A̱filibiyawa 4:20 - A̠lyiat A̠gwaza na di̠n Tyap: A̠li̠ka̠uli A̠fai

²⁰ Ma̱ninika, yok zi̱ nwuak A̱gwaza, a̱ bu yet A̱tyia̱ nzi̱t wu a̱ni shi, ba̱ng si̱ nat sang sangba̱p. Samba̱rka!

A̱filibiyawa 4:20 Iomraidhean Croise

Matyu 28:20

Nyi bu tyiet mman ta̱m á̱fai na na̱ bu khwi a̱mgba̱m tyiet nang n tak nyin a̱ni. A̱wot nyi nwuak a̱chuchuk, n ni̱ shya̱ ndung ma̱ng a̱nyin kuzang jen, si̱ nat a̱mgba̱m che wu!”

Matyu 6:9

A̱ni wa nang nyi na nnaai A̱gwaza wu nchi̱ri̱ng; ‘A̱tyia̱ nzi̱t wu a̱ shya̱ tswazwa ka a̱ni, á̱ ja̱u a̱lyoot ang ka.

A̱romawa 11:36

A̱tsak a̱lyiat, nggu wa nyia̱ kuzang kyang, a̱wot a̱mgba̱m nkyang nani nshya̱ mat chet nggu hu, da̱nian konyan a̱ ka nwuak gu shi. Yok dyep ku yet si̱ A̱gwaza si̱ nat sang sangba̱p! Samba̱rka!

A̱romawa 16:27

Yok a̱kyenkyai shi a̱ yet a̱si̱ A̱gwaza a̱nyiung, a̱ byia̱ mumwang ma̱nyin nggu a̱ni, mat chet a̱lyoot Yesu Kristi si̱ nat sang sangba̱p. Samba̱rka!

A̱fisawa 3:21

Yok a̱mgba̱m á̱niet khwi ba̱ nwuak A̱gwaza shi, ma̱ng Kristi Yesu, si̱ nat a̱mgba̱m kuzang che, ba̱ng si̱ nat sang sangba̱p! Samba̱rka!

A̱filibiyawa 1:11

Ma̱nang a̱kwon ni̱ ntyia̱ sum a̱ni, ma a̱nia wa, yok shya̱ san nyin hu ku tyei nyi shya̱ a̱tsotswat za̱kwa, a̱ neet da̱ a̱vwuo Yesu Kristi a̱ni, da̱nian á̱ ka dyep A̱gwaza á̱ nwuak gu shi.

A̱filibiyawa 4:23

Yok A̱tyoli Yesu Kristi a̱ fa̱k shok nyin a̱mgba̱m. [[Samba̱rka!]]

1 Timoti 1:17

Yok a̱kyenkyai shi ma̱ng Tyok ku yong chi̱k da̱ A̱gwaza, a̱ yet A̱gwam sang sangba̱p; A̱gwaza a̱ na nwai khwu a̱ni, A̱gwaza nang a̱ nwai nwuan a̱ni, nggu wa yet A̱gwaza ma̱nyin nggu, si̱ nat sang sangba̱p. Samba̱rka!

Yahuda 1:25

Yok a̱mgba̱m a̱kyenkyai shi a̱ yet a̱si̱ nggu, nggu ma̱nyin gu a̱ yet A̱gwaza a̱ni, nggu wa yet A̱tyusan zi̱t, mat Yesu Kristi A̱tyoli nzi̱t wu. Yok a̱mgba̱m a̱kyenkyai shi, yet, chet, ma̱ng tyok, ku yet si̱ nggu hwa, neet nang á̱ ka̱n tsa nche bah, ba̱ng bai ma̱nini, ma̱ng si̱ nat sang sangba̱p! Samba̱rka!

Tyai Á̱zanson 1:6

Nggu wa tyia̱ nzi̱t, zi̱ ngyet a̱yaapris ma̱ng mman Tyok da̱nian A̱gwaza a̱ yet A̱tyia̱ nggu wu a̱ni. Yok a̱mgba̱m shi ma̱ng chet ku yet si̱ nggu si̱ nat sang sangba̱p, Samba̱rka!

Tyai Á̱zanson 11:13

Mi̱ di̱n jen a̱ja, a̱gba̱ndang tyi̱ri̱m a̱byin si̱ kin hyat fam nyiung mami nfam swak a̱keang na! A̱gba̱ndang tyi̱ri̱m a̱byin wu si̱ hyaai á̱niet chyikwop a̱natat (7,000). A̱wot a̱gba̱ndang a̱wun si̱ ta̱bat kuzang a̱yin. A̱wot ba̱ si̱ shim nang A̱gwaza a̱ swan Tswazwa a̱ni mbyia̱ chet ba̱t!

Tyai Á̱zanson 14:7

A̱ si̱ kaat ma̱ng a̱gba̱ndang a̱nwuat nyia̱, “Nyi fa̱k a̱wun A̱gwaza, nyi bu nwuak gu shi! Mat jen nang gu na nswan a̱ nyia̱ á̱niet mi̱ swanta ba shi̱ri̱ya ji a̱ni, nyia̱! Nyi kwok gu ntong; nggu wa nyia̱ kyai tswazwa ma̱ng a̱byin, kyai a̱sa̱khwot, ma̱ng a̱mgba̱m nnang a̱sa̱khwot!”

Tyai Á̱zanson 5:12

A̱wot ba̱ si̱ bwom ma̱ng a̱gba̱ndang a̱nwuat nyia̱, “Fi̱ng A̱nfwuk hu nang á̱ faat a̱ni, a̱ maai a̱ san tyok, zwá, mumwang, chet, chyin, shi, ma̱ng a̱gwai!”

Tyai Á̱zanson 7:12

ba̱ si̱ bwom nyia̱, “Samba̱rka! Dyep, shi, mumwang, a̱gwai, chyin, tyok, ma̱ng chet, yet si̱ A̱gwaza nzi̱t hwa, si̱ nat sang sangba̱p! Samba̱rka!”