A̱filibiyawa 4:17 - A̠lyiat A̠gwaza na di̠n Tyap: A̠li̠ka̠uli A̠fai

¹⁷ N hyia̱ a̱lyiat nani, mat n chat nyi nang nung kurum hwa bah. Da̱ a̱kwonu a̱kya, n chat nyi ma shya̱ zang ja da̱ a̱vwuo A̱gwaza, mat shok nang nyi nyia̱ nung dyo a̱ni.

A̱filibiyawa 4:17 Iomraidhean Croise

Yoona 15:16

“Nyin bya ku khai nung bah. Nung gwa ku khai nyin. N si̱ ntyia̱ nyin, nyi nat nyi tyei sum ma̱ a̱di̱di̱t. Sum hu ku na labeang a̱ni. Huhwa na mbyia̱, A̱tyia̱ wu a̱ nang nyin a̱mgba̱m nkyang nang nyi naai mami a̱lyoot nung ka a̱ni.

Yoona 15:8

Ka̱ nyi tyei sum ma̱ a̱di̱di̱t nang A̱gwaza chat a̱ni, nyi na tak nang nyi ngyet a̱tsatsak mman ta̱m nung nia. Nyi tsa bu nshei shi A̱tyia̱ nung hu kpa̱sai.

A̱romawa 15:28

Ki̱ n si̱ tyak a̱tan ta̱m wuni, nang á̱niet khwi bani nyia̱ a̱ni, a̱wot n si̱ nwuak á̱niet khwi ba̱ yet á̱kunak na a̱ni kurum hu, n sii na bai n byiat nyin, n sii swak nat A̱si̱paniya.

2 A̱korontiyawa 11:16

N bu na tak ma̱ng a̱nyin, nyi yok fa nyia̱ n gyet a̱bwuon a̱yin wa nang n dyiat a̱nia a̱ni bah. Ku nyi fa n gyet a̱bwuon a̱yin wa, nyi myiai a̱fufwuo nyi fa̱k a̱lyiat nung na; ma̱nang nyi na mmyiai a̱fufwuo nyi fa̱k a̱lyiat a̱bwuon a̱yin a̱ni. Da̱nian nung meang, n ka tam ma̱ a̱da̱dei nang á̱ghyang á̱niet ni̱ ntam a̱ni.

2 A̱korontiyawa 9:5

Huhwa mbyia̱, n di ku myim n ta̱m ma̱ng á̱kpa̱ndang ta̱m bani, ba̱ khwat a̱son nung á̱ bai da̱ a̱vwuo nyin, ba̱ ka li nang nyi tyak tung kurum hu nang nyi nyia̱ a̱li̱ka̱uli na nwuak a̱ni. A̱mgba̱m ma̱ng a̱nia, n chat nyi nwuak kurum hu nang fwuo nyin hwa kyiak a̱ni, ku yok yet nyin khwo hwa bah.

A̱filibiyawa 1:11

Ma̱nang a̱kwon ni̱ ntyia̱ sum a̱ni, ma a̱nia wa, yok shya̱ san nyin hu ku tyei nyi shya̱ a̱tsotswat za̱kwa, a̱ neet da̱ a̱vwuo Yesu Kristi a̱ni, da̱nian á̱ ka dyep A̱gwaza á̱ nwuak gu shi.

A̱filibiyawa 4:11

N shei nyin a̱lyiat nani, da̱nian n ka nchat beang hwa bah. Mat n wa ka̱n meang ma̱ng a̱swa di̱ kuzang kyang ku shya̱ nung a̱ni.

1 A̱ta̱solonikawa 2:5

Nang nyi ndyen a̱ni, nzi̱t zi̱ ku tak nyin lyen a̱nu hwa bah. Da̱ nzi̱t, zi̱ ku chat zi̱ laai nyin wa bah. Zi̱ ku mak nyia̱ nkyang mami wuwok, a̱wot zi̱ si̱ chat zi̱ niat na bah. A̱gwaza wa yet sheda nzi̱t hu.

1 Timoti 3:3

a̱tyu nwai hyeng a̱kan, a̱tyu nwai nyia̱ zook, a̱tyu nyia̱ shonshyon, a̱tyu swan swat nyinyang, a̱tyu sang shyuo kurum.

1 Timoti 6:10

Mat a̱dodo chat kurum wa yet a̱tyin kuzang tangka̱i a̱ka̱tuk. Á̱ghyang á̱niet tyia̱ nfwuo mba na di̱ shyuo kurum. A̱wot ba̱ si̱ ghwon khwi vak nwuak a̱chuchuk mba hu. Ba̱ si̱ bu khwat pyipyia̱ mba a̱ka̱tuk byian nfwuo ma̱ a̱di̱di̱t.

Titut 1:7

A̱tyu sang a̱bun, (mat nang gu ngyet a̱tyu ba̱ng nta̱m A̱gwaza a̱ni,) a̱tyu sang gba̱p a̱pyia̱, a̱tyu nwai ngai ma̱ng á̱niet, a̱tyu nwai la̱u swuo a̱kan, a̱tyu sang a̱ka̱kpa̱t, ma̱ng a̱tyu sang shyuo kurum.

Titut 3:14

Ku yet ta hwa á̱niet khwi nzi̱t ba, ba̱ hyaat di̱ nyia̱ á̱tsatsak nta̱m nang ba̱ na mbeang á̱niet ba̱ sang kyang a̱ni. Huhwa na tyia̱ ba̱ nswan a̱buk nswat bah.

Ibriniyawa 6:10

A̱tsak a̱lyiat, A̱gwaza nyia̱ shi̱ri̱ya nggu ji tsotswat. Mat a̱nia, a̱ na jhyung ba̱t si̱sak nang nyi ka̱n nyia̱ nggu nta̱m a̱ni; ma̱ng si̱sak nang nyi nchat gu, nyi si̱ beang á̱niet khwi nggu ba a̱ni. A̱wot nyi ni̱ ya a̱son ma̱ng beang mba hu.

1 Bitut 5:2

N gba nyin, nyi chok sot á̱niet khwi nang A̱gwaza tyia̱ nyin dyo mbwak a̱ni. Nyi chok ba ma̱ng fwuo nyiung. Nyi yok shim ku li nang khwo hwa á̱ tyei nyin a̱ni, ku a̱ka̱tuk wuwok chat kurum bah. Da̱ a̱kwonu a̱kya, nyi byia̱ di̱dang nyi nyia̱ ta̱m A̱gwaza hwa.

2 Bitut 2:15

Á̱niet tyiet a̱ka̱laa bani, teap ba̱ si̱ ghwon a̱tan nvak wu. A̱wot ba̱ si̱ khwi vak Ba̱lam nggwon Ba̱yor. Nggu wa ku chat a̱ shya̱ kurum ba̱t. Huhwa si̱ tyia̱ a̱ si̱ byia̱ fwuo nyia̱ a̱ka̱tuk nyia̱.

2 Bitut 2:3

Mat a̱dodo wuwok mba wu, ba̱ na bai ma̱ng nvak a̱ka̱laa, da̱nian ba̱ ka shya̱ kurum di̱ shyuo nyin. A̱wot A̱gwaza wa ka̱n faat ba shi̱ri̱ya a̱khwu neet a̱fwun bah. Mat a̱nia, a̱khwu mba ka na byian jen bah.

Yahuda 1:11

Ku swan baa! Mat ba̱ khwi kidee za̱kwa Kayinu. Nggu wa ku hyat a̱na̱nyiuk nggu wu Abila. Ma a̱nia wa, á̱niet tyiet bani ni̱ shyuo á̱niet mat chat kurum ma̱nang Ba̱lam ku nyia̱ a̱ni. A̱wot ma̱nang Kora ma̱ng á̱niet nggu ba meang ku nnyia̱ a̱ni, ba̱ na kwi mat tyia̱ zat mba hu.