱m á̱niet ba̱ shya̱ koji á̱ dyep a̱lyoot Yesu Kristi, a̱ yet A̱tyoli nzi̱t wu, ma̱ng á̱si̱ mba wu a̱ni.

A̱ga̱la̱tiyawa 1:2

A̱mgba̱m á̱niet khwi ba ba̱ shya̱ a̱ji ndung ma̱ng a̱nung a̱ni, ba̱ mun á̱ ta̱m ma̱ng wusika jini da̱ a̱vwuo a̱mgba̱m susot á̱niet khwi ji, ji̱ shya̱ mi̱ fam a̱byin Ga̱la̱tiya a̱ni.

A̱ga̱la̱tiyawa 2:3

A̱wot a̱yaakwak a̱son ba si̱ li̱n nung a̱ma. Da̱ mba ba̱ yong mi̱ chet nyia̱ á̱ tyia̱ Titut, a̱kpa̱ndang a̱chyet nung wu, mi̱ nchen bah ku nang gu ngyet a̱tyu A̱helenawa a̱ni.

A̱fisawa 1:1

Nung Bulut, a̱tyu nang á̱ khai mat shim A̱gwaza gu yet a̱ta̱m Kristi Yesu a̱ni. N dyuut wusika jini naat ndyo da̱ a̱vwuo á̱za̱za̱rak á̱niet khwi A̱gwaza ba̱ shya̱ ma̱ a̱keang A̱fisut. Ba̱ si̱ bu yet á̱tsotswat á̱niet khwi Kristi Yesu a̱ni.

A̱filibiyawa 1:1

Nung Bulut, nung gwa n dyuut nyin wusika jini, n shya̱ ndung ma̱ng Timoti, zi̱ yet á̱khwo Kristi Yesu a̱ni. N dyuut wusika jini da̱nian n ka byiat a̱mgba̱m a̱za̱za̱rak sot á̱niet khwi A̱gwaza ba, ba̱ shya̱ ma̱ a̱keang Filibi, ba̱ mun á̱pyia̱ ma̱ng Kristi Yesu a̱ni; ma̱ng a̱yaakwak a̱son á̱niet khwi ba, mbeang á̱niet ba̱ beang nta̱m sot á̱niet khwi na a̱ni.

A̱filibiyawa 4:7

A̱jawa nyi na ndyen swat nyinyang ku neet da̱ a̱vwuo A̱gwaza a̱ni, si̱ hu swak a̱mgba̱m kyang nang zi̱ na fi̱k a̱ni. Swat nyinyang nang A̱gwaza nwuat nzi̱t a̱ni, ku na chok nfwuo nyin na ma̱ng a̱di̱dam nyin wu mami Kristi Yesu.