A̱filibiyawa 4:12 - A̠lyiat A̠gwaza na di̠n Tyap: A̠li̠ka̠uli A̠fai

¹² N dyen si̱sak ji nang n na nswan nang a̱tyu kunak a̱ni, ma̱ng si̱sak ji nang n na nswan nang a̱tyu nzwá a̱ni. N wa ka̱n meang ma̱ng a̱swa mi̱ kuzang tangka̱i njen nang n shya̱ a̱pyia̱ nung a̱ni; ku ma̱ng kyayak ku ma̱ng a̱fa a̱khwot, ku n shya̱ gba̱mgbam, ku n shya̱ ma̱ a̱da̱dei.

A̱filibiyawa 4:12 Iomraidhean Croise

Matyu 11:29

Nyi kyiak a̱byi̱ri̱m khwi nung wu dundung ma̱ng a̱nung, a̱wot nyi myiam da̱ a̱vwuo nung. Mat n gyet shonshyon mi̱ fwuo. N si̱ ngyet a̱tyu ghyuai a̱pyia̱. A̱wot nyi na shya̱ fwung mi̱ nfwuo nyin na.

Matyu 13:52

A̱ si̱ bu nyia̱ ma̱ng a̱mba a̱ni, “Mat a̱nia, kuzang a̱tyu tyiet doka a̱ bwuak a̱ si̱ yet nggwon ta̱m mi̱ Tyok Ma A̱gwaza tswazwa hu a̱ni, a̱ yet kidee a̱tyoli a̱ ghwut ma̱ng a̱chuchuk tyiet fai, mbeang a̱chuchuk a̱khwukhwop tyiet mi̱ tutu mumwang nggu hu a̱ni.”

2 A̱korontiyawa 10:1

Ma̱ninika, nung Bulut, n naai nyin mami a̱lyoot Kristi, a̱ yet a̱shonshyon a̱ si̱ bu byia̱ shok a̱ni. Ku nang n dyen nyi kyiak nyia̱; n ni̱ ntyia̱ shi̱ri̱ng ki̱ n shya̱ da̱ a̱vwuo nyin a̱ni, a̱wot n ni̱ ngbang a̱lyia̱ ki̱ n shya̱ zan n dyuut nyin dyo.

2 A̱korontiyawa 10:10

A̱wot á̱ghyang á̱niet nyia̱, “Wusiká Bulut ji byia̱ chet, ji̱ si̱ bu vwuo a̱khwu. A̱wot ka̱ nggu ma̱ a̱pyia̱ nggu shya̱ dundung ma̱ng nzi̱t, vam nggu hu yet a̱bobwot, a̱lyiat nggu na si̱ yet a̱buk a̱lyiat wa!”

2 A̱korontiyawa 11:27

N ku nkyiak a̱junjung jen nang n nyia̱ ta̱m ba̱t, n ni̱ mbwuo á̱tyetuk ma̱ a̱di̱di̱t nang nkhat nda bah. N ni̱ nfwuong zong ma̱ng mashyi a̱sa̱khwot. A̱wot n ni̱ nswan kuzang jen di̱ mi̱n kyayak. Vam hu ni̱ tyi̱ri̱m nung ma̱ng shyishyim, mat n ku mbyia̱ a̱yaatoot shansham nang n na kup n fa̱k shut a̱ni bah.

2 A̱korontiyawa 11:7

Nyi kyiak n ku mbwuo a̱bun wa nang n ku nkyiak a̱pyia̱ nung kyang a̱ni baa? Kee nyi kyiak n ku mbwuo a̱bun wa, nang n si̱ nwuak nyin shi di̱ shei nyin A̱sham Nkhang A̱gwaza ka di̱ mi̱n san zang da̱ a̱vwuo nyin a?

2 A̱korontiyawa 11:9

A̱wot di̱n jen nang n ku nshya̱ dundung ma̱ng a̱nyin a̱ni, n si̱ mbyia̱ kurum ku maai nung san kyayak a̱ni bah. Da̱ nung, n gyet nyin kpa̱t da̱ a̱lyiat kurum bah. Da̱ a̱kwonu a̱kya, á̱niet khwi ba̱ ku neet mi̱ fam a̱byin Ma̱kidoniya a̱ni, bibya ku nwuat nung a̱mgba̱m kurum nang n chat a̱ni. Mat a̱nia, n ka̱n mak yet nyin kpa̱t bah. Da̱ nung, n na mak yet nyin kpa̱t bah.