A̱filibiyawa 4:18 - A̠lyiat A̠gwaza na di̠n Tyap: A̠li̠ka̠uli A̠fai

¹⁸ Ma̱ninika, n wa ka̱n san kuzang kyang nang nyi ta̱m ma̱ng a̱nung ndyo a̱ni. A̱wot ku swak kyang hu nang n chat a̱ni. N wa ka̱n swa ma̱ng a̱mgba̱m za̱nang ji nang nyi ta̱m ma̱ng a̱nung ndyo gba̱mgbam mbwak A̱bafa̱ratut a̱ni. Za̱náng nyin ji yet za̱nang ja ji̱ byia̱ swam turare nyinyang nang A̱gwaza san a̱ si̱ fa̱k nyinyang ji a̱ni.

A̱filibiyawa 4:18 Iomraidhean Croise

Nta̱m A̱yaata̱m 10:4

Ka̱rna̱liyut si̱ fa̱k a̱wun ba̱t, a̱ si̱ sak á̱ghyi da̱ a̱ta̱m tswa A̱gwaza wu. Ka̱rna̱liyut si̱ lyip a̱ta̱m tswa A̱gwaza wu nyia̱, “A̱tyoli, yihwa hwa bai?” A̱jawa a̱ta̱m tswa A̱gwaza wu si̱ nyia̱ ma̱ng Ka̱rna̱liyut, “A̱gwaza fa̱k naai ang hu. A̱wot za̱náng nang a ka̱u á̱kunak na a̱ni, A̱gwaza san ji nang sa̱da̱ka a̱ni!

A̱romawa 12:1

Mat a̱nia, nyin á̱na̱nyiuk nung ba, nyi yet á̱niet khwi Yesu nang n chat a̱ni, n naai nyin, mat nang A̱gwaza ka̱n fa̱k kunak nyin ba̱t a̱ni, nyi neap nvam nyin na nang a̱chet ma̱ng a̱za̱za̱rak za̱nang ji̱ myim A̱gwaza a̱ni. Tangka̱i neap za̱nang huni hwa yet a̱tsatsak nvak wu nang nyi na nkyuak A̱gwaza ntong a̱ni.

2 A̱korontiyawa 11:8

Ka̱ a̱nia wa, ku li nang n ku ntsaai susot á̱niet khwi jhyáng ja, nang ba̱ ku nteang nung zang ta̱m, da̱nian n ka nyia̱ nyin ta̱m di̱ mi̱n tan a̱ni.

2 A̱korontiyawa 9:12

Mat a̱nia, á̱ na shya̱ nkyang nfeang na̱ yet a̱tan a̱ni mi̱ ta̱m ka̱u za̱nang kurum huni; á̱niet khwi ba̱ shya̱ mi̱ Urusha̱lima a̱ni, ba̱ na shya̱ kyayak, a̱wot ba̱ bu byia̱ fwuo sai ba̱ gwai A̱gwaza.

A̱fisawa 5:2

Nyi swan swat chat á̱ghyang, nyi khwi kidee Kristi ji. A̱ chat zi̱t, a̱ si̱ bu nwuak a̱pyia̱ nggu. A̱ si̱ khwu da̱nian nzi̱t, nang za̱nang á̱ fwui ji̱ byia̱ swam nyinyang nang A̱gwaza chat a̱ni.

A̱filibiyawa 4:12

N dyen si̱sak ji nang n na nswan nang a̱tyu kunak a̱ni, ma̱ng si̱sak ji nang n na nswan nang a̱tyu nzwá a̱ni. N wa ka̱n meang ma̱ng a̱swa mi̱ kuzang tangka̱i njen nang n shya̱ a̱pyia̱ nung a̱ni; ku ma̱ng kyayak ku ma̱ng a̱fa a̱khwot, ku n shya̱ gba̱mgbam, ku n shya̱ ma̱ a̱da̱dei.

2 A̱ta̱solonikawa 1:3

Á̱niet khwi Yesu ba nang n chat a̱ni, ku yet ta hwa, ku myim zi̱ gwai A̱gwaza kuzang jen da̱nian nyin, mat nang nyi mban di̱ nwuak fwuo di̱ Yesu, nyi si̱ bu mban di̱ chat á̱ghyang hu a̱ni.

Ibriniyawa 13:16

A̱wot nyi yok bwung nyia̱ á̱ghyang nyin shok, ma̱ng beang á̱kunak ma̱ng zwá nang nyi byia̱ a̱ni bah. Tangka̱i a̱tan nta̱m huni hwa yet kidee za̱náng nang A̱gwaza fwuong nyinyang a̱ni.

1 Bitut 2:5

A̱wot nyin nyi yet nfang nswuan nia nang á̱ nnok A̱za̱za̱rak A̱li A̱gwaza wu a̱ni. Kang ma̱ng a̱nia, nyi bu yet a̱za̱za̱rak sot a̱yaapris wa. Mat nang Yesu Kristi ngyet a̱tyu a̱ yong da̱ a̱kwonu nyin a̱zaghyi A̱gwaza a̱ni, A̱za̱za̱rak Ntswa na beang nyin, nyi neap za̱náng nang A̱gwaza na nfa̱k nyinyang nyin a̱ni.