A̱filibiyawa 4:11 - A̠lyiat A̠gwaza na di̠n Tyap: A̠li̠ka̠uli A̠fai

¹¹ N shei nyin a̱lyiat nani, da̱nian n ka nchat beang hwa bah. Mat n wa ka̱n meang ma̱ng a̱swa di̱ kuzang kyang ku shya̱ nung a̱ni.

A̱filibiyawa 4:11 Iomraidhean Croise

Luka 3:14

Á̱niet nzwang á̱ghyang mameang, si̱ bai á̱ ba̱ lyip Yoona nyia̱, “Nzi̱t meang, yihwa myim zi̱ nyia̱?” A̱ si̱ nyia̱ ma̱ng a̱mba, “Nyi ni̱ ngyok tsa a̱yin, nyi ta̱wap kyang nggu mi̱n chet bah. Nyi bu ni̱ ngyok fa̱t a̱yin á̱ghyi di̱ bat gu a̱bun bah. Nyi ni̱ nswa nyi yok jhyuai kurum nang á̱ teang nyin a̱ni bah.”

2 A̱korontiyawa 11:27

N ku nkyiak a̱junjung jen nang n nyia̱ ta̱m ba̱t, n ni̱ mbwuo á̱tyetuk ma̱ a̱di̱di̱t nang nkhat nda bah. N ni̱ nfwuong zong ma̱ng mashyi a̱sa̱khwot. A̱wot n ni̱ nswan kuzang jen di̱ mi̱n kyayak. Vam hu ni̱ tyi̱ri̱m nung ma̱ng shyishyim, mat n ku mbyia̱ a̱yaatoot shansham nang n na kup n fa̱k shut a̱ni bah.

2 A̱korontiyawa 6:10

A̱wot nfwuo nzi̱t na ni̱ byian. A̱mgba̱m ma̱ng a̱nia, zi̱ ni̱ shya̱ ma̱ng a̱gwai. Zi̱ yet á̱kunak nia mi̱ swanta huni. A̱mgba̱m ma̱ng a̱nia, zi̱ ni̱ tyia̱ á̱niet ba̱ shya̱ a̱li̱ba̱rka á̱ neet da̱ a̱vwuo A̱gwaza a̱ni. Zi̱ byia̱ kyang mi̱ swanta huni bah. A̱wot a̱mgba̱m ma̱ng a̱nia, zi̱ byia̱ kuzang kyang Ma A̱gwaza tswazwa.

2 A̱korontiyawa 8:9

Nyi lyen nang A̱tyoli Yesu Kristi nzi̱t wu mbyia̱ shok gba̱mgbam, a̱ ni̱ nwuat mi̱ fwuo nyiung. Ku nang gu ngyet a̱tyu nzwa a̱ni, a̱mgba̱m ma̱ng a̱nia, a̱ si̱ ghwon zwá nggu ji da̱nian nyin, mami kunak nggu hu. A̱ si̱ tyia̱ nyin nyi ka yet á̱niet nzwá.

2 A̱korontiyawa 9:8

A̱wot A̱gwaza byia̱ shok a̱ ka̱u nyin kuzang kyang nang nyi chat a̱ni gba̱mgbam ma̱ng fwuo nyiung; da̱nian kuzang jen, nyi ka byia̱ kuzang kyang nang nyi chat a̱ni, a̱wot nyi byia̱ nhu gba̱mgbam, nyi ka̱u á̱ghyang á̱niet ba̱ sang a̱ni.

A̱filibiyawa 3:8

A̱tsak a̱lyiat, n kyiak kuzang kyang nang n dyin a̱ni, ku yet a̱buk kyang wa; ka̱ n tyan nhu ma̱ng a̱gba̱ndang kpangti̱n nang n shya̱ di̱ lyen Yesu Kristi, A̱tyoli nung wu a̱ni. Da̱nian khwi Kristi hwa, nang n ji̱p kuzang kyang. N si̱ kyiak kuzang kyang nang a̱tong a̱ni, da̱nian n ka nkhwi Kristi mi̱ swat nung hu,

Ibriniyawa 10:34

Nyi ku swuo a̱bung dundung ma̱ng á̱niet khwi ba nang á̱ ku tyia̱ mi̱ jaru a̱ni. A̱wot a̱mgba̱m nkyang nang nyi ku byia̱ a̱ni, á̱niet nyia̱ tyok ba si̱ ta̱wap naa, ba̱ si̱ ghwon nyin. A̱mgba̱m ma̱ng a̱nia, nyi si̱ san si̱sak nang nyi nnwai nkyang a̱nia a̱ni ma̱ng a̱lyia̱ sai. Mat nyi ku lyen nang nyi na nshya̱ á̱tsatsak nkyang nang á̱ sak nyin dyo Ma A̱gwaza tswazwa, na̱ fwuong nyin si̱ nat sang sangba̱p a̱ni.