A̱filibiyawa 4:1 - A̠lyiat A̠gwaza na di̠n Tyap: A̠li̠ka̠uli A̠fai

¹ Mat a̱nia, nyin á̱niet khwi Yesu ba nang n chat a̱ni, nyi yong chi̱k di̱ nwuak fwuo nyin hu da̱ A̱tyoli Yesu. Mat n fa̱k da̱ nyin, nyi yet á̱kpa̱ndang nung, nyin bya bu yet a̱gwai nung na ma̱ng bung tyok nung ji, ji̱ yet zang ta̱m nung ji a̱ni.

A̱filibiyawa 4:1 Iomraidhean Croise

Matyu 10:22

Konyan na lak li nyin mat nang nyi ngyet á̱niet khwi nung a̱ni. A̱wot konyan wa gbang a̱lyia̱, a̱ si̱ yong mi̱ chet di̱n jen ya̱shuk si̱ nat sangba̱p swuan nggu ji a̱ni, nggu wa na shya̱ san hu.

Yoona 8:31

A̱jawa Yesu si̱ lyiat ma̱ng A̱yahudawa ba, ba̱ ku nwuak fwuo da̱ nggu a̱ni, a̱ si̱ nyia̱, “Ka̱ nyi wa khwi a̱lyiat nang n tyiet nyin a̱ni, si̱ nyin bya chi̱k yet mman nung na.

Nta̱m A̱yaata̱m 11:23

Jen nang Ba̱nabat si̱ nnwuo, a̱ si̱ li si̱sak nang A̱gwaza nnyia̱ mba shok a̱ni. A̱ si̱ fa̱k fwuo sai ba̱t! A̱wot a̱ si̱ tyia̱ mba gba̱gbak, ba̱ ka yong da̱ a̱chuchuk ba̱ khwi A̱tyoli Yesu ma̱ng fwuo nyiung.

Nta̱m A̱yaata̱m 14:22

Ba̱ si̱ tyia̱ á̱niet khwi ba gba̱gbak, ba̱ yong mi̱ chet di̱ nwuak fwuo mba hu da̱ Yesu. Ba̱ si̱ nyia̱ ma̱ng a̱mba ba̱ yok bwung bah; nyia̱, “Ku yet ta hwa zi̱ swuo a̱bung di̱ nvak ma̱ a̱di̱di̱t, zi̱ sii nnwuo Tyok A̱gwaza hu!”

Nta̱m A̱yaata̱m 2:42

A̱mgba̱m á̱niet khwi ba si̱ ntyia̱ a̱lyia̱ di̱ khwi tyiet nang a̱yaata̱m Yesu ba tyiet mba a̱ni. Ba̱ si̱ mun á̱pyia̱ ma̱ng ya nkyayak dundung ma̱ng á̱ghyang mba, (mbeang ya nkyayak a̱di̱dam a̱khwu Yesu hu,) ba̱ si̱ bu naai A̱gwaza á̱ nchi̱ri̱ng.

A̱romawa 2:7

Á̱niet ba ba̱ ni̱ gbang a̱lyia̱ ba̱ nyia̱ a̱tan nta̱m, ba̱ ni̱ chat A̱gwaza a̱ chyin mba za̱m, a̱wot ba̱ ni̱ chat á̱ nang mba zang ji̱ yet swuan ji̱ nwai tyiai a̱ni; A̱gwaza na nang ntangka̱i á̱niet nani swuan sang sangba̱p.

1 A̱korontiyawa 15:58

Mat a̱nia, nyin á̱niet khwi Yesu ba nang n chat a̱ni, nyi yong mi̱ chet. Nyi yok shyei bah. Kuzang jen, nyi ni̱ mbyia̱ di̱dang nyia̱ nta̱m A̱gwaza na ma̱ng fwuo nyiung. Mat nyi lyen á̱ mbyia̱ ta̱m nang nyi nyia̱ da̱nian A̱gwaza, ku na yet a̱buk kyang a̱ni bah.

1 A̱korontiyawa 16:13

Nyi chok á̱pyia̱ nyin, nyi bu yong mi̱ chet mami nwuak fwuo nyin hu di̱ Yesu. Nyi gbang a̱lyia̱.

2 A̱korontiyawa 1:14

ku nang nyi nwai fi̱k zi̱t ma̱nini a̱ni. A̱wot a̱tuk ka nang A̱tyoli Yesu na mbwuok a̱ bai a̱ni, nyi na tam da̱ nzi̱t ma̱nang nzi̱t meang ntam da̱ nyin a̱ni.

A̱ga̱la̱tiyawa 5:1

A̱tsak a̱lyiat, Kristi tyia̱ zi̱ yet á̱sa̱t á̱niet bya za̱m. Mat a̱nia, ma̱ninika, nyi yong mi̱ chet nang á̱sa̱t á̱niet a̱ni. Nyi yok shim nyi bu yet á̱khwo doka bah.

A̱filibiyawa 1:27

Kyang ku yet a̱ swak a̱ni, ku yet ta hwa nyi swan nang á̱tsatsak mman a̱byin Ma A̱gwaza tswazwa a̱ni. Nyi swan swat ku myim A̱sham Nkhang Kristi ka a̱ni. A̱wot ka̱ nyi nyia̱ a̱nia, ki̱ n ba̱ mbai n di nyin, ku n ma nfa̱k nkhang nyin nia, n na ndyen nang nyi ngyong mi̱ chet dundung ma̱ng á̱ghyang, di̱ mun á̱pyia̱ ma̱ng la̱p sak nyiung. Nyi bu kwan, nyi ya a̱son ma̱ng tyiet a̱chuchuk tazwa A̱sham Nkhang ka.

A̱filibiyawa 1:8

A̱gwaza lyen si̱sak nang n chat nyin n si̱ bu nfa̱k da̱ nyin a̱ni ba̱t, ma̱nang Kristi Yesu nchat nyin a̱ni.

A̱filibiyawa 2:16

Nyi ba̱ng a̱lyiat na̱ nwuat swuan a̱ni gi̱ngi̱ng, da̱nian a̱tuk ka nang Kristi na mbwuok a̱ bai a̱ni, n ka ntam n bu ndyen nang n tyong a̱buk chung da̱ a̱vwuo nyin bah. A̱wot n ka ntam nang ta̱m nung hu ngyet á̱buk nta̱m wa mami nyin bah.

A̱filibiyawa 2:26

N na ta̱m gu da̱ a̱vwuo nyin mat a̱ fwuong di̱dang li nyin a̱mgba̱m. A̱wot a̱ si̱ byia̱ a̱fi̱fa ba̱t, mat a̱ lyen nyi ka̱n fa̱k nkhang zwan nggu na.

A̱kolosiyawa 4:12

A̱bafa̱rat yet a̱tyo nyiung wa mi̱ sot á̱niet khwi nyin ji, a̱wot a̱ bu yet a̱khwo Kristi Yesu a̱ni, byat nyin. A̱ ni̱ ntyia̱ a̱lyia̱ di̱ naai A̱gwaza kuzang jen da̱nian nyin, gu ka tyia̱ nyin nyi yet á̱niet tat á̱ghyi, nyi bu yet á̱tsatsak á̱niet. A̱bafa̱rat bu nwuak a̱chuchuk nang nyi nkhwi a̱mgba̱m kyang nang A̱gwaza chat a̱ni.

1 A̱ta̱solonikawa 3:13

Yok A̱gwaza a̱ bu tyia̱ nfwuo nyin na gba̱gbak, nyi yet á̱niet sang a̱bun, nyi bu yet á̱za̱za̱rak a̱zaghyi nggu, a̱tuk nang A̱tyoli nzi̱t wu Yesu Kristi na mbwuok ndung ma̱ng á̱za̱za̱rak á̱niet khwi, ba̱ yet á̱si̱ nggu ba a̱ni.

2 A̱ta̱solonikawa 2:15

Mat a̱nia, á̱na̱nyiuk nzi̱t ba mi̱ khwi Yesu nang zi̱ chat a̱ni, zi̱ chat nyi yong mi̱ chet. Nyi ya a̱son mi̱ khwi tyiet nang zi̱ ku tyiet nyin gi̱ngi̱ng a̱ni; si̱ zi̱ ku lyiat ma̱ng a̱nu, ma̱ng si̱ zi̱ bu lyuut nyin ndyo mi̱ wusika a̱ni.

2 Timoti 2:1

Mat a̱nia, nwan Timoti nggwon nung mi̱ khwi Yesu, gbang a̱lyia̱ mat shok ji nang Kristi Yesu nyia̱ ang ndyo a̱ni.

Ibriniyawa 10:23

Yok zi̱ yong mi̱ chet di̱ mi̱ but mi̱ fwuo, di̱ tyia̱ fwuo nzi̱t hu nang zi̱ shei á̱ghyang á̱niet kpa̱sai a̱ni. Mat A̱gwaza yet a̱tsotswat wa, a̱ na nyia̱ kyang hu nang gu nyia̱ a̱li̱ka̱uli a̱ na nyia̱ a̱ni.

Ibriniyawa 3:14

Mat ki̱ zi̱ nyia̱ tsotswat si̱ nat sangba̱p swuan nzi̱t ji, zi̱ si̱ yong mi̱ chet di̱ nwuak fwuo da̱ A̱gwaza, ma̱nang zi̱ ku ntsa nwuak fwuo hu a̱ni; a̱mgba̱m nzi̱t, zi̱ na yet á̱kpa̱ndang ta̱m zi̱ ya gado dundung ma̱ng Kristi.

Ibriniyawa 4:14

Mat a̱nia, nang zi̱ mbyia̱ a̱gba̱ndang pris a̱ swak ma̱ng shi a̱ni, nggu wa ka̱n nwuo Ma A̱gwaza tswazwa, nggu wa yet Yesu, Nggwon A̱gwaza ka; yok zi̱ yong mi̱ chet di̱ nwuak fwuo nzi̱t hu da̱ nggu.

2 Bitut 3:17

Mat a̱nia, nyin á̱niet khwi Yesu ba nang n chat a̱ni, nang nyi ka̱n dyen a̱nia a̱ni, nyi cham á̱pyia̱ nyin, kalak á̱niet tyiet a̱ka̱laa bani, ba̱ lak khwi doka A̱gwaza ji a̱ni, ba̱ bwan nfwuo nyin na. Nyi ghyuap di̱ nyia̱ a̱chuchuk, nyi ka kwa di̱ yong mi̱ chet nyin hu.